اختى في الله الحياة في بدايتها صعبة
انتى ما تعرفي لسا طباع زوجك ... وهو مو عارف كيف يتصرف ويعمل نفسه رجال البيت
وامكن حالته المادية مسببه له عقده النقص.
ي اختى الصبر على هذي الحياة ضروري ..... بس كمان الضرب ما ينسكت له
في الشرع احل الضرب غير المبرح للواتي تأتين فاحشة مبينة..... لازم توضحي له الخطوط من بدري وانتي لسا ما عندك اطفال ... الضرب ممنوووووووع .. الوحدة في بيت اهلها في هذا العمر ما احد يستجرئ يمد يده عليها.
فهميه اذا ما فهم وعادها كلمي والدتك امكن تدلك على حل او تلمح له زي بنتي امانه اسألك عنها يوم القيامة.
ذكريه يا اختى عن احاديث الرسول الكريم في ما معناها " ما اكرمهن الا كريم وما اهانهن الا لئيم"
" خياركم خياركم لاهله وانا خيركم لاهله"
واذا بعدين اتجرئ عليكي كمان .... ساعتها لازم ابوكي يتدخل والله يصلح الامور وان شاء الله ما توصل لحد الطلاق وخراب البيوت.
وعليكي بالمعوذات وسورة البقرة .... ما تدري امكن عين وحسد صابتكم ... الله يكفينا شر الحاسدين .
وحاولي تتصدقي والله يسخر لكي.

عفوا في الحديث " وانا خيركم لاهلي"

فعلا لازم اول شي تسوينه تعززين ثقتك بنفسك

و اذا ماكان عندك ثقة بنفسك لازم تدّعين هذا الشئ , الإدعاء (مبدئيا قدام زوجك) حتى لو حقرك وقالك لايكون شايفه نفسك حلوة..ردي بكل ثقة وقولي : طبعا حلوة "افا بس"لايكون عندك شك ؟ . ولو رد عليك وحقرك اكثر, قولي كونك ماتشوف زيني فهذي مشكلتك , تقولينها بكل هدوء وثقة وروقان


وبعدين لازم تقتنعين انتي من جوا نفسك انك فعلا واثقة من نفسك ولازم تعرفين انك مو ضروري تكونين جميلة

وتتمتعين بكل المواصفات

لكن اكيد فيك ملح وزين في اشياء انتي اذا اهتميتي فيها وبرزتيها بتبان قدامك وقدام زوجك



ثاني شي ... في مره وحده قالت بالمنتدى ان فيه وحده من قريباتها مافيها اي صفة من صفات الجمال المعروف ولكنها عاديه جدا اذا ماكانت اقل من العادي

ولكن ماشاء الله كان عندها ثقة قوية بنفسها لدرجة انها كانت تقول لصاحباتها والي حواليها انها ماراح تاخذ الا رجال غني ووسيم ويسعدها لأنها جميلة وتستاهل < هذا كلامها عن نفسها

وفعلا تزوجت واحد غني وطبعا نقلت له انطباعها عن نفسها فصار يشوفها فعلا حلوة

وحس بقيمتها لأنها حسسته انها غالية .. وقالت كلام عن تدليله لها وصرفه عليها


عشان كذا لازم انتي ما تذللين نفسك بحجة انك تزوجتي وانتي كبيرة

وش فايدة الزواج اذا كان بيذل ؟

لازم اول شي انتي تعرفين انك غالية ولازم تحسسينه بغلاك وانك عزيزة على نفسك

وسكوتك عن ضربه لك وانصياعك اكبر غلط ..انا ما اقول تمردي وعاندي واخربي بيتك

لكن طالما مد يده لازم يتوقف عند حده من اول مره بأي طريقه

انتي مو طفلة صغيرة تتأدب بالطق..وحاشانا نضرب اطفالنا...ضعفهم يشفع لهم برحمة عارمة منا

ومايضرب الا الضعيف او المريض نفسيا...لكن الرجال الطبيعي والي يحمل ماتعنيه كلمة الرجولة من معنى

ما يستعين بعضلاته وقوته الجسمانية على اي شخص اضعف منه سواء رجال او مره



ولازم تتعلمون تتحاورون مع بعض لما تكون فيه مشكلة بينكم مو عصبية وطق..انا فعلا ازعجني موضوع ضربه لك وطريقة معالجته للأمور

عن معاوية بن حيدة قال: قلت يا رسول الله : ما حق زوجة أحدنا عليه ؟ قال: ( أن تطعمها إذا طعمت وتكسوها إذا اكتسيت ، ولا تضرب الوجه ولا تقبح ولا تهجر إلا في البيت ) رواه أبو داود ، وقال الألباني: صحيح.

