ياسلوى :بخّري البيت
يامنى: توصي ب القهوة والشاي والله الله بالتمر والرطب
يامهاوش بتسوين حلى ؟!
وقولي للشغاله تساعدك ب المعجنات والسلطات ورق العنب
>يافهد: الخروف جبه عند الطباخ وقول له يضبطه !
ولا تنسى
كرتون موز , برتقال , تفاح, كيوي , كمثرى , عنب , وكرتون مويا , وكرتون ببسي , ميرندا , سفن أب .. الخ
ويام فهد: والله لله ب السنع والذرابه
رح يجوا ضيوف بيتعشون عندنا اليوم !
وش المناسبه يابو فهد ؟
عادي كنت طالع من العمل شفت ابو محمد سلمت عليه ومجاملة
قلت له :
عشاك اليوم عندي ولزمت عليه
وحلفت إلا يجي هو واهلوه يتقهون ويتعشون عندنا اليله
أبشر يابو فهد
وتبدأ الحوسه العالميه في المطبخ
وأبو فهد يدور في البيت كما الدوريه
حطوا هنا شيلوا هنا اقعد ياولد قوم ياولد
/
\
بعد ماجهزوا كل شي
الام والبنات راحوا يتضبطون < لزوم الكشخه
وساعه عشان سلوى تستشور شعرها !
ومنى تحط مناكير !
ومها تركب عدساتها !
وام فهد ياحليلها تلبس في ذهيباتها
وفهد قاعد يضبط سبكة شماغه و ساعه على بين ماضبطت !
وابو فهد كاشخ في المجلس يتبخر ينتظر ضيوفه
/
\
إلا ~~~دون دن~~ دون دن ~~~~
جو جو جو جو جو الضيوف
إرحبوا << بو
وماتسمع الا صوت البوسات ( القبلات)
عدوا واغلطوا
مهو من زود المحبه و الغلا
لا
بس عادات وتقاليد لازم تصك الواحد بعشرين بوسه !!!
خصوصا الحريم
لا سلموا على بعض ماتركِ
الا بعدجيوش من القبلات
حتى لو كانت عدوتها
<وش يحسّن فيه ؟
وفي مجلس الرجال يقعد يردد كلمه كيف حالك طيب ؟
بعدين كيف حالك طيب ؟
بعدين كيف حالك طيب ؟
بعدين كيف حال العيال؟
كيف حال فلان وفلان والجيران؟
ويالا ساعه يقعدلك في ( الكفحله ) << مالاحظتوا ؟
/
\
ونتقل لمجلس الحريم
يبغى لك ساعه حتى تقنعيها انك طيبه وبخير
كيف حالك شخبارك ؟
وتكررها مليون
وش مسويه؟
توضفتي؟
تخرجتي؟
انخطبتِ؟
طيب متى تفرحينا؟
مابقى الا اكتب لهم سيره ذاتيه واعلقها على راسي
/
\
تجي سلوى وبيدها العصير
تقول الضيفه :
طازج والا عادي ؟!
<داخله كفتريا الأخت !
والبنت طفشت وهيه واقفه بصينية العصير ودهآ تكفخ الضيفه بالصينيه
ودهآ تقول لهاروقينا واحمدي ربك واشربي
هههه
/
\
ويبدأوا الضيفات بمزمزت العصير
ويكملنَ ( الكفحله )
<< أي كيف حالك؟ كيف حالك؟ ههه << معاناه
/
\
تدخل منى بصينية القهوه وراءها جيوش من الحلى باأنوعه (ام)
وعاد تحلى السوالف
شي حش ’ وشي غيبه’ وشي نميمه’
فلانه تزوجت فلانه حامل فلانه بخيله فلانه حسوده
أو يكون موضوع السالفه عن البهرجه والتفاخر
ولدي رايح بالصيف لِ أمريكا يكمّل دراسته !
اشترينا أثاث جديد من تركيا
شفتي فستاني ذاك من الماركه الفلانيه أخذته ب 5000 ريال
زوجي اشترى لي طقم ذهب وحلف علي الا ألبسو!
ويلا( لهطٌ) في ذا الحلى والقهوه
/
\
تدخل مها ومعها صينية الشاي وراءها وفد من المعجنات
ويلا الى البطون سر
وفي الحش إستمر
حشوٌ في البطونِ
و
فراغٌ في العقول
وفي ذلك
تتحدُ الألسنه
/
\
نوجه الكاميرآ الى مجلس الرجال
فهد وآقف عند الضيف على عظامه
ورشفه ورى رشفه ورشفه ورى رشفه
من ذا القهوه
وإذا واحد وده يسولف ب سالفه
يقول
وهذاك اليوم ....ويقعد ربع ساعه ساكت < ثم يقول: رحنا المزرعه.... ويسكت عشر دقايقويكمل ... وهكذا )
ودي اعرف ليش ه الفواصل الصامته ؟
ياليت ذكرت الله فيها !
وسوالفهم
يا أسهم يا عماير وأراضي وعقارات يامزارع واستراحات ياسياسه يارياضه وقت
قليل مستقطع إذا ذكروا ميت لهم قالوا الله يرحمه ثم رجعوا للغو.
الى آخره)
/
\
وبدا وقت العشاء
المطبخ حوسه من الاطباق والتجهيزات والدنيا المتلتله
العائله كلها في المطبخ خلف الكواليس
وين ذا؟ حط ذا؟ شيل ذا؟
هههه
ود السفره يافهد جب الفواكه هات الصحون
هات’ ود’ جيب’ حط’ نط’<< معاناآآآاه
ونفس الكلام في سفرة الحريم
يامها يامنى يا سلوى يا آني << الشغاله
والضيوف كل واحدحاط رجل على رجل
وينتظر الأذن بالدخول الى صالةِ (البلعِ ) << الاكل
وبعد الضجه العالميه في:
المطبخ + الحوسه+ الدوسه
(حياكم الله على العشاء )
(السفر) وفيها مالذ وطاب بشكل مبالغ فيه (من - إلى )
وهاتك بلع وفرم في ذا النعمه
الي لو عزم عليها فقراءالحي لكفتهم وزياده !
عاد الضيف ( شبع ) ويبغى يقوم مايقدر لأن لو قام ...!
قام المعزّب معه ( صاحب البيت يعني )
ف يضطر يجلس وياكل زياده فوق شبعه حتى مايحرج المعزب
وحتى لو فكر يقوم الضيف
المعزب رح يقول له: حلفت عليك
ماتقوم تعشى تعشى يابو فلان ماتعشيت؟
<< وش ذا النشبه
/
\
أماآآ الحريم
سوالف وهروج على الاكل واحياناً اظن انها ماتحس بالاكل
الي ينتقل الى فمها ثم الى معدتها
خصوصاً إذا فتحوا سالفه فيها غيبه تتحمس وتبلع بزياده
فوق الشبع !
وبعد ملء البطون والكروش , وبعد هذه الوجبات الدسمه
تبدأ تتوافدكميت من الحلى متوجهه الى الحريم << لزوم يحلوا ولو
وبعد الحلى
الشاي الاخضر << ل التخفيف من الكروش والدسم
وبعد الشاي الاخضر
ترجع القهوه مره أخرى
وبعدالقهوه
يُعّودُوا الضيوف ب العُود
ومابعد العُود قُعود
the end
والله يعوضك يا ابو فهد
تكفى تكفى لا تعيدها
وسلامتكم
والله من جد هذي صدق
مشكوووووووووورة
ياعسووووووووووووولة