صباح الخير حبوباتي
من فترة بسيطة انعزمت على كوفي جديد وذقت عندهم تشيز كيك اوريو مررررة اعجبني
المهم من رجعت البيت وانا اافتر فاخذت من كل وصفة اللي عجبني وطلعت نتيجة حلوة
وهذه هي بين ايديكم.....:wink2:
المكونات::
الطبقة الاول..
4 اكياس بسكوت اوريو
نص اصباع زبد = استبدلتها بنص فنجال قهوة زيت
راح يبقى منها شوي خليها.
الطبقة الثانية..
1 جبنة فيلادلفيا = ممكن نبدلها 8 حبات جبن كيري
2 ملعقه لبنه
1 علبة سور كريم = ممكن تستبدليها بعلبة زبادي + 2 ملعقة قشطه
بيضه
نص علبة نستله
الطريقة::
نطحن البسكوت بالبروسسر واذا انطحن نضيف عليه الزبده او الزيت مثل ماسويت
نوزع ورق الكب كيك في الصينيه ونحط ملعقة بسكوت في كل فتحه.... ماادري ايش اسمها:surprised
ونضغط عليه زييين بكاسه وندخله الفريزر لحد مانخلص الكريمه
في الخلاط نحط السور كريم والجبنه ونخلطهم زيين وبعدين البيض ولمن ينخلط زين نضيف النستله واخر شي اللبنه...
نطلع الصينيه ونوزع نص الخليط تقريبا ملعقه لكل وحده والباقي نحط عليه الاوريو الباقي من الكرست
ونخلطها بالملعقه
نحط ملعقه على الابيض وانتهينا
نحطها بحمام مائي بالفرن لمدة نصف ساعه واذا طلعتيها خليها تبرد شوي وع الفريزر
جهزي قهوتك واكشخي وتعطري ونادي ابو العيال يتقهوى :icon28:
وهنا كمان...
ومن الداخل كذا بيكون شكلها....
هني وعافية