بنات يشهد الله العظيم انكم يابنات حواء اني ماأحب افضفض واقول اللي بخاطري إلا لكم والله اني ارتاح لهذا للمنتدى ومااحب أفضفض واطرح همومي إلا لكم فلاتخيبوني وماالقى منكم ردود
بنات انا عندى مشكله اشغلتني بكل دقيقه من حياتي وابغى العون والمساعدة من الله ثم منكم
مشكلتي الله يسلمكم انا واحدة من يوم جيت ع الحيآة وانا انطوائية مااحتك في المجتمع كثير ماعندي أسلوب الفرفشة واني اسوي أجواء حلوة واني اضحك واسولف قدام مجموعة كبيرة من الناس وإذا سولفت سوالفي بايخة ومالها معنى
المهم يوم تزوجت دخلت في المحك الحقيقي قدام زوجي واهله
زوجي اغلبية وقت برا البيت وكل مادخل قعد شوي بس طلع برا البيت مرة ثانيه
وكل ماسالته ليش اغلبية وقتك برا البيت وانا لوحدي قال لي كلمة كبيرة أثرت فيني قال انتي عليك أسئلة وسوالف بايخه وكل مادخلت البيت جاني سوال بايخ عشان كذا انا افضل اقعد برا مع العيال
والله يابنات أن مع زملائه ضحك وسوالف وصوته ينسمع من آخر البيت ولما يدخل البيت يسكت ويقعد ع جواله ومايتكلم كثير
والله يابنات احس بالنقص الشديد إني ماقدرت اجذب زوجي للبيت واني افرفش له واضحك له واسوي له أجواء حلوة تخليه يحب البيت ويحب يقعد معي
احس اني مقهورة يفضل قعدة أصحابه برا البيت أكثر مني بحجة اني ماعندي نفس اجواء زملائه ضحك وفرفشة
طيب ايش اسوي يابنات هذي شخصيتي انا واحدة مااعرف أتكلم وافرفش وماعرف اتكلم بطلاقة وجراءة واناقش وحتى في حقوقي عندي ضعف وماطالب بحقوقي
إذا هذا الشيء خارج عن إرادتي وانا إنسانة هذا طبيعتي وشخصيتي...ايش الحل برأيكم
اخاف زوجي يمل مني ومن طبعي وشخصيتي ويروح يدور اللي تسوي له أجواء حلوة وتفرفش له
احس بالنقص وانعدام الثقة بعد مازوجي قال لي أنتي عليك أسئلة بايخه
اتمنى تكونون فهمتوا كلامي وفهمتزا اللي اقصده
الحل برأيكم
كيف اجذب زوجي للبيت واغير شخصيتي واكون إنسانةثانية
والله يعلم اني مافتحت قلبي الا لكم لاني أجد منكم الحكيمات واللاتي لهن الرأي السديد
آسفة ع الإطالة وأنتظر ردودكم ع أحر من الجمرررررر
feefooyoopyt @feefooyoopyt
عضوة نشيطة
يلزم عليك تسجيل الدخول أولًا لكتابة تعليق.
