احس بتأنيب الضمير

السلام عليكم. ..
بنات انا توفى زوجي صار له 3 سنوات الله يرحمه
وقبل فتره صار معي شي مدري كيف صار بالسرعه هاذي انو بنت خالي رنت علي من جوال اخوها وانا ثبت الرقم على انه رقمها المهم انا بس سجلت الرقم مارنيت ولا بعثت اي شي المهم بعد فتره جتني رساله من هالرقم فيديو ديني رديت بفيديو بعد فتره عرفت انو هالرقم مو رقم بنت خالي وانه رقم اخوها
بصراحه استغربت كيف يبعثلي المهم قلت لازم اتاكد انه متعمد ولا انه غلط بالرقم مدري ايش اللي خلاني اختبره والله فظول عندي
المهم قلت مين رد علي يقول انت مين قلتله انا فلانه وانت مين قال اسف اسف غلطت بالرقم المهم عرف اني بنت عمته وخلص نهيت المحادثه بعد فتره انا مسحت الرقم الا وتجيني رساله منه كمان بيسات دينيه قلت بتاكد المره هذي وصار نفس اشي واعتذر
بس مامسحت الرقم من عندي مره من المرات بعثت له بيسي ديني حسيت شي بداخلي حلوه اتجااه برغم اني فقدت طعم الحياه وصار لونها بوجهي اسود لاكن من بديت ابعث له ويبعث لي والله احس بفرحه داخلي وعيني دايما ع الجوال اراقب اخر ظهور له المهم الاشياء اللي كانت بينا صباحات دينيه وفديوهات دينيه
مره من المرات لقاني صاحيه بدري اول مره يفتح معي حديث قال ما شاء الله عنك صاحيه بدري قلت ايه مارجع انام بعد الصلاه علشان مدارس الاولاد حسيته مبسوط وهو يحكي المهم ماطولنا بالكلام تطور هالشي وصار يحط حالات وانا ارد عليه بالحلات
بعدها بشهر احس نفسي مااقدر اتحمل ودي ابعثله شي ودي المح له باي شي كان له يومين مختفي عن الواتس بعثت له الصبح وينك مختفي عن الواتس ...بصراحه تندمت اني صارحته باحساسي هذا ...المهم هو رد علي وكان مبسوط وقالي والله من ضغوط الشغل قلت له اسف ع السؤال لاكون ضايقتك قال لا والله بالعكس ...وشكرا ع الاهتمام
من بعدها وانا وياه سواليف اعرف انه مايجوز وحرام بس هذا اللي صار ولد خالي هذا مطلق وعنده ولد
ولمى اعترفنا لبعض اتجاه بعض بالاعجاب قالي والله اني كنت ابيكي من زمان بس النصيب ماجابك لي ولد خالي لمى طلق امه خطبت له ع طول علشان تقهر زوجته لئنها جنتهم ع قولتها المهم هو ماكان مقتنع بالخطبه ولمى تكلمت معاه قلت له انا غلط اتكلم معك وانت خاطب حلف لي انه مايريد هالخطبه بس هو قال لامه اللي بتسويه سويه ...قلت حرام عليك بنات الناس مو لعبه زعل وقال اعرف انه بنات الناس مو لعبه وهالشي مضايقني وقالي انا قلت لمي انه مو مرتاح للخطبه هذي لءنه تكلم مع البنت وحس انها مو فاهمته زين تكلم معها مكالمتين فقط وصار لهم 9 شهور بس كلام مافي شي رسمي لسى
وهو يقولي انا ابيك انتي وقابل بالوضع اللي انتي فيه يقصد العيال يساعدني فيهم قلت له ولمى فتح امه بالموضوع امه رفضت قالت له عندها عيال ماتقدر تتحملهم وامه تدري انه ماوده البنت اللي خطبتها له بس هي مصممه انه ياخذها علشان يبعد عني والحين انا وياه نتواصل واعرف انه امه رافضه مبدا الاولاد اولادي اصغار لسى بس حتى هو عنده ولد وهو والله ماقال شي بس امه تقول انو ولدها ماراح يرتاح ومن هالناحيه وبصراحه انا مااقدر استغني عن عيالي وحرام احرمهم مني بنااات والله احبه وصرت مااقدر اعيش بدونه معي ع طوول ويهتم فيني يجي علينا ع البيت يعامل اولادي زين اي شي احتاجه يجيبه لي ويقول لي ياويلك لو تحتاجي شي وماتقوليلي عليه اتخيلو يابنات يودي اولادي ع قبر ابوهم ويقولي لازم حل لازم اقدر اقنع امي اني راح ارتاح معاكي وانه الاولاد ماراح يكونو عقبه بطريقنا بنات ساعدوني اذا فيه حلول لاقناع امه
احيانا يابنات ضميري يانبي ع البنت اللي خاطبها بس ارجع اقول هو اللي تواصل معي وهو اللي حاطني براسه وخطبته وانا لسى كنت ايامها حزينه ع زوجي ومره من المرات بنت خالي تمزح معي تقولي بعرسك ان شاء الله قلت لها امين ليش لا ...رديت هالرد من باب مااحد يشفق علي مو اكثر اتاري اخته قالت له هذي ماعندها مانع من الزواج لئنه تكلم لاخته عني والحين يابنات ايش اسوي خايفه امه تزعل منه علشان يكمل الخطبه وهو في نفس الوقت يقول حرام اظلم بنت الناس معي وانا احب غيرها