احتسبت الاجر لله بس تعبت وضاعت علي احلى ايام العمر

مساء الخير حوائيات

انصحوني عاتبوني وجهوني اهم شي اتمنى راي يغيرني او كلام يفيدني

انا متزوجه من مطلق عنده بنتين طبعا من ثاني اسبوع من زواجي والبنتين عندي لاشهر عسل ولاغيره ثاني اسبوع من زواجي البس وادرس واجلد كتب واصحى من 5 الفجر وانام بدري علشان المدرسه محرومه من اي اجازات واجازات المدارس مايعطون زوجي اجازه يعني مربوطه طول السنه بالمدرسه يعني مااقدر اتحرك طول السنه يعلم الله اني ماقصر مع البنات بشهادة الجميع ومحتسبه فيهم الله رغم انواع الدلع واللكاعه اللي اشوفها منهم وامهم يروحون لها يومين في الاسبوع ماتصدق يجي اليوم الثاني ترجعهم حتى في اجازات المدارس ماتقول بجلسهم عندي كم يوم احيانا حتى اليومين ماتبغاهم ترجعهم بعد عشر دقايق من روحتهم وعذرها تافه جدا ماعندي شغاله -- يزعجوني --عقابا لهم يرجعون عند ابوهم لانهم تضاربو يعني تدور العذر ماتبغا بناتها

انا ماعلي من هذا كله مشكلتي صرت احس بالضيق يعني احس نفسي ماتهنيت مع زوجي ماتهنيت بزواجي يعني كرف وشغل وتدريس وارتباط بالمدارس الواحد يمل يعني احيانا من التعب نفسي اخذ اجازه لنفسي من البنات ماصدق يجي نهاية الاسبوع اقول بيروحون عند امهم مالاقيها الا رجعتهم والسبب نها تبغا تطلع الاسواق جمعات الحريم وعلى قولها اذا طلعت وسيبتهم في البيت يوسخونه لها يعني اعذار تافهه

انا تعبت نفسيا وجسميا ابغا ارتاح لو يومين في الاسبوع زوجي صار يقولي انت متغيره فعلا انا متغيره يجي من دوامه اخر الليل وانا تعبانه ادور السرير بس صرت احس بضيق احتسبت الاجر لله بس تعبت ابغا ارتاح لو يومين في الاسبوع لو اسبوع في اجازة المدارس ابدا صايره كاني وحده متزوجه لها عشرين سنه وانا ماكملت 3 سنوات بكره بيكبرون عيالي وبيدخلون مدارس وخلاص راحت علي ايام بداية زواجي ماتهنيت مارتحت

لو بتسالوني عن زوجي رجال طيب محتسبه تربية البنات لله وعلشانه بربي لو عشر بنات يستاهل الخير بس تعبت فعلا

ايش اتذكر من احلى ايام زواجي دراسه وتربيه وتدريس وكرف وشغل وياريت البنات يقدرون هم ولا امهم احيانا اقولهم اجلسو اسبوع عند امكم في الاجازه بروح عند اهلي وابوكم بيعطيكم مصروف يروحون يوم ويرجعون يقولون ماما تقول انت تزوجت مطلق تتحملين وماما مشغوله بتروح السوق رجعتنا لك


تعبت تعبت تعبت ومتحمله علشان زوجي واتمنى الاجر