نسيت أقولكم أن زوجي من النوع الساكت والصامت حتى يوم جاء يزورني في أيام الملكة قعد اغلبية الوقت ساكت وماتكلم إلا لما انا أكلمه
بس الشيء الغريب أن برا مع العيال غير سوالف وضحك
كيف تفسير ذا الشيء
بس الشيء الغريب أن برا مع العيال غير سوالف وضحك
كيف تفسير ذا الشيء
lolo 110
•
كنت مثلك قبل لا اشتغل بعد ما اشتغلت تحسنت شخصيتي...كنت خجولة وهو سبب انطوائية الي كنت فيها..كنت اخاف اتكلم قدام الناس وماتعجبهم سوالفي...وان قلت كلمة جلست افكر فيها طول اليوم...بعدين مرة مدير الشركة الي كنت اشتغل فيها قلي احنا كلنا بشر سواسية مخلوقين من طين يعني ماحد افضل من احد حتى تخافين منه وتخافين تتكلمين..حتى فعلا صرت اخل هالفكرة براسي ان جلست مع احد اقول هو بشو احسن مني؟ولااااااا شيء لا تفكرين بايجابيات الناس وتفكرين بسلبياتك..حتى تصغري نفسك قدام نفسك ويظهؤ هالضعف قدام الي تجالسينهم....كل شيء يبين ترى فلازم اول شيء تغيري نظرتك عن نفسك ختى زوجك يغير نظرته فيك....زوجك مو احسن منك حتى يزرع فيك انه سواليفك مو حلوة....الرجال كلامهم يختلف عننا الحريم...كل زوج ما يضحك الا مع اصحابه..يعني اولا العيب مو فيك....ثانيا لازم تعرفي زوجك عن شو يحب يتكلم؟؟؟انا مثلا زوجي يحب اتكلم عن الفلوس وعن شركته ومشاكلها حتى صار هو ان صار معاه شيء يقلي بدون لا اسأله واتناقش معاه وافتح مخي لان الرجال مايحب الحرمة الغبية الي يظل يعيد ويزيد حتى تستوعب وبعدين يطفش... وعن اخبار فيها اكشن يعني مواقف قوية صارت مع احد.....فكنت اجننه اقوله عطيني من عندك خبر اول شيء حتى اقلك الي عندي هههههه...بالاخر يزعل من كثر ما ماطلت وهو يترجى فيني فخلاص اقول..يعني اقلب جو الكلام لضحك وفرفشة.....يحب اقله عن حركات بناتنا شو يسوون بغيابه....ان تبغين شيء من حقوقك او مصروف او تبغين تقوليله عن مشاكلكم اختاري الوقت المناسب حتى لا يطفش...يكون نايم مدة طويلة وشبعان نوم...ومرتاح وجالس مو راجع من الدوام ولا تختاري الصبح من اول ما يصحى ومايكون عنده مشاكل مادية او معنوية....واطلبي بدلع صدقيني حيعطيك ويسمعلك.....الله يوفقك اي سؤال انا جاهزة.....
lolo 110
•
وانتبهي تتكلمي عن سلبياتك قدامه...مثلا تقولي له انا اصلا انطوائية...او تقولي عن عيوب بجسمك او شخصيتك الرجال ما ينتبهون نحن الي بنخليهم يركزون بعيوبنا.....دائما قدامه خليك كاملة وقولي صديقاتي يحبون سوالفي مثلا جارتي قالت انه جسمك ماشالله يخبل او قالت اني انيقة حتى لو كذب المهم تكبرين نفسك قدامه ويعرف ان الي يجالسها محبوبة الكل والعلة فيه......
حبيبتي اولا شي حبي نفسك وليس زوجك قال لك كلام يعني هذا واقعك
لا لازم ترتفع ثقتك بنفسك
الشئ الثاني حبه لأصحابه وارتياحه لهم ليس معناته انك ما تجذبينه لا هو يحب الجلسة الشبابية والضحك والفرفشة
انتي حاولي لاتسأليه بعض الرجال يتنرفز من الأسئلة
إذا دخل البيت قولي كيفك وكاخبارك وكيف يومك
حاولي أن تفهمي شخصيته وش يحب وحقيقيها له
وفي الأخير اشغلي نفسك بالقرآن في غيابه ولا تهتمي
وإذا جا قومي بحقوقه أحيان غياب الرجل عن البيت رحمة تستفيدين من وقتك
لا لازم ترتفع ثقتك بنفسك
الشئ الثاني حبه لأصحابه وارتياحه لهم ليس معناته انك ما تجذبينه لا هو يحب الجلسة الشبابية والضحك والفرفشة
انتي حاولي لاتسأليه بعض الرجال يتنرفز من الأسئلة
إذا دخل البيت قولي كيفك وكاخبارك وكيف يومك
حاولي أن تفهمي شخصيته وش يحب وحقيقيها له
وفي الأخير اشغلي نفسك بالقرآن في غيابه ولا تهتمي
وإذا جا قومي بحقوقه أحيان غياب الرجل عن البيت رحمة تستفيدين من وقتك
الصفحة الأخيرة
لاتصدقي هرج الرجال يدور عذر لخرجاته الكثيره قام حط الغلط عليك علشان تنشغلي بنفسك وبعيوبك
انا هذا رأي وان شاءالله يساعدوك بحلول