بنتك اذا عندها اعاقة فهي من الله ، و انتي كأم عليك انك تهتمي فيها بقد ما تقدري ، بس مو اهتمامك فيها يخليك تهملي اولادك البقية ، لانو عدم اهتمامك فيهم ممكن يسبب لهم اعاقة بس مو اعاقة صحية لا سمح الله ، اعاقة عقلية و نفسية ، راح يهملو دراستهم و يهملو كل شي في حياتهم ، و تكوني انتي السبب راح يكبرو و يقارنو نفسهم بعيال اعمامهم او اخوالهم ، اكيد تراجعهم في مستوى الدراسي راح يكون فيها اثر سلبي لما يكبرو و راح يحسو الناس أفضل منهم و مو بعيدة راح يلوموكي اول شي ،
فانتي حاولي ترتبي أمورك ، بنتك اعطيها اهتمام خاص بس مو على حساب اخوانها ، و بالنسبة لعيالك ارجعي اعملي لهم جدول و رتبي امورهم ، و شوفي واجباتهم و لا تهمليهم و حددي لهم ساعات اللعب و الدراسة و النوم و الخروج للتمشية ،، و حسسيهم انك بجنبهم و تحبيهم ، و كمان خليهم يتقربو من اختهم عشان يحسو بالمسؤولية تجاهها ، و الله يعينك ،، و يخلي لك بنتك و يشفيها و يخلي لك عيالك ،،

الله يشفي بنتك وأهتمي بعيالك بدراستهم علشان مستقبلهم وعلشان يرفعون راسك وخليهم يساعدونك على اختهم وحسسيهم بمسؤلية اختهم يحبونها ويهتمون فيها


وانتي ياختي محتااااااااااااجة تزورين عيادة نفسية ., تفضفضين للدكتورة وراح تبسط لك الامور بعد الله ان شاء الله

حاولي تنظمي وقتك وتخصصي ساعه باليوم تهتمي بعيالك بحيث تكون بنتك نايمه او اشغليها بالعابها وخلي عيالك يعتمدون على انفسهم بالمذاكره ولا تشددين عليهم واذا خلصوا مذاكره راجعي لهم وخليهم يجهزون جدول بكره وبكذا ترتاحين ويخف عليك متابعتهم .صدقيني اذا نظمتي وقتك بترتاحين وخففي طلعاتك علشان تقدري تنتبهي لهم وعشيهم ثمان ونوميهم تسع وبكذا تتفرغي لبنتك باقي الوقت حتى عيالك بيتعودو اذا نظمتي وقتهم وبيسوون كل شي بانفسهم وبيريحونك من متابعتهم بس يحتاجون وقت لين يتعودون .  

الله يهدي بالك ويريح قلبك ويعلي معنوياتك ياأختي هذا ابتلاء من الله .. ولازم تاخدي موقف من طريقة تعليم أولادك وترتيب حياتكم .. مو نهاية العالم إذا عندك بنوتة من ذوي الإحتياجات
الخاصة .. بالعكس إنتي ربك مخبيلك أجر كبير لاتضيعيه بإهمالك لبقية أولادك ..
إبنك اللي بصف ثاني بتقدري من هلأ تلحقيه وتركزي على إملاءه .. بس بعد هلأ رح يصير صعب عليه ..
واضبطي لهم النوم بالتدريج عشان صحتهم وتركيزهم بالمدرسة وأحسن لك لو نامو بدري .. يصير عندك وقت كافي للإهتمام ببنتك ..
والخروج خلال الأسبوع ترا بيسبب لك فوضى عارمة للبيت والدراسة ...خلي طلعتكم أربعاء وخميس أو خميس وجمعة
وأتمنى لك من كل قلبي راحة نفسية وجسدية وإعادة ضبط
للمصنع هههههه بمزح معك .. إعادة ضبط وقتك وتركيزك على كل واحد من أولادك عشان ما يأنبك ضميرك ..

شوفي ياقلبي خذيها نصيحه مني لاتحملين نفسك فوق طاقتك

والله ان اول ما تتدمر نفسيتك

اذا عندك شغاله خليها تهتم في بنتك الله يشفيهاااااا وقت معين

تكونين ذاكرتي للاولاد يعني ساعتين وخليهم شوي شوي يعتمدون على نفوسهم وانت بعدين تشيكين عليهم

وانا معاك ان كل طفل له قدرات بس ماهو مبرر اننا نهملهم

النوم بالعكس نظميه علشان هم ياخذون كفايتهم من النوم والراحه وفي نفس الوقت انت

تتفضين شوي لنفسك وشوي لبنتك

من الافضل وجود الشغاله فهي بعد الله تعينك ولو ظروفكم زينه وتسمح جيبي مدرسه يومين او 3 في الاسبوع

لعيالك وتشيل هم التدريس والمتابعه عنك

ويروح تانيب الضمير

والله يشفي لك بنتك ويرفع عنها