رغد الحياة
هل فيني اعرف اذا انا ناجحة ولا لا
يعني هم بيعطوني النتجة فورا ولا لازم انتظر البريد او تلفون يعني كيف ؟؟؟

وبعدين لو ان شالله نجحت بخير هل مباشرة يجي السيرموني بعدها ولا بيطول

واخيرا بالنسبة للموقع اللي عطيتيني اياه مافتح معي ؟؟

اسفة على الازعاج مرة اخرى
ودمت بحب غاليتي

رغد حبيبتي
بالنسبة لجوزي هو امتحانه معي بنفس الوقت فهل فينا نوقف جنب بعض ولا كل واحد لحال ؟؟؟

ومشكلة ثانية انه انا اللاندينج مو موجود معي
لانه ماشالله بالجواز السوري يكتبو بس سنة الميلاد مثال 1978 ما يكتبو اليوم ولا الشهر
المهم قبل شهرين طلبو مني الاندينج الاصلي وشهادة الميلاد وبعتها لسدني مشان تعديل التاريخ ولهلاأ ما رجعولياه
وطالبينه مني الان بالامتحان اللاندينج الاصلي
هل سمعت بحدا مثل قصتي : دخلوه الاختبار ولا ما دخلوه ولا شو عملو فيه ؟؟؟؟
معليش حبيبتي سامحيني حكيتلكن قصة حياتي
بس والله صدقوني من وقت ما ردولنا بالاختبار وانا مو على بعضي

اللي عندها اي معلومة تفيدني رجاااااااااااااااء افيدونا بها بارك الله فيكم

انا بانتظار رغد الحياة وبانتظار الجميع ودمتم بالف خير

وكمان شغلة بالنسبة للدوائر
a b c d e
هل المقصود بها الخيارات يعني 5 اختيارات انا باشر على الاجابة الصحيحة بس ؟؟

وهل اسمي بنفس الطريقة لاني اول مرة بسمع بهيك شي

وشكرا

السلام عليكم
اختى انا اخذت الامتحان قبل 4 سنوات الامتحان سهل جدا لا تخافى مدام انك دارسه الكتاب كويس خلص . وعلامة النجاح تبدا من 12 يعنى لو جبتى 12 من 20 معناها انك ناجحه
لما تدخلى انت وزوجك صح راح تجلسى جنبه لكن الورقه حتكون مختلفه يعنى سطر ورقهA وسطر ورقهB يعنى زوجك ما بيقدر يساعدك ابدا اصلا ممنوع ترفعى راسك الا اذا خلصتى وبدك تسلمى الورقه على ايامنا كان يصلح الورقه امانا ويقل لنا ناجحين ولا لاء اما الان ما بعرف كيف صارت عنا فى لندن انتاريو على طول بيحكوا ما بعرف عندكم بيحكوا ولا لاء.
ملاحظه الامتحان سهل جدا جدا والاجابات تقريبا بتكون واضحه.....المهم انك تكونى دارسه كويس
كانت معنا وحده زيك الانجليزى تبعها خفيف واخذت 12 ونجحت ولما قال لها ناجحه قالت له احكى مع زوجى وزوجها قال لها انك ناجحه
بالتوفيق الكم

جمانه حياكي الله حبيبتي وتسلمي على الدعوة الحلوة :)

عصفورة
قلبي بدك تروقي خدي نفس وبشويش توكلي على الله كل شي راح يكون بخير باذن الله انتي ادرسي الموقع كويس والكتاب واحفظيه بصم

حتى لو كان زوجك معك بيختبر ( ممنوووووووووع) حتى تحكي كلمه واحده مع زوجك والا راح يسحبو منك الورقه ويرسبوكم انتو الاتنين انتبهي

اسمك بتكتبيه عادي جدا من غير دوائر

مرة تانيه بقولك انه قبل الامتحان مافي لا مقابله ولا حكي ولا يحزنون بس بتسلميهم جوازك السوري وكرت الريزدنس او ورقة اللاندنق وبعدها على طول الامتحان وهو كتابي ومافيه اي شي شفوي

وبالنسبة للدوائر دائما في خمس دوائر بس الامتحان غالبا اله تلات خيارات بس او اربعه المهم انتي اطمسي الجواب وبس وماعليكي كم خانه فيه

بالنسبة للاندينق ابعتي فاكس على سدني قولي لهم مشكلتك وهما بيبعتوا لك رسالة تثبت انه اوراقك اللاندنق عندهم او ممكن يبعتو صورة من اوراق اللاندق مابعرف شو بيتصرفو بس لاااااااااااااااااااااااااااازم تراسليهم !!
مابيصير ابدا ابدا تروحي وتتركي الشغله عالبركه اوراق اللاندنق هي الاثبات الوحيد انك في كنداا كمهاجره
وعلى فكره سدني جدا سريعين في الرد على الفاكسات بالذات لما بتكون بحالات مهمه متل هي
اهم شي انه تكتبي في اول سطر من الفاكس بالخط العريض
URGENT-
واتركي رقم تلفونك وبريدك واضح بالفاكس
انا مرة احتجت كرتي الرزدنس مشان اسافر وقلت وقتها كنت حجزت وكل شي بس عم استنى الكرت يوصلني وحضرته تأخر فرحت بعتلهم فاكس وعطيتهم صورة من تذاكر سفري وقلت لهم انه هنن معطليني ومحتاجه الكرت بأقرب فرصه ممكنه راسلتهم قلت لهم انتو لسه شغلتكم مطولة وكرتي ماوصلني
خلال 24 ساعه بعتو لي كرتي وصار بالبيت انتي كمان ابعتي صورة من الرسالة اللي طلبوكم فيها عالامتحان واكتبي لهم انه الوضع ارجنت وبدكم اثبات انه اللاندنق عندهم وافضل لو يرجعوها كمان ويستعجلو ..

الامتحان مابيعطوكي نتيجته على طول انا عرفت النتيجه بعد حوالي شهر شهرين لاتشيلي هم السرموني لحتى تخلصي الامتحان كل شي بوقته حلو :)


بالنسبة للغه كتير متلك ياقلبي لاتشيلي هم ومتل ما قلت لك امي كانت مابتعرف لغه كتير بس للامتحان هادا تجهزت له كتيييييييييير والحمد الله نجحت

اهم شي مرة تانيه انتبهي وخليكي حاطه كل الاحتمالات لاتتركي اي شي عالبركه

بالتوفيق يارب