قوله صلى الله عليه وسلم : ( اتقوا الله في النساء ، فإنكم أخذتموهن بأمانة الله ، واستحللتم فروجهن بكلمة الله ، ولكم عليهن ألا يوطئن فرشكم أحداً تكرهونه ، فإن فعلن فاضربوهن ضرباً غير مبرح ) رواه مسلم .


قوله صلى الله عليه وسلم في خطبة الوداع : (استوصوا بالنساء خيراً ، فإنهن عوان عندكم ، ليس تملكون منهن شيئاً غير ذلك ، إلا أن يأتين بفاحشةٍ مبينة ، فإن فعلن فاهجروهن في المضاجع واضربوهن ضرباً غير مبرح ، فإن أطعنكم فلا تبتغوا عليهن سبيلاً ، ألا إن لكم على نسائكم حقاً ، ولنسائكم عليكم حقاً فأما حقكم على نسائكم فلا يوطئن فرشكم من تكرهون ، ولا يأذن في بيوتكم لمن تكرهون ، ألا وحقهن عليكم أن تحسنوا إليهن في كسوتهن وطعامهن ) رواه الترمذي ، وقال: حسن صحيح .

تخيلي يقول الرسول اذا اتين بفاحشة مبينه لازم يهجرونهم ما قال طق او طلاق لكن اعطى حلول مبدأية مع ان الموضوع خطير


وقال : ( لا يجلد أحدكم امرأته جلد العبد ، ثم يجامعها في آخر اليوم )


وعند الطبراني قال صلى الله عليه وسلم (ما أعطي أهل بيت الرفق إلا نفعهم).


و في صحيح مسلم قال -صلى الله عليه وسلم: (عليك بالرفق، فإن الرفق لا يكون في شيء إلا زانه، ولا ينزع من شيء إلا شانه)

وفي الحديث أيضا (إن الله إذا أحب أهل بيت أدخل عليهم الرفق.).



وناقشي هالشي معه مبدئيا وبطريقة الحوار العاقل والمنطقي(بعد ما تهيئين الجو مع مراعات هدوءه النفسي وروقان مزاجه) موضوع الطق هذا لازم يكون له حد

وفهميه انكم لازم تتحاورون وتتناقشون بدل الطق خصوصا انكم كبيرين على التعامل بهذا الاسلوب

ولازم يكون فيك شوي حزم مع تواضع وانتي تتكلمين بهذا الموضوع, ومافي مانع من التبسم بين وقت والثاني في الوقت المناسب وانتم تناقشون في هذا الموضوع



ومن بعدها نجي لكيفية معالجة طول لسانه وتجريحه بمدح فلانة وعلانة قدامك عمد وتعني


شوفي هنا لازم تمارسين الحيل مع زوجك بأعطيك مثال..:

لكن قبل ما ابدأ بالحيل...اذا مدح عندك ممثلات ..تخيلي نفسك ملكة جمال وش بيكون شعور ملكة الجمال لما زوجها يمدح حرمه بمستواها او اقل منها؟

بتنرفز؟ طبعا لا ... انتي تخيلي بس و صدقيني بتبرد اعصابك وجاريه بكلامه كأنه مو زوجك كأنه صديقك وخلي ردك منطقي وحقاني في رايك بالممثلة...هذا التصرف بيعطيه فكره واضحه ان عندك ثقة في نفسك


نبدأ في الحيل الحين الي قلت لك عنها :

مره من المرات وانتي جالسة معه قدام التلفزيون وطلع مذيع او ممثل وسيم..قولي تصدق !! ..ان فيه وحده تقول ان وحده من صديقاتها كانت جالسه مع زوجها ويوم طلع هذا الممثل في التلفزيون ما سيطرت على نفسها وطمرت قدام الشاشة وباسته وهي منهبله على ملحه (طبعا اختاري واحد صدق وسيم) وان زوجها زعل عليها مررررررررره

وفعلا هالقصة صارت صدق بس هي شافت الممثل مصطفى حسين .. بس الحين شيب لكن مايمنع :)

وبعد ماتخلصين من رواية القصة قولي : بصراحة قليلة ادب ولازم تتأدب من جد مجنونة .

