اخاف اسمن عليهم

على حسب اكلك اذا كان قليل وبس اكثره خضار ماتسمني

بالعكس الفواكه والخضار والورقيات الخضراء مليانه مغذيات وفيتامينات ومعادن وسعراتها الحراريه قليله

وعشان تفهمين اكثر ابحثي عن عدد السعرات الحراريه في كل ثمرة فاكهه او خضار او ورقيات خضراء وشوفي الفرق الهائل بينها وبين باقي الاطعمه المطبوخه بالرز والمعجنات والمكرونات واللحوم والحلويات والخبز اللي ينفخون على قلة فايده .

واكيد كلي فاكهه واشربي عصيرها بإعتدال بدون سكر لانها تحتوي على سكريات ولو اضفتي لها زياده تصير تسمن

بخصوص انك تبين شعرك وبشرتك تتحسن وبنفس الوقت جسمك مايسمن

انصحك بالمشروب الاخضر اعمليه الصباح طازج واشربيه قبل الافطار

بشرط ماتشربين بعده كافيين ولا شوكلاته ولا قهوه ولا شاي يعني لازم تنتظرين ساعتين جسمك يستفيد منه ويمتصه



مكوناته :

نص او ربع كوب من كلاً من : سبانخ + بقدونس + كرافس + تفاحه صغيره + خياره + ليمونه + قطعه قد الابهام زنجبيل طازج مبشور وممكن تضيفين كم ورقة نعناع مع قليل مويه بارده

وممكن تستبدلين بعض المكونات بورقيات خضراء ثانيه حسب المتوفر عندك مثلاً جرجير او فجل او كزبره

وممكن تستبدلين بعض الفواكه بـ جزر او شمندر او كيوي او برتقال حسب ذوقك واللي متوفر عندك

عواطف اقدر اسوي كميه واحفظه فالثلاجه اشربه وقت الدوره وهو وش يسوي بالضبط هالمشروب للكرش ولا ايش وكم يوم واشوف النتيجه ؟

هذا المشروب فيه اغلب الفيتامينات والمعادن يعني يغذي الشعر والبشره كأنك اكلتي حبوب فيتامين
واللي جربوه لاحظو الفرق خلال اول اسبوع تحسنت بشرتهم وصار فيها نضارة ونعومه
والجسم صار فيه نشاط وطاقه والنفسيه زانت وراح الخمول والتعب
وسبق قرأت تجارب بنات انهم عادي يفرزنون كمية من العصير اسبوعياً واستفادو منه مثل الطازج
ومايضر وقت الدوره لانه مجرد خضار وفواكه

اما بالنسبه انك تبين تنحفين مافي غير تخفيف الاكل والرياضه ماودي أوهمك بشي مو مقتنعه فيه
لكن سبق قرأت انه في ناس يشربون هذا المشروب الاخضر كوب متوسط قبل الغداء والعشاء لانه يعبي المعده ويسد الشهيه لان فيه ألياف كثير

واذا تبين حاجات مضمونه تساعد على التنحيف بشرط تخفيف الاكل جربي بذر الكتان ملعقه متوسطه مجروشه على نص علبة زبادي قليل دسم مرتين باليوم وابحثي بمحرك بحث عالم حواء اللي فوق عن بذر الكتان للتنحيف واقرأي تجارب البنات وطريقتهم فيه وحتى الدكتور جابر القحطاني تكلم عنه .

كذلك بذر الرجله معروف وسبق تكلم عنه الدكتور عبدالباسط السيد ونزلت عنه موضوع فيه معلومات انه كويس للناس اللي حابه تنحف لانه يمتص 30 % من الوجبه ويطلعها برا الجسم قبل تتخزن كدهون
واكيد النتيجه تبان اسرع مع تخفيف الاكل والرياضه

هذا رابط الموضوع :
https://www.hawaaworld.com/%D8%A8%D8%AF%D9%8A%D9%84_%D8%B7%D8%A8%D9%8A%D8%B9%D9%8A_%D9%84%D8%AD%D8%A8%D9%88%D8%A8_%D8%A7%D9%84%D8%AA%D9%86%D8%AD%D9%8A%D9%81_%D8%B4%D9%8A%D8%AA%D9%88%D9%83%D8%A7%D9%84_%D9%88_%D8%B2%D9%8A%D9%86%D9%8A%D9%83%D8%A7%D9%84-4294778/