احس دمي ثقيل

اللي مثلك اشوفها بالاجتماعات احترممممممها مره
وهي اكثر وحده احاول اسولف معاها
احسها بحالها ولاعندها حكي حريم قيل وقال
بس انتي حاولي تدخلين نفسك بالمواضيع بس باسلوب رزين وكلام في محله
وسالفة التلعثم هذي طبيعي منك لانك خجوله وهاديه وكلامك قليل
شوي شوي تتغير
وفعلا انا اشوف الحريم وخصوصا الكبار بالسن يحبون اللي تتكلم باسلوب مااقول البرباره لا يعني تاخذ وتعطي بالكلام
وتعطيهم حكي صح هذا مجتمعنا ويبي كذا
بس انتي حاولي قد ماتقدرين وهالموضوع بيحتاج منك جهد وكل شي بالبدايه صعب
واذا انت عندك خوف لاني ماادري وش بداخلك بالضبط
مافيها شي لو رحتي لاستشاره نفسيه مع اني مااحس ابد تحتاجين
بس احس كل السالفه ان اهتماماتك وسوالفك ماتناسب المجتمع اللي تخالطينه يعني اللي بسنك يمكن تدخلين معاها اكثر

ياقلبي لا تقولين عن نفسك كذا
كل انسان لة طبعة وشخصيتة الخاصة بة وهذا طبعك لا تقعدين تذمين في نفسك وتلومينها انتي شكلك ترتبكين اذا شفتي احد عشان كذا الكلام يطلع متكلف ولا احد ينتبة لة خليك على طبيعتك لا تقلدين احد وحاولي تكوني هادية ولا تضغطين على نفسك تقولين كيف راح اتكلم
اهم شي تكوني هادية

ياقلبي ياعمري وسعي الخاطر ربي انعم عليج انتي تحسبين خفة الدم وناسه واجتماعيه وكذا بس والله ان كل الاثام عليها انا جدتي دوم تقول انتبهي ترى المجالس مزالق واحمدي الله لان اللسان مثل ماهو نعمه تراه نقمه انا من نفسي احاول مااكون خفيفه الدم ولا اللي عندي السوالف الكل بيضحك بس محد ياخذ الاثم غيري قولي الحمد لله

ماشاااااء الله هذي رزااااانه اعتبررهاا اولا
وثااانياااا ماتدخلي في الغبيه اللي اكلت الحسنااااااات ومريحه بالك من القبيل والقاال
فالمثل يقول ( من كثر كلمة كثر سقطة ومن كثر سقطة قلة قيمته ) وفي المثل الشعبي ( من كثر هرجة قل قدره ) ...

من اسلوبك باين شخصيتك هادية وخجوله
ماتوقع ثقل دم فقط خجل
في حريم من تجلس وهي تبربر وتتكلم بس كلامها تافه وثقيلة دم.. يعني السكوت والهدوء مب ثقل دم
حاولي تتغلبين عليه بتطبيق اللي قريتيه بكتب تطوير الذات
وحاولي اقراي وتثقفي لان الثقافة تزيد الثقة بالنفس وتخليك تقدرين تشاركين باي حوار او سوالف في اجتماعاتكم
ورددي هذي الاية ( رب اشرح لي صدري ويسر لي امري واحلل عقدة من لساني يفقهوا قولي )
وادعي ان ربي يحببك في خلقه ويحبب خلقه فيك
بالتوفيق لك