حبيبتي اسرار البحر كفيتي ووفيتي
جزاك الله كل الخير

شهد

لا اعرف لماذا انتم الشيعه تعرفون وتحرفون ؟؟؟؟؟؟؟؟؟؟؟ لا تقولي صدام فعل وفعل ....كلنا كنا فاهميه غلط لكن تراب رجليه اشرف من كل اللي يحكمون بالعراق اليوم ولهم كلمه من السيستاني والصدر واللاحكيم وغيرهم من شلة الملالي ومن يواليهم عليهم من الله ما يستحقون

صحيح كنا نعيش بامان ايام صدام الله يرحمه ويرحم جميع الموحدين لكن ما ان تآمر الشيعه مع الامريكان على احتلال العراق حتى بان الشيعه على حقيقتهم وبداوا بقتل السنه وتهجيرهم وتعذيبهم بشتى انواع الطرق السافله التي لم يقم بها لا هولاكو ولا هتلر ولا اشد الناس جيروتا على مر السنين

لو تعرفين كم من الالاف من اهل السنه قتلوا ولم يجد اهلهم حتى جثثهم
اصبح اقصى امانينا ان نجد جثث ابنائنا وابائنا
اما موضوع النسب مع الشيعه , فاقول لك غلطان كل من يفعلها والحمد لله نحن عائله لا تقبل بالنسب معهم ابدا ابدا برغم كل التقيه التي كانوا يستخدموها معنا الا ان علاقتنا معهم لا تتعدى الزماله والجيره ولا اكثر

نسيت اقول لك شئ
هل من المعقول ان تقتلوننا وتهجروننا وتعذبوننا ثم نقول لالالالالالالالالا انهم اخواننا ولا داعي للفتنه ؟؟؟ هل نحن بلا احساس ولا مشاعر؟؟؟؟؟؟ هل دمائنا رخيصه ودماء احبابنا ؟؟؟؟؟؟؟؟؟
ماذا سيقول عنا الاطفال اللذين قتل اباؤهم وامهاتهم واخوانهم عندما يكبرون ؟؟؟؟
لا والله يا شهد لن نسامح ولن ننسى ابدا دمائنا

وموضوع اللطم
هل انت متاكده انهم ناس شاذه وقليله ؟؟؟؟؟؟؟؟؟
اذا كانت الصور مفبركه فلا اعتقد ان الفضائيات التي كانت تنقل مباشرة اللطميات ايضا مفبركه
وازيدك من الشعر بيت
انا اعيش في الدنمارك وفي نفس منطقتي هناك ملالالالالالالالايه تجمع الشيعيات وتسوي لطميات واخرها كان البارحه بمناسبة (وفاة فاطمه الزهراء) رضى الله عنها وارضاها
والله انها بريئه من الشيعه وافعالهم
مع العلم انهم يقولون انها استشهدت ولا اعرف من قتلها بالحقيقه ّّّّّّّّ!!!!!!!!!!!!!
لا حول ولا قوة الاب الله
شهد
لا مكان لك او لمن يحمل فكرك في هذا الموضوع

اختي اسرار البحار شاكره لكي تعبك ومجهودك وبارك الله فيكي

بس اريد اقول شي
انا والله لا اعتبر نفسي ولا سنيه ولا شيعيه
مسلمه فقط والحمد لله لا افرق بين اي ناس
كل شخص يحاسب على نيته وافعاله ولا تزر وازره وزر اخرى

صحيح فعلا في ناس يشتمون وووووو كلام ماريد اقوله واستغفر الله
لكن هل يحق لنا ان نعمم على كل الناس ؟
الي يتكلم على الصحابه رضي الله عنهم او على سيدتنا عائشه رضي الله عنها فهو كافر !
سواء كان من جماعه السنه او جماعه الشيعه

وشكرا اختي مره اخرى على اسلوبك الجميل وبارك الله بيج

طبعا لا , فنحن لا نعلم ما بداخل كل شخص بعينه ونحن بموضوعنا هذا لا نحكم بجنة او نار لاحد والعياذ بالله
لكن وكما يعلم كل العالم فان
جيش المهدي شيعه
فيلق بدر شيعه
المتنفذون في الحكم شيعه
من يسرق نفط البصره شيعه

وهم هؤلاء من نتحدث
اما باقي الناس فالله اعلم بعقيدتهم وولائهم

عزيزتي عيوشه احنا دا نتكلم عادي ليش العصبيه ؟
اني ماعتبر نفسي ولا شيعيه ولا سنيه واذا سئلتي ليش راح اقولك

اني ابويه نجفي المفروض انه شيعي
بس هو الحمد لله مو متعصب عادي مثل باقي خلق الله
والدليل على هذا انو تزوج ماما
ماما كرديه من سليمانيه يعني سنيه

