انا ما عندي فكره بس حبيت اقولك الله يوفقك

عصفورة انتى كم سنة صار لك في كندا لانى مقدمة واريد ان اعرف متى بيسالوا على الامتحان

وربنا يوفقك فيه وماتخافي

السلام عليكم
الله يوفقك يارب
انا سويت امتحاني من شي ..اممممم مالي متأكده يمكن تلات سنين راح حاول ساعدك باللي بتذكره

اول شي شوفي هالموقع لو ماعندك ياه
http://www.yourlibrary.ca/citizenship/
هالموقع فيه اسألة جاهزة وبيصحح لك احفظيه بصم لأنه الاسئلة نفس طريقتها بالامتحان


الامتحان لو درستي الكتاب اللي عطوكي ياه يعتبر سهل جدا الاسئلة بتجي من كل الكتاب يعني لاتقولي هالقسم اهم من هادا..

خلال الامتحان وقبله وبعده مافي اي مجال للمناقشه او الحديث مع اي حدا بتدخلي بتعطي جوازك بتمنتحني وبتطلعي ..والافضل مايكون في اي مجال للنقاش مشان مايشكو بأمرك

طبعا ممنوع زوجك يكون معك نهاااااائي ولاحتى تفكري انك تطلبي او تسأليهم لأنه راح يشكو بامرك على طول وتدخلي بسين وجيم ويمكن يحرموكي من الامتحان وتكبر القصه

ضروري تحفظي عنوانك واسمك وارقام هواتفكم لأنه راح تكتبيها بالامتحان بأول صفحه شي طبيعي جدا

ماراح يسألوكي اي شي شفوي كله كتابي فتأكدي انه فيكي تكتبي كل شي

باذن الله تنجحي وصدقيني الله مابيضيع تعب حدا انا والدتي ماكانت بتعرف انجليزي وماهي دارسه لا جامعه ولا ثانوي وماشاء الله حفظت الاسئلة صم ونجحت لأنه حطت هالشغله براسها ودرست الكتاب كتير منيح. هالامتحان بالذات مافيه لعب..

بحب انبهك على الشغله البايخه اللي لخبطت كتيييييييير من الناس اللي مو دارسين بكندا هي الحل عن طريق السكان-ترون scantron

مشان يسهلو طرق التصحيح عليهم الان امتحانات الجنسيه الكنديه تتبع طريقة المدارس والجامعات في التصحيح الالكتروني
بيعطوكي ورقة الاسئلة عادي (حوالي عشرين سؤال وفيهم خيارات )
وبيعطوكي معها ورقة السكانترون
لو حليتي على ورقة الاسئلة راح تاخدي صفر! لانه الحل لازم يكون على ورقة السكانترون
وهي عبارة عن ورقة مستطيله وفيها مثلا خمسين سطر كل سطر فيه خمس دوائر A,B,C,D,E,
لما بدك تحلي الاسئله مثلا السؤال التالت جوابه بيو بتروحي عالسطر التالت من ورقة السكان ترون وبتطمس الدائرة التانيه بقلم الرصاص وهكذا..
اتأكدي انه تطمسي الدائرة كويس والا ماراح تنحسب لك النقطه

شوفي هي شكل دوائر ورقة السكان ترون لو ماسبق وشفتيها من قبل








طبعا الفايده من استخدام هي الطريقه انه بيدخلو ورقة السكان ترون في ماكينه والماكينه بتكشف محل ماوضعتي قلم الرصاص وبتصحح لك ياها بثواني ..

مرة تانيه تأكدي من انه معاك قلم رصاص خشبي عادي (مو كباس) واطمسي الدوائر منيح مشان الماكينه تكشف محل الرصاص.


اي اسئلة حياك الله
بالتوفيق يارب.:26:

^
^
^
ما شاء الله عليك يا رنيم

دائما اجوبتك شافيه الموضوع ما يهمني بس حبيت اشكرك على اخلاصك بالاجابه (( بالنيابه عن بنات المنتدى))

وبالنسبه لأختي عصفوره..توكلي على الله وطمنينا عليك بعد الاختبار

حسبي ربي الكريم
مشكورة جدا على المرور والدعاء

ميمسي
حبيبتي انا صار لي 4 سنوات تقريبا بس كلها للاسف قضيتها بالبيت حمل وولادة ورضاعة
واجانا الامتحان على غفلة
يعني بعد ما تقدمي بدك من 4 شهور الى 15 شهر تقريبا
انا بعد ماقدمت ب5 شهور اجتني

رغد الحياة
والله مابعرف كلمة مشكورة قليلة بحقك الله يجزيك خير
الله يوفقك يارب وينولك اللي ببالك
بالنسبة هل يسالوك شي قبل الامتحان لانه لغتي تعبانة كتير فهل بتفرق معهم ولا لازم تكون لغتي ممتازة المشكلة انه انا مافهم على حكيهم اصلا بيحكو بطريقة سريعة وما درست لغة بكندا ماشالله علي مقضيتها حمل وولادة ورضاعة
ماكنت متوقعة انه راح يحكو معي قبل الاختبار .......... الله بيسرها يارب
وبالنسبة للدوائر
هل اسمي كمان بنفس الطريقة ولا اكتب اسمي عادي
تسلمي يارب تعبتك معاي
انا بانتظارك

جمانة
الله يعطيك العافية ومشكورة على الدعوة
واكيد بس انجح بدي اوزع حلاوة لكل بنات المنتدى
بس ادعي لي اهم شي