اختكم دوودي في زنقة.............يابنات الفزعة

هلا والله بدودي
والله ودي اساعدك بس ماني في الرياض
وما تتوقعين حبيبتي تكلفه 5000 او اقل شوي كثيره ؟؟مو اسراف ؟؟
ما شاء الله راتب شهر كامل
لانه المشكله فساتين الزواجات خاصه ما تلبس الا مره مرتين وبعدين
تخزن فتره في الدولاب بعدين الله اعلم وش مصيرها
فما شاء الله كل ما صار الفستان ناعم وهادي احسن
اهم شي تناسق الالوان وخامه القماش
الله يوفقك يالغاليه

والله انا رأيي مثل رأي هديل
الخمسة الاف كثيرة على فستان
بس اذا انتي مصرة
وودك تسرفين وتصرفين
فيه مشغل الدراعة في حي الورود امام ملاهي الخيمة
وفيه خياطات في بيت ناس اسمهم الجندل
في شارع الثلاثين في العليا بعد ما يتقاطع مع التخصصي
بجوار حلويات الشهد
تراهم ممتازين ولا يخيطون الا سهرات

اتمنى لك التوفيق

مشكورات حبايبي هديل وشطة,وماقصرتوا وبالنسبة للفستان ترى مو شرط يكون بخمسة الاف يعني انا حددت هالقيمة كحد اعلى ,بعدين انا ودي صراحة بشيء مميز والمميز دايم غالي,وانا صراحة ما احب الاسراف بس مضطرة اجاري المجتمع لان اخوات زوجي فصلو فساتينهم عند المصمم زهير مراد بقيمة تتراوح بين ال18 وال25 الف ,وانا زوجة اخوهم الوحيدة وكمان مالي زمان متزوجة يعني لسا الانظار علي,,,,,وودي اسالك يا شطة عن بنات الجندل لاني كثير اسمع عنهم ,بس هل خياطتهم راكزة ,وكم يكلف الفستان تقريبا,وايهم ترشحين احسن الدراعة والا الجندل,,,,,بعدين انا سمعت عن خياطين في المتنبي رجال تروحين لهم وتشوفين التصاميم الي عندهم وتختارين ثم تروحين الى مشغل نسائي قريب منهم وياخذ لك مقاساتك وتعطينها للخياط الرجالي ياليت الي عنده فكرة عن هذا الموضوع يقول لي لاني سمعت ان خياطتهم وتصاميمهم خيالية,,والله يعطيكم العافية.

دودي كيف الحال

انا بقولك على موقف صار معي مره اتمني يفيدك

مره كان عندنا فرح والكل مستعد لها وانا بسبب عملي ما كان عندي وقت اني اروح لاكثر من مشوار للخياط او اروح اشتري خام
وطبعا كل اللي بيحضر العرس كاشخ من قلب ودافع المهم

قلت خلني اسوي حركه جديده رحت لمحلات الهنود لبيع السواري
وشريت ساري عباره عن 4 وارات تقريبا 3 ونص متر المهم
اخذت الخامه وصممت لها موديل ورحت للخياط وفصل الفستان حسب الموديل
الفستان بالكامل ما كلف على 20 دينار ( 240 ريال )
ولما رحت العرس صدقيني طلع فستاني احلى منهم والكل يسال منو مصممي ومن وين شريت الخامه ومترها بكم وحده حلفت ان المتر مو اقل من 50 دينار
ما تدري ان الفستان كله اقل من هالسعر

وضحكت عليهم وقلت لهم عاد القصه ولا صدقوني بعد ظننا منهم اني ما ابي اقولهم على اسم المصمم :) ( حريم يحبون الغالي لو ما يسوى )


اختي طولت عليك
بس اللي قصدته انه لو تروحين لمحلات بيع القماش وتختارين قماش حلو
وتصممين موديل يناسبه وتختارين خياط انت متعوده عليه وعارف مقاسك
صدقيني راح يطلع فستانك اروع ما يكون
لان الخامه هي الاساس
بعض الموديلات تلقين فيها شغل كثير بس الخامه مو زينه فما يطول الفستان
معك كثير

اتمنى اني اكون افدتك

عزيزتي دودي
ممكن ترجعي للرابط هذا ؟؟
لأن الموضوع يستحق بصراحة .

http://hawaaworld.com/vb/showthread.php3?threadid=13874