احد يواسيني ويشرح لي الوضع الي انا فيه

بسم الله
اللي تنتهي من كلامي وتحس اني تافهه ( هذي اقولها انا اصلا اشوف الوضع تافهه بس احيان تصير مواقف تقهر وتخليني تافهه )


السالفة الا وهي ( الخطاب .. الخطاطيب .. طلاب يدي .. ههههههههههههههههههههه صدق تافهه


بنات انا هالسالفه تشغل بالي بالشهر مره
لو جيت وعرفت عيوبي البسيطه واتفق مع نفسي اصلحها ماااصلحها لان اصلا مصداقيتي مع نفسي عقلي خامل عن هذا الموضوع
مثلا .. اشياء بسيطه اعضمها وزني 60 ويبي لي انزل عشرة كيلو بسسسسسسسسسسسسس ولا الباقي الحمد لله كامله والكامل الله


السالفه بدأت من يوم كنت في اول جامعه ... صديقتي من اقصى الجنوب خطبتني وانا من اقصى الشمال
عادات تختلف .. كل شي يختلف .. كانه من دوله ثانيه
طبعا رفضت بدون مااشوفه ولا حتى استخير ولا هي قالت لي بكره يجيك النضرة والخطبه وانا خليت اختي تصرفها


المهم ومن بعدها ....


ياربي ما ابغا اوسوس بس اقسم بالله من بعدها جتني احلام كلها ارقي نفسك .. امور الزواج متعسرة
وعدت على هالحلوم خمس سنوات


خلال هذي المدة
* في وحده لمحت لامي تبي تحجزني والحين ولدها متوضف له سنين ولا جت وسمعت انها بطلت ومتردده بسبب اني اكبر منه بسنه وحده
* جاني اخوي وكلمني عن نسيبه اخو زوجته ... ماعطيته وجهه لاني ابغا الاول
* رحت مع ابوي زواج في ديرة ثانيه فيها اهل عمي وحرمه نشبت لي واليوم الثاني جايه تدورني عند بيت عمي الله واعلم ايش قايلين عني وبطلت
* وحده من جماعتنا بزر بالثانوي ترسل لي صورة وحده قالت لي هذي تشبهكي .. شوي تقول نفس المواصفات اللي يبغاها اخوي ولا جووووووو
* صديقتي الثانيه تبغا توهقني في اخوها سألت عنه طلع ماااش اقلها التعليم متوسطه والتعليم يثبت جدية الرجال
* صديقة امي كلمتها عني بعدين تتعذر والله ولدي مايبغا الزواج
* اخرتها صديقتي تكلمني عن واحد وانا خلاص صملت ونويت لانه دكتور ويوم وصل الموضوع انه كلم ابوي وقال له ابوي ارسل اسمك كامل انسحب


رقية ورقيت نفسي بختم القران كل اسبوع لكن لازال الموضوع معطل


انتم ماعرفتو المشكلة وين : المشكلة ابغا احس ان الموضوع كمل حتى لو ماوافقت ابغا احس بقدر نفسي انه في احد جاء لحد باب بيتنا علشاني


انا مو صغيره 27 سنه
وعندي خوات ارمله ومطلقه بعد ملكه .... صابتهن حاله حسسسسد تجاهي لا توصف خصوصا الكبيره اي تلميح تموت قهر وترمي كلام زي السم وتحاول تقلل من قيمتي بالكلام الزفت
ولا الثانيه ... جتنا وحده تبغا تتعرف قبل الخطبه اللي حز في نفسي انها جايه تشوفنا بعدين تقرر ... ليش احنا بضاعه في محل بالاخير اللي يصدم انه اختي تبغا توافق والحرمه ما تكلمت وعاشت دور المخطوبه في البيت وعند صديقاتها .... وتقول انا انخطبت ... بالاخير الحرمه خرجت ولم تعد




سبحانك اللهم وبحمدك اشهد ان لا اله الا انت استغفرك واتوب اليك