احترق شعر رأسي بسبب مباراه

بسم الله الرحمن الرحيم

السلام عليكم ورحمة الله وبركاته

اخواني الكرام اسعد الله اوقاتكم بكل خير كنت اتنمى ان يكون فيه قسم للفرفشه علشان نفرفش
المهم العام يقوم بالواجب

بأصرار احد الاخوان الي فاقع كبدي اصر اني اكتب لكم موقفي في مبارة الهلال--والنصر

قبل 20 سنه عزمني واحد من الشباب علي مبارة قويه ورنانه بين فريق النصر والهلال

قلت في نفسي تمام شي ببلاش ربحه بين

اول مره اروح مباره في ملعب واصلا انا ما احب المباريات لكن قلت خلني يا ولد أروح أشوف الناس والدعثه الا تصير في المبارات

دخلت مع خوي الا عزمني ساحة الملعب واشوف عالم وناس كثير

وادور خوي ما حصلته ضاع مني
مشيت وحصل واحد مصبغ نفسه اصفر وازرق
المهم جاني وعطاني علم وكان معه اعلام كثيره الرجال مجتهد عنده هم واخذت منه علم النصر وادخل المدرج واشجع مع الناس

وارفع العلم مره يمين ومره شمال ومدري والله وش السا لفه بسسس مع الخيل يا ترنج

الا واحد دفني مع كتفي واحد شكله نيفيا

قلت وش فيك تدفنا وحنا عيال حمايل

قال لي وش جابك انت ووجهك الي مدرجنا ومعك علم النصر ؟؟؟؟

واناظر الا انا في مدرج الهلال قلت في نفسي

حط رجلك يا ولد وانحاش وما دريت اني اشجع النصر في مدرج الهلال عاد حلها

واروح مدرج النصر وقول في نفسي الحمد الله ان الله نجاني منهم ولا سرت في خبر كان

وانا في مدرج النصر اشجع واحرك العلم مره فوق ومره تحت شوووي اسمع صوت واحد يصيح

بقوه عيني عيني واشوف وراي الا واحد ماسك عينه ويصيح اثري فقعت عينه با العلم

وأحط رجلي وارمي العلم وانزل تحت المدرج واقول في نفسي وش سويت فقعت عين الرجل :o

وقول وانا افكر في السالفه الا وانا اشم ريحه حرق شعر وتعرفون اول حنا ماهو مثل

الخكاريه نقصص شعورنا نحط فيه كليو دهن ونسووي خربييط

لا كنا نخلي شعورناتنمو علي راحتها

اما تطلع فوق ولا تنزل تحت عاد انا كان شعري فوق وطويل وانا اشم ريحه الحريق

الا فوقي يعني في المدرج الا فوقي واحد يشرب دخان بعد ما خلصه رامها الا هي فوق شعري وحرق شعر راسي:06::06: لكن الحمد الله لقيت واحد في يده مويه فا اخذتها منه بسرعه وسكبته علي شعري وطفيت النار وانا اقول الله لا يبارك في عزومه مثل هذي :(:(:23:

<<<<<<<<<< منقوله >>>>>>>>>>:mouse::55::02: