سويرة الحلوة :

كل وحدة تطلع وتخلي شغالتها مع اطفالها بدون كاميرا او مراقبه من شخص قريب فهي تفرط بأعز امانه وهبها لها رب العباد... انا جبت شغاله لكن بعد طفل وتؤام ومع التوائم صعب انك تراعين اي طفل ثاني لكن ماتطبخ ومالها ادنى علاقه بتربية اطفالي ممكن تمسكهم وانا بالبيت وعندي كم شغله ساعه بالكثير.. مهمتها البيت لان مستحيل تكونين سهرانه مع تؤام طول الليل وبعدين تقدرين الصبح تشتغلين -اطفالي اذا احتجت احد يمسكهم اوديهم للوالده والاهم ان الخادمه انسانه ماتنقص انسانيتها او كرامتها كونها اشتغلت عندي يعني مو اذا ضاق خلقي من الدنيا مااطلع همي فيها. ومن حقها انها ينقال لها شكرا وجزاك الله خير لان للاسف صيغة الامر هي اللي ماشيه عند الاغلبيه وللمعلوميه القى انتقادات من اللي حولي انها ماتنوم اطفالي لكن ماافهم طريقة تفكير الناس اللي تنتقدني عموما الموضوع مهم والحذر واجــــــــــــــــب والله يحفظ اولاد المسلمين من كل شر وسوء

كل وحدة تطلع وتخلي شغالتها مع اطفالها بدون كاميرا او مراقبه من شخص قريب فهي تفرط بأعز...

العود المنثور :

موضوعج اتفق معاج فيه من نواحي كثيره واختلف في شيء واحد ان نحن للاسف بحاجتهم بالذات لما يكون البيت كبير والكل يشتغل ,يعنى نحن فالبيت كل واحد يهتم بغرفته بس غسيل الملابس وغيره وتنظيف الحديقه والصالات صعب ,من ناحيه التباهي في ناس كثير عندهم لازم تكون فلبينيه يعنى اونه تعلم اليهال لغه واصلا لغتهم مش لهالدرجه ,وما يدرون ان هاللي يتباهون فيهم هم اساس الخراب والمشاكل ,يعنى مش غلط وجود خادمات بس مثلا الاطفال ما يتركون معاهم بدون وجود رقيب بالبيت لانهم يستغلون اي لحظة عشان يفلتون .اهم شي الرقابه وان الوحده منهم تحس ان لو غلطت محد بيتهاون معاها وبنفس الوقت المعامله الزينه وحتى لو غلطت او ما ادت الشغل المطلوب منها علي ادق وجه (يمكن جهل ويمكن استعباط) انا بأبتسامه اطلب منهم يعيدونه, بس اخر وحده يت مؤقته صدق وقحه ام السحور والخرابيط وبعد ترد علي,,,,,,,,,اخ قهر

موضوعج اتفق معاج فيه من نواحي كثيره واختلف في شيء واحد ان نحن للاسف بحاجتهم بالذات لما يكون البيت...