هذا اذا تكلمنا بمنطق الشيعه والسنه
بس احنا كافراد عايشين ببيت واحد ولا مره تكلمنا بهاي الطريقه
او احد قال هذا سني وهذا شيعي
ويمكن لهذا السبب اني متعجبه من الكلام
واذا سئلتي اكثر فاحنا نصلي وايدنا مرفوعه يعني مثل السنه .. ولو هو ماكو فرق لان هي نفس الصلاه
المهم النيه
ولما نفطر اذا كنا صايمين عادي مع الله اكبر مو ويه النجمه
فماكو داعي تقولين انتم الشيعه ....!
لان الشيعه والسنه ناس مثل بعض وقتلك ربهم واحد وكتابهم واحد ورسولهم واحد

بالنسبه للناس الي يطردون العالم من بيوتهم ويهجروهم معك مليون حق
بس هذا مادخله بالشيعه والسنه يا اختي العزيزة
هذي ميليشيات منظمه لتدمير الشعب وتغريغ العراق من الناس حتى تبقى بس الهم يعيثون بيها فسادا

احنه بيتنا بالفروسيه يم الخضراء
طردوا كل جوارينا الشيعه والله شاهد
هل معنى هذا انو السنه مو خوش ناس ؟
لا طبعا
هذا مو عمل عراقي شريف
هذوله ناس انذال عملاء ياخذون فلوس ويقتلون ويسلبون ويهجرون
ليش احسبهم على العراقيين ؟ سواء كانوا سنه او شيعه ؟

راح اقولك موقف والله يقهر
بنت عمي اللي هي المفروض شيعيه تزوجت واحد سني
مثال للاخلاق والرجوله وجماله ماشاء الله عليه
بعد يومين يا عيوشه انقتل
ما اقولك شصار بينا ولا بيها ولا باهله
بس راح اقولك شلون انقتل الله يرحمه
هو واصدقائه ثنين من كانوا اطفال
هو سني وصديقه شيعي والثالث مسيحي .. رايحين كلهم حتى يجيبون صور العرس
فتعرفين شوارع بغداد صايره كلش ازدحام فدخلو بالفروع خلف شارع حيفا
وقفتهم دوريه شرطه طبعا مو حقيقيه
سئلتهم انت شنو انت شنو انت شنو فقالولهم
ثلاثتهم كل واحد طلقتين براسه
الله يرحمهم
هذا الكلام نقلا عن دوريه شرطه حقيقيه كانت واقفه وشافت الكلام وماسوت شي منهم لله
بالمشرحه لما الرياجيل راحوا يستلمون الجثث من حرقه قلبهم صيحوا على الشرطه قالولهم شلون عفتوهم هيجي
الشرطي قال هسه مو زين جبنالكم الجثث !!

شفتي اختي الناس تموت بدون اي سبب وكانهم مو بشر كانهم دجاج !
والقتله ما يهمهم شيعي ولا سني المهم يسيلون الدماء
بعدين اختي يعني شنو الفرق اذا شيعي مات او سني او حتى صبي ..
همه هذوله مو بشر ؟ مو دمهم الله سبحانه وتعالى حرمه ؟
مو عدهم اهل وعدهم ام تعبت عليهم الى ان كبرتهم ؟
يعني هيجي المشاعر تصير

بالنسبه لصدام فتراب رجليه مو اشرف من الحكومه الحاليا
لان ثنينهم نفس الطينه .. همهم نفسهم وبس

اما الحكيم والسيستاني والصدر والرجل والراس فهذوله كلهم مصيرهم النار ان شاء الله
وماريد اشتم لان هنا مكان محترم وماقول غير حسبي الله ونعم الوكيل فيهم
وصدقيني الشيعه المثقفين والي فاهمين الوضع كلهم يكرهوهم
ماعدا ضعاف النفوس والي مستفادين من الفلوس من جماعتهم اكيد يهوسون الهم

النتيجه
العراق للاسف عمره ماحد حكمه وكان شريف
لا قبل الحرب ولابعد الحرب
واذا نتكلم عن الوضع فاكيد قبل الحرب كان احسن مليون مره
مو لان صدام احسن .. لا
لان امريكا تريد الوضع هيجي واتعس
واحنا الشعب تايهين كل فرد صار بمكان
فلازم بهذه الاوضاع التعيسه نتكاتف ونكون ايد وحده بوجه كلمن يريد يخرب العراق
مو نقعد نقول فلان سني وفلان شيعي وفلان هندي وفلان تلكيفي وفلان كردي وفلان تركماني
لان احنا شعب واحد يا اختي العزيزة

واتمنى مره ثانيه انو تتقبلين كلامي بصدر رحب حتى لا تقوليلي انتم الشيعه كانك بتذميني
ونصيحه لوجه الله يا عيوشه
لا تعممين بكلامك لان في ناس هوايه راح تنظلم .. وليش واحد ياخذ سيئه ويشيل غيبه غيره ؟
الله يهدي الجميع ويغفر ذنوبنا ويخلصنا من الاحتلال ونرجع كلنا لعراقنا الحبيب
وشكرا الك مره ثانيه واسفه على الاطاله