حبيبتي
انتي اول شي تسوينه تهتمين بشكلج بزيادة و تحاولين تظهرين له كل مفاتنج
حتى لو كنتي متينة بعد اهتمي بنفسج و ترتبي ترتيب و استخدمي ميك اب و لا تخلين له اي مجال يعيب عليج
و اذا استمر بتصرفاته قولي له بويهه مدام مو عاجبك شكلي ليش تزوجتني؟؟؟؟!!!!!!!!!!!!!!
في نفس الوقت حاولي تبتعدين عن كل شي يضايقه و حاولي بعد تفهمينه اغلاطه بطريقة لطيفة و حلوة فيها دلع و شوية زعل,,,,,,,,,,,,بيني له ان هو اغلى ما فيه حياتج و انج تموووتين فيه و تحترمينه على الرغم من سواه,,,,

و انتي اصبري عليه بعد ما تغيرين اسلوبج وشوفي اذا يغيرمن نفسه او لا و تصرفج التالي يعتمد على ردة فعله اللي بتكون واحد من اثنين: يا بيتجاوب و بيحسن نفسه و هذا اللي نأمل فيه,,,او بيكون عديم احساس و بيستمر في وضعه السابق و في ذي الحالة انتي لازم تقيمين وضعج معاه و اذا كنتي مستعدة تواصلين حياتج معاه و اسلوبه القاسي,,,,

و الله يوفقج

أختي مابكرر اللي قالوه الأخوات وأتمنى أضيف

حاولي تختارين وقت مناسب قوليله بكلمك بموضوع وحسسيه بأهمية الموضوع
وكلميه عن الوضع اللي بينكم وقوليله لما مديت إيدك علي أنا طوفت لأني مابي أطلع من طاعتك
لو غيري كان لجأت لأهلها ودخلت رجال بالموضوع.. (ولاتقولين هالكلام بلهجة تهديد الرجال ما يحب التهديد ويمكن تزيدين الطين بله، قوليها بلهجة عقل وتواضع وحزن لو قدرتي.. )

وإذا حسيتيه ما احترمج وانتي تتكلمين في الموضوع وقام يتهزا أو يبين لج انه موضوعج مب مهم..

أتبعي وسيلة الهجوم خير وسيلة للدفاع وأنتقدي سخريته مثلاً قوليله ليش ما تكون جاد؟؟ أنت تبي تتحاسب بي يوم القيامة أنت عايش مرتاح تقول كل اللي بقلبك ويوم جيت أصافيك قمت تتهزأ (وبعد بلهجة عقل مب لهجة تهديد,, بس ديري بالج ماتخلينها لهجة ضعف) ..

تكلمي بالعقل وبالحجج والمنطق.. بس بعد اعطيه مجال يتكلم.. ولاتقاطعينه

وأرجعي لموضوع الضرب وقوليله أنا صبرت بوقت الصبر .. لأني توني عروس ماودي من أولها أهلي يقولون طلع زواجي فاشل وأنه زوجي حاط دوبه بدوب مره .. وانه مستقوي على مريته .. لأني عادتك عضيد وعادتك رجلي مابي أحد يتكلم عنا ويستهزأ فينا ويشمت فينا ..(كثري من فينا هذي، عشان يحس أنج للحين معاه مب عليه) وقوليله تبيني مره سنعه لبيتك لاتمد إيدك علي مره ثانيه.. ماتبيني من الأساس مافي شي حادك تهيني وتأذي نفسك قولي انك ما تحبني وماتطيقني بعذرك..

وخذيها مني أول سنة زواج دايم جذيه كلها خلافات وجدل


حاولي تمسكين طبايعه اللي مب عاجبتج كلٍ بروحه.. يعني لاتكلمينه في القعده الوحدة عن كل طبايعه مره وحدة
ما راح اييب نتيجه.. أعتبري كل طبع فيه مشكلة منفصله يبالها حل منفصل ووقت يناسبها..

بالنسبه أنه شغل البيت يبعدج أنا من وجهة نظري أنه بيكون نعمة لج أولاً أنه يلهيج ثانياً أنه يعطيج مجال تفكرين وشو تسوين وبتقدرين توفقين بين إذا قويتي عزيمتج

وماتدرين يمكن شغل البيت ياج نعمة أنج تثبتين وجودج فيه يعني نسقي وخلي بيتج دايم نظيف يمكن يشوفها ميزه فيج

ولا تنسين الدعاء أختي أكثري منه والله سبحانه كريم وقادر على كل شي..

والله الاخوات كفو ووفو حبيبتيi love u
بس اختي اسألي زوجك وقوليله انت تحبني؟ وشوفي رده فعله ساعتها بتعرفين مشاعره وكيف تتعاملين معه

والله يهديه ويصلحه قولي امييييييييين بصراحه رجاجيل هاليومين يبون قص لسان خخخخخ

في أعتقادي أن صاحب مثل هالتصرفات من بداية حياته الزوجية ما تعني غير أنه (شــبــعــان )
أنا لا أجزم ولكن هذا ما يبدو لي ...
أنصحك أختي أنك تسوين اللي عليك وخلي الباقي على ربك .
وحاولي أنت تشغلين وقته بسوالف ،قعدة حلوة رتبيلها من بدري يعني حاولي تفتحين عينة على مزاياك وأنك تقدرين تسوين عشانه كثير
أما عن المشاكل ،والضرب ..... عالجيها بروية ولا تحاولين تطلعين أحد عليها ...... نصيحة.
ترى من يوم يدري أنه أنكشف ما عاد يحسب حساب ويمكن يخربها مرة ، لنه يظهر لي انه من النوع اللي شايف روحه.
والله أنا قريت موظوعك البارح وقعدت مشغولة معك .... أسأل الله ان يصلح الحال ويبدله بما تتمنين وأن يهدي زوجك ويجعلك له قرة عين .... آمين

الله يعينك عيوني ويسخره لك امين
من اهم دوافع الثقه بالنفس عدم المبالغه في التصرفات او في طريقه اللبس يعني خليك دايما بالوضع العادي لاافراط ولاتفريط
والنظافه طبعا تعطي شعورا لايستهان به بالثقه
وادعي دايما وانتي ساجده ان الله يرزقك ثقه بايمان حتى لايزعزعك شي وان يسخره لك ويهديه
والله يوفقك

وفيه شي تذكرته كثير يكونون زوجاتهم عاجبينهم لكن يحبون يحبطونهم بزياده حتى ماتشوف الزوجه نفسها عليهم وتستميت انها تهتم فيه وبنفسها وصراحه ذا انسان مريض