(واذا قال هذي دواها الطق والطلاق قولي لا الرجال وش فايدة عقله وان العصمة بيده ؟ الا انه يمسك نفسه وقت الغضب ويعرف يتصرف بحكمة اكثر من الحرمه لان الحرمه تتصرف بعاطفتها اكثر من عقلها مو مثل الرجال وعمر الطق والطلاق ما كانوا حل الا اذا كان بيطقها مثل ما أمر الرسول صلى الله عليه وسلم فهذا شي ثاني..اذا سألك وش الطق هذا..قولي : امر ان المرأة اذا كانت ناشز..ما يضربها على طول..لكن ينصحها اول ويوعظها ويصبر عليها مده واذا مافاد ينتقل للخطوة الثانية وهي انه يهجرها في المضجع واذا مافاد معها يضربها بالسواك ضرب خفيف غير مبرح ويتجنب ضرب الوجه والمناطق الحساسة في الجسد )


واذا مر فتره على كلامك عن هالقصة

وطلع مذيع قولي هذا المذيع مادري وش عليه ينهبلون فيه الحريم ما اشوف فيه ذاك الزود!

بكل براءة


الفايده من هالتصرف..: انه اول شي يعرف ان للحريم نظره للرجاجيل مثلهم تماما يعني زي ماله روح لك انتي روح بعد

وان الزين مو مطلب من الرجال بس ولكن حتى الحريم يحبون الوسامه في الرجال ويعرفون الزين ومايعافونه

ثاني شي ..: تصيرين انتي تديرين دفة الحوار بدال ما هو يديره بسوالفه الي تلوع الكبد


اكتفي حاليا بهذا القدر لأني كثرت عليك الكلام

واذا احتجتي شي وحسيتي اني اقدر اساعدك لا تترددين انا تحت الخدمة

اختي........ كل شي الا الضرب

سكوتك عن ضربه لك وانصياعك اكبر غلط ..انا ما اقول تمردي وعاندي واخربي بيتك

لكن طالما مد يده لازم يتوقف عند حده من اول مره بأي طريقه

انتي مو طفلة صغيرة تتأدب بالطق..وحاشانا نضرب اطفالنا...ضعفهم يشفع لهم برحمة عارمة منا

ومايضرب الا الضعيف او المريض نفسيا...لكن الرجال الطبيعي والي يحمل ماتعنيه كلمة الرجولة من معنى

ما يستعين بعضلاته وقوته الجسمانية على اي شخص اضعف منه سواء رجال او مره


الله يهديه ويسخره لك
:26:

مرحبا اختى
انا قريت مشكلتك واتاثرت وايد بس ما ابقولج اطلقي...

في امور لازم تسوينها قبل لا نفكر بالطلاق...

اولا:مافي سبب مقنع يعطيه الحق انه يضربج
ثانيا:هو شافك قبل الزواج ولو كان مب عاجبنه شكلك ليش تزوجك مثلا
ثالثا:لازم تزعلين عليه ولا تسكتين على حقك لاني اكرر لج الكلام الى قلته ماله اى حق انه يضربج او يعايرج ويغلط عليج ..وبالتالي ازعلي وروحي بيت اهلك وكلمي كبيركم ولا ترجعين له الا اذا جا واعتذر منك واعترف بالى حصل



نصيحه لك اختى..اذا سكتي على هالاسلوب الى قام فيه زوجك معاك راح يتاكد انه هالاسلوب الوحيد الى ينفع معاج
وسكوتج راح يخليه يتمادى..

لي ملاحظه على ثقتك بننفسك..عزيزتي..انتى من خلال كلامك ثقتك بنفسك كبيره جدا وتصرف زوجك يدل على قلت ثقته بنفسه والعيب فيه مب فيج..لازم تتاكدين انه هالاسلوب مب اسلوب الاقوياء ومب معناته انه ضربج يعني ريال..بالعكس في اسلوب الحوار والاخذ والعطا..

والفقر مب عيب بس لو كان عنده وما يرضا يصرف عليج هذا الى ما ينسكت عليه..


لازم ادخلين طرف ثالث بينكم والا راح تستمر المشاكل وعلاقتج فيه راح تظل مهزوزه...


اتمنالج كل خير..:26: