الله يجعله من نصيبي كزوج وبالحلال عاجل غير آجل او يرزقني بالزوج الصالح ويستر علي دنيا واخره ويخليلي اهلي وارفع راسهم
آآآآآآآآآآآآآآآآآآآآآآآمين يارب ويعجل بزواجكم ويجمعكم على الحب والطاعه
اختي ليش تخجلين من شي انتي ماسويتيه !!! شعورك هذا شي عادي تحسه كل وحده بسنك مب عيب ولا حرام انك تشوفين حد بمثل اخلاق والتزام واحترام هالرجال وتتمنين انه يكون من نصيبك الله يستجيب لك
بس اختي انا خايفه عليك من شي ثاني تعرفين شو هو ؟؟؟ خايفه عليك انه مايكون حاس بشي تجاهك وانك تعيشين مشاعر من صوب واحد تنمو وتكبر وتترعع وبعدين لما يصير من نصيب غيرك تنتكسين وتنجرحين !!!
حبيبتي مب عيب تتمنين زوج بهالمواصفات هذا شي فطري وحاجه الله خلقها في كل انسان سواء الرجل او المرأه دايما بحاجه للطرف الاخر والجنس الاخر دايما ينجذبون له وهذا احساسك انك كبرتي وصرتي في سن مناسبه للزواج وتتمنين فارس على حصان بمثل هالرجال
بس سمعي كلامي مشاعرك هاي خليها على شكل دعوات لله بانه يرزقك الزوج الصالح سواء هذا او غيره وانه يسهل اللي فيه الخير لك ولا تربطين مشاعرك وحياتك بوجود هالشخص اللي يمكن تفقدينه بارتباطه بوحده ثانيه لانك بتتعبين وبتظلمين نفسك يمكن انتي تستحقين احسن من هالرجال والله كاتب لك نصيب مع واحد ثاني خلي توكلك دايما على الله وادعي في صلاتك انه الله يهدي سرك وينور قلبك ويبعدك عنك الشيطان وشيلي هالرجال من قلبك وتفكيرك وتوجهي لله بدعواتك انه يرزقك الزوج الصالح وبس ولا تبينين شي انتي مب متأكده منه ولا تبنين احلام على وهم ومشاعر من طرف واحد يمكن صح هو حاس فيك وعاجبته اخلاقك ويمكن ربي يسهل ويصير من نصيبك بس يمكن بعد العكس فكوني واقعيه وفكري بعقلك قبل قلبك وصوني نفسك وترفعي بشخصيتك وحضورك اخاف حد يحس او يشم خبر وبعدين يصير اللي ماتتمنينه فترفعي بنفسك عن هالموقف لانك بالفعل تستحقين اللي مثله واحسن منه بعد
ربي يكتب اللي فيه الخير لك ويجعل من تحبين من نصيبك بسسسسسسسسسس توكلي على الله والحي في الدعاء بالزوج الصالح ولا تحكرين دعائك بهذا الشخص فقط
الله يجعله من نصيبي كزوج وبالحلال عاجل غير آجل او يرزقني بالزوج الصالح ويستر علي دنيا واخره...
والدليل انك حاسة بالذنب لمجرد انك قاعده تفكرين فيه.. وهالشي موبيدك عشان تحاسبين عليه وانتي مااقدمتي على خطيئه عشان ربي يعاقبك.. انتي كل الي تمنيتيه الحلال.. ولحد هنا وستووب خلااص انتي بس ادعي ربي اذا كان فيه خير يجعله من نصيبك واذا كان فيه شر يبعده عنك ويعوضك بالي احسن منه.. بس نصيحة لاا تغرقين ببحر مشاعرك واحلامك.. عشان لو لااقدرالله ماصار نصيب ماتتحطمين وتتضايقييين وينكسر قلبك.. يعني الحين حاولي انك ماتفكرين فيه قد ماتقدرين .. اشغلي بالك.. حاولي ماتتواجدين بالمكان الي يكون فيه.. وصدقيني اذا ربي كاتبه من نصيبك ف هو من نصيبك واذا لاا صدقيني بالامر حكمه وخيرة..
ولا تزعلين ولاا يضيق خلقك ان شاء الله انك ما غلطتي لان هذي مشاعر ومو بيدك
والله ييسرلك ويكتبلك الي فيه الخير