احس بضيق واشعر بتعب لاقل مجهود وسرعة في دقات القلب

السلام عليكم

ما ادري هذا الي فيني مرض ولا ايش عملت
فحوصات شاملة ولا فيني شي الحمدلله
صارت لنا حادثة ولحظتها كنت خايفة كثير
لدرجة ان ايدي كانت ترجف ومن قوة دقات
القلب كانو يلاحظون بان البطانية الي علي
كانت تهتز وودني المستشفى وعملوا لي
فحوصات وتخطيط للقلب لاني شكيت في
نفسي والحمدلله الفحوصات سليمة حتى الدم
هذه الحادثة صار لها 6 شهور ومن بعدها
دقات القلب السريعه ملازمتني دايما وين ما
اروح حتى لو قاعه اطالع التلفزيون اول ما
احط ايدي على قلبي احسه بدقاته قوية وسريعة
واذا صحيت توني من النوم دقاتع تكون قوية
ونفس الحال او ما انام ما اعرف انام من قوه
الضربات والخوف والتفكير الي فيني

وحاليا اي مجهود ابذله احس بتعب يمكن من
الخوف والتفكير كل شوي بقلبي رغم اني رياضية
ولما اروح لصالة الرياضة العب ايروبيكس والكل
يتعتب وانا العب واواصل لان جسمي رياضي
لكن من بعد هالحادثة احس ان حالي انقلب كله

طبعي وسواس جدا افكر باسواء الاشياء
مرة افكر باني مريضة بالسرطان ومرة بمرض
ثاني عافان الله واياكم منه لكن ايش الحل
قريت عن موضوع الرهاب لاني اول ما اقابل
ناس غرب رغم ان شخصيتي قوية احس بدقات
القلب تكون اسرع واقوى واتعرق ويحمر وجهي

عملت فحوصات اخر مرة دم وتحاليل لاني اصبحت
وسواسية ووقعت تحت تاثير الوسواس والخوف
والله حياتي صارت عذاب والم ومرض وآهـــــــات
ابكي بالليل افكر اقول اكيد بموت وبترك اهلي وناسي
اخر مرة لما رحت للدكتورة وعملت لي فحص دم
ضحكت علي وقالتي نسبة الهيبجلوبين عندك عالي
وممتاز جدا والي يزيدك لازم ينط ويركض
انا انسانة عادية لما انسى نفسي تلقيني امسك البيت
من اوله لاخره شغل في شغل صحيح اتعب لكن اشتغل
لكن هالوسواس ذبحني

لما اروح السوق انا واختي او ما اوصل السيارة
اقعد اتنفس بسرعة واقول لها تعب المشوار هي
تطالعني باستغراب وتقول لهاي الدرجة تعبتي
والله انكسف من حالي واسكت واقول لها لا
يمكن من رهبة الناس خفت وبديت ارتجف

الحادثة الي صارت لي مع ناس نعزهم وصارت
مشاكل واثرت على نفسيتي كثير لاني حساسة
ايامها كنت انام على السرير ما اتحرك من التعب
رحت للمشايخ وبديت العلاج معاهم وتحسنت
واول ما انتهى العلاج بديت ابكي اقول لاهلي
كنت شاعرة بالامان لما اروح للشيخ يقرا علي
وكان الله يجزيه خير كل ما اجي يقول هذا من
وساوس الشيطان واحسن علاج هو القران لا
تتركيه واقريه كل يوم وكل حين

لكن ما قدرت فترة وما قدرت اكمل سابقا كنت
ملتزمة وحاليا ملتزمة لكن مش زي اول
مرت علي ايام بعد الحادثه كان ودي اقطع هدومي
واركض برع البيت او اموت وارتاح من العذاب

والله يا خواتي محد بيحس بهالشعور غير الانسان
المصاب والنفساني لا تقولوا روحي لطبيب نفسي
والله كانت امي تموت فيها وانا ما اريد اخذ حبوب
ما اريد والله اني عارفه نفسي ان اخذتها اسوي
بنفسي شي

الي مرت بنفس حالاتي تقولي عشان اطمن وارتاح


ســـــــــــــــــــــــــاعدوني وادعولي بطمئنينه القلب والراحه