##احساسوووه& والدباب>>>>علاقه عكسيه##

السلام عليكووووو

الله حيوهم كووولهم من أولهم لأخرهم..

وقصمن اشتقت لووووكم يابنات حواء المصونات>>>>تتميلح عشان تردون خهخهخه

الموهييم ياطويلين العمر عندي لكم سالوفتن صايرتن لي منذو مبطي بس وقصمن للحين مانسيتها..هالسالفه ايام عيد الأضحى..

نحنو وأعوذ بالله من كلمه نحنو كل ابو دايم اذا جاء العيد لابد وان نروح لديرتنا وبالاصح مزرعتنا ويوم العيد نطس لأهل اومي المصونه..
عاد ذاك اليوووم غيرررر ليه مدري بس يمكن عشان زوجه اخوي كبري>>>الله يخلف على اميمتس تكفين:tongue:

ياربي اول مادخلنا لقيت شي موقف في المواقف لوونه احمر وااناااظر زييين قلت من شاري هالدباب جعله يعدم>>>مخاويه جداتها لاتلومونها خهخهخخه

ناظرني ابوي نظره انما ايه وقال من بيشتريه غيري يعني.؟
قلت طوووويب ابي افحط به قال م ع ص ي وش تفحطين به؟ قلت لالا وش افحط مهبول انت>>>يقالك بتزين كلمه بفحط خربتها بأردى منها خهخهخه:blink:
قال نعمم وش قلتي قلت هاااه سلامتك بس ابي اسووقه قال لا..عاد انا جتني ام العبيد قلتله لوووى ان شاء الله هخخهخهه

يووم درى اني زعلانه قال خذوو المفتاح عطوه أحساسوووه تركبه بس لاتسرع جاني اخوي بيعطيني المفتاح تشقققققتت لدرجه ان خشتي انفتحت تسنها الباب الاتوماتيكي حق السياره>>اعنبوو من معلمتس التشبيه تكفيين

قالو تستري اذا بتركبينه المزرعه من برا تكشف قلت مابدهاااااش واقوم القط لي ثوب واحد من اخواني وازرف شماغ الاخر>>>ورثتهم وهم حيين خهخهخه:icon19:

بس محد درى اني بنت من التي شيرت الاورنجي الي لابسته تحت الثووب في عز الظهريه حتى العامل يسأل اخووي يقول من ذا؟ قال اخوي هذا عمر>>اخووي الكوبير قال لا هذي قلووبه قلت انا اعنبووك يومك داري وشووله تتفلسف ووخر عن وجهي بس..
ركبت وخمممست به بس على خفيف لأن ابووي قاعد يقززني من البلكوونه الخلفيه خهخهخه>>>مب لله مااسرعت
من بكره كان يوم العيد الرجال معزوومين على الغداء كوووولهم عاد اختكم في الله انتهزت الفرصه وقامت تدور المفتااح ولقيته واخذه واروح ادق اللطمه واركبه وارووح لآااااااااااخر المزرعه واتذكر ان ابووي قايل لي اذا جيتي تلفين وانتي مسرعه هدي عشان ماتنقلبين قلت طووووويب..

يووم ركبت الدباب كني صلاح الدين مستولي على الاندلس>>>>من زود الفرحه انه مافيه احد مراقبهاا
واحط السررعه على ااااخر شي وافحط يوم لفييت برجع للبيت خلاص مادريت الاوالله دردووووووووووووووووب سلفطت انا والدباب ياربيييييه فيه شي جنب رقبتي يدوور يوم نااظرت :blink: صار الكفر اعنبوووه واقووم ابي اوخر الدباب واسلفط انا وياه ومره ثااانيه بس بقووه واثره مسلفط جنبي..واقووم كني مقرووصه..

ياناس يووم اركب الدباب كنا بعز الظهريه .. وش جابنا في الليل!!!!>>>من قو القلبه بغت تنعمي خهخهخه:upsidedow

اناظر رجليييني رجل فيه جزمه والثانيه لا وربي كنت لابسه كوتش ورابطه ابوو ابووووه وش فكه مدري وادور الفرده الثانيه والقاها في الجهه الثانيه خهخهخه اثرها طارت يوم انقلب الدباب..
:laughing:
ساعتهاا لعنت الدباب والي اخترع الدباب>>>>>من الروعه والله

المووهيم قلبت الدباب وبشغله عياا يشتغل خنقتني العبرررررره من بيسحبه لأول المزرعه انا مااقوااه والعامل مب فيه رايح معهم اعنبوووه..:icon33:

ياربي احاول من هنا ومن هناك الا والله اشتغل من الفرحه صحت هخخهخه

واروح ارجعه مكانه وارجع المفتاح وكأن شيا لم يكن..شوي الا جايين اهلي وانا متوزيه في الغرفه انظف ثوب اخووي مليان رمل خهخهخه

جا اخووي الكووبير قال احساسووه صادمه بالدباب؟ قلت هاه صادمه اييه صادمه قال الدركسوون منعفط ابوو ابوووه قلت زينووه خهخهخه

عاد مااستغني لازم اعلم اخوي الصغير واروح اعلمه مادريت الا قام يتنطز ونشر الخبر لكل العائله حتى علم العامل اللعين خهخهخه لدرجه ان ابووي اتصل علي قال هلا احساسووه شخبارك؟ قلت اهليين بخير قال ماتبين تركبين الدباب يله بجهزه قلت انا هااه دباب لامابي قصدي مب الحين بعدين قال ايه وانا ابووتس الي ينقلب به معد وده يركب مرتن ثانيه ويضحك علي خهخهخه:hahaha:

بس ذاك اليوم نمت وقمت معد قوويت احرك يديني ورجليني اووختي تلبسني بلووزتي اصطغفرررر الله وقصم معد قويت احرك شي خهخهخه:unhappy:

بس وربي ذاك اليوم اطلق يووم مر بحيااتي من عقبه حلفت اني مممممعد اركب الدباب سيكل ويخب علي خهخهخه

يلا اتمنى تعجبكم سالوووفتي سي يوو.