احترت في وضع عيالي

تعرفوني اني طالبه الطلاق وتركت الزفت الي كنت عنده
لخبط حياته فوق تحت مقهور اشلون رفست حياته ورجعت لاهلي
وده اقعد محبوسه عنده الزبده عيالي يشتكون منه يحبسهم
بلاسابيع وبخيل مره اللقمه عليهم بلحسره وربي يبنات الهم
ذبحني لي شهرين عند اهلي كلمته يطلقني ورافض حتا بنتي
خرب عقلها امس متصله علي تقولي يمه انتي ماتبينه اجلسي
عند خوالي معززه مكرمه وانسي سالفت الطلاق ولا ترجعين
وقلت له ليش يعلقني قالت اكيد ودك تتزوجين وربي لنكرهك
لو تزوجتي قلت لا والله مافكرت وطلع ابوها قايله ماني
مطلقها وراح اعلقها الين توصل الخمسين وتعجز وماحد ياخذها
وتخيلو طول اليوم بر البيت ولا يدري عنهم والله العضيم سافرت
من الرياض لابها وبنجلس ثلاث شهور لان الوالد متقاعد وعنده بيت
هناك والله العضيم امس جالسه بلحوش وتذكرتهم احسهم حولي
والله العضيم انه ينزل المطر وانا ادعي عليه والله العضيم نحفت
من القهر اجلس علا السفره عند اهلي الاكل اشكال والوان
واذا تذكرتهم تنسد نفسي وربي نزلت تسعه كيلو من الهم كل 
من شافني قال ليش ضعفانه وكل ماتصلو علي يسبو في ابوهم
وكارهينه قلت لهم العطله حاولو فيه تجوني ابها بس هو معند
ومانعهم يجون عندي وسال بنتي قال وين امك وقالتله راحت
ابها وقال هين والله لاوريها الداشره الي ماهي مخليه مكان
ماراحت له ويجي يحط حرته في عياله ويهددهم مايشيلون الحضر
ويحذفون رقمي ان نفذت بجلدي وهجيت وانتقم منهم ماقدرت اتحمل
وجيت عند ابوي ابكي وقلتله علا معاملت ابوهم لهم وانه مايصرف
عليهم والريال بلحسره وكلم خاله وقاله والله والله لو مايعدل
معاملته لعياله ويصرف عليهم لاشتكيه في حقوق الانسان
وياخذ جوال بنتي ويدق علي من جوالها ورديت الا هو الي
يتكلم وقالي تشتكوني في حقوق الانسان هين اشوف من
الي يضحك في الاخير والله لاعلقك ةوتجلسين علا ذمتي
الين تخيسين في بيت اهلك وخليك مسافره وداشره باكسر
راسك وراس الي خلفوك قلت له اصلك مو رجال لو رجال كان
اشتريت كرامتك وحده ماتبيك وتكرهك وماتبي تطلق وسكرت
في وجهه من يومها وانا ادعي عليه الله ياخذه ويريحين منه
ويجمعني بعيالي يارب