شوفي الموضوع عادي الله يوفقك ويهدي سرك

آآآآآآآآآآآآآآآآآآآآآآآمين يارب ويعجل بزواجكم ويجمعكم على الحب والطاعه

آمممين الله يسمع منج غرشوب

اختي ليش تخجلين من شي انتي ماسويتيه !!! شعورك هذا شي عادي تحسه كل وحده بسنك مب عيب ولا حرام انك تشوفين حد بمثل اخلاق والتزام واحترام هالرجال وتتمنين انه يكون من نصيبك الله يستجيب لك

غرشوب استحي من ربي ومن نفسي احسه شعور غلط ومو لي انا يعني اني افكر بريال غريب شي كبير علي
بس اختي انا خايفه عليك من شي ثاني تعرفين شو هو ؟؟؟ خايفه عليك انه مايكون حاس بشي تجاهك وانك تعيشين مشاعر من صوب واحد تنمو وتكبر وتترعع وبعدين لما يصير من نصيب غيرك تنتكسين وتنجرحين !!!

مابيه يحس انا خايفه انه يحس مابي اكون قليلة حيا :( بس ادعي ربي انه يكون من نصيبي بالحلال:( مادري مشاعر اول مره تيني وهي كبرت غصب عني عشان جي تكلمت

بدعواتك انه يرزقك الزوج الصالح وبس ولا تبينين شي انتي مب متأكده منه ولا تبنين احلام على وهم ومشاعر من طرف واحد يمكن صح هو حاس فيك وعاجبته اخلاقك ويمكن ربي يسهل ويصير من نصيبك بس يمكن بعد العكس فكوني واقعيه وفكري بعقلك قبل قلبك وصوني نفسك وترفعي بشخصيتك وحضورك اخاف حد يحس او يشم خبر وبعدين يصير اللي ماتتمنينه فترفعي بنفسك عن هالموقف لانك بالفعل تستحقين اللي مثله واحسن منه بعد

انا دوم ادعي ان الله يرزقني بشكل عام وبعدين اخصه اهو ان اذا كان فيه خير لديني ودنياي ربي يرزقني فيه:( وصدقيني والله اختي انا مستحيل اخلي احد يعرف او يحس هالشي محد يعرفه غيري وانتوا الحين لاني ثقيله مو خفيفه وحتى يوم قلت هو التفت علي مو اني اتخيل مع ان لو كنت مكانكم جان قلت جي والله انا متأكده لان في مناظر او مرايات تبين للي يمشي تكون قبالي بالضبط شفته من خلالها وهو شي مو عاجبني او مستانسه عليه لاني قلت قبل اني عاديه يعني مافيني شي يجذب ليش يلتفت اخاف حس:( وهو مو صغير وطايش او يقز البنات بالعكس واااايد محترم ومتدين وفي احيان وايد يطالع الارض يمكن مثل ماذكرت وحده اني ارتبك واحمرررر بس هاي طبعي يعني مو عشانه هو استحي وارتبك لا عشانه ريال قبل لايكون هو الشخص اللي احمله هالشعور والبنات حولي يعرفوني عدل يعني مايشكون بشي لاني اصلا اخجل من كل الريايل
مشكوره فديتج عالرد ريحني وايد والله يخليج ويحفظج لاهلج ويحفظهم لج

بنات ادعوولي لعل وحد منكم مايكون بين دعائها وبين الله حجاب ادعولي ان الله يستر علي دنيا وآخره ويرزقني بالهشخص كزوج او بالزوج الصالح اللي يكتبه ربي لي عاجل غير آجل:(

يارب الله يخليه من نصيبك ... آمين

هادا هو الحب العذري البريء ... ما شاء الله عليكِ ... الله يعطيكِ اللي ببالك بس انتي اكثري من الدعاء

حبيبتي اهنيج على هالأخلاق والأدب
ما شاء الله عليج والله يخليج لأهلج

بصراحة يالغاليه أنا وحده مريت بهالتجربه
والانسان مب بإيديه يتحكم بمشاعره
بس بإيده يتحكم بتصرفاته وتفكيره
والأهم إنه مايسوي شي يغضب ربه ويسيء لنفسه

حبيبتي إنتي انسانه ولج مشاعر واحاسيس
مافيها شي إذا شفتي إنسان فيه مواصفات زينه وعجبج

تعرفين شو اللي زعلني في كلامج؟؟
احساسج بالنقص... ليش تقولين انج عادية وفي اللي احلى منج
هل قستي هالشي على اساس انهم يلبسون ويكشخون؟؟؟

انتي تعرفين ان الريال ماينظر للمتبرجه إلا من باب التسليه
وإذا فكر في الزواج يفكر في وحده شراتج

شوفي الغاليه انا بنصحج بشي واحد
استخيري.... ولا تقولين على شو استخير
الاستخارة بمعناها الصحيح تنفع لكل شي مب لشي بيصير الحين وخلاص
إذا هالريال زين ومن نصيبج هالشي بيبين والله بيسهل امورج
وحتى إذا الريال زين بس الله ماكتبه من نصيبج الله بيعوضج بشي احسن لأنج استخرتي
وإذا الريال مب زين ويبين انه بس محترم في الدوام (وأغلب الشباب جيه) الله يبعده عنج ويبعده عن تفكيرج وقلبج إن شاء الله

حبيبتي مالج إلا رب العالمين... صدقيني يالغاليه مشكلتج مب سهله وبسيطه انا حاسه فيج واعرف بالضبط شو تحسين... وإذا تبين ترتاحين مالج إلا ربج

الله يكتبلج اللي فيه الخير إن شاء الله

ماشاء الله عليج تخافين من الله حتى من مشاعرج اللي مو ملكنا نتحكم فيها اهنيج اختي على هالاخلاق وعلى هالتربية الله يخلي لج امج وابوج ويثبتج على هالاخلاق
والله يهدي بنات المسلمين جميعا