احلى و اسهل طريقه لام علي

هاي بنات

هذي اول مشاركه لي في اطباق عالم حواء .. مو لاني ماحب الطبخ لا بالعكس احبه و فنانه ولله الحمد.

بس بالصدفه قريت موضوع وحده من الخوات عن طريقه ام علي .. طبعا تسلم ايدينها .. بس انا طريقتي اسهل وااااااااااااااايد و حبيت افيدكم


المقادير :
لتر حليب
نص كوب سكر
رشة قرفه مطحونه
كشمش حسب الرغبه
لوز مبشور( غير محمص و غير مملح و مخصص للحلويات ) حسب الرغبه
علبة كرواسان امريكانا ( ساده )
مغلف دريم ويب

العلبه يا بنات فيها 8 قطع كرواسان .. و يجي منه انواع في بالزعتر و في الشيكولاته و في بالعسل ....... انتي اختاري النوع الساده


الطريقه:

1- نتفي الكرواسان كله عشوائي بيدينج و خلي القطع صغيره جدا و حطيه في بايركس و حطي عليه كشمش و لوز ( كميتهم حسب الرغبه).

2 - حظري مغلف الدريم ويب ( طريقة التحظير مكتوبه عالمغلف ) .. و خشيه بالثلاجه لانك راح تستعملينه اخر شي .

3- سخني الحليب في وعاء منفصل مع السكر و القرفه (الدارسين ) على النار لحد ما يسخن بدون ما يوصل لدرجه الغليان

4- صبي الحليب على الكرواسان المقطع .

5- اخيرا غطي الوجه بالدريم ويب و دخلي البايركس بالفرن ( متوسط الحراره ) 10 دقايق بس علشان يحمر الوش .

و بالعافيه :21: