موضوع رائع يا هبة

لي عودة ان شاءا لله

هبة ما شاء لله عليكي دائماً مواضيعك حساسة

شوفي أنا كنت مغتربة طفلة و حالياً أنا مغتربة أم
يعني عشت التجربتين
مع فارق التوقيت

لما كنت صغيرة أول ما وصلنا قطر, سكنا بعمارة كل سكانها من العرب.. و ما شاء الله, كلهم أصدقاء من زمان و بسرعة ماما عملت معهم علاقات اجتماعية و صرنا كل يوم نلعب من أولاد الجيران و كل بيوت الجيران مفتوحة و في أمان, بأي وقت تدقي الباب على جارتك و تفتحلك و تزوريها.. و ما كان في تعقيدات.. يعني ماما تزور الجارة تلاقيها عم تطبخ, تقعد معها تساعدها بالطبخة.. تلاقيها عم تنظف البيت, تساعدها بالتنظيف.. نحنا الأطفال نساعد بعضنا بالدروس و ندرس مع بعضنا

مع ذلك كان في حلقة مفقودة.. يعني كل علاقاتنا كانت داخل العمارة و تحركاتنا كلها داخل العمارة.. كان عندي رعب حقيقي مثلاً من إني أمشي للدكان القريب بأول الشارع.. لدرجة إني كنت روح الدكان مع كل أولاد الجيران و ناخد معنا مضارب تنس, خوفاً من إنو حدا بتعرض لنا.. مو لأن البلد ليست آمنة, و لكن لأن البلد تعج بكل الجنسيات و الديانات, و أهلي كانوا دائماً ينبهوا علينا

كانت مدرستنا بأول الشارع, و نقدر نشوف بيتنا من داخل المدرسة, من كتر مو قريبة, و مع ذلك, كان في سيارة تاخدنا للمدرسة و تجيبنا من المدرسة.. و لو تأخروا علينا يوم, نقعد نبكي و ما نعرف نمشي الخطوتين لنوصل للبيت

ما عندنا أي جرأة و لا منعرف نعتمد على نفسنا أبداً

ما بدأت بالاعتماد على نفسي إلا بعد ما صرت تقريباً 15 سنة.. صاروا أهلي يبعتوني مع إخواتي على سوريا لحالنا, نقعد ببيت ستي بالصيف و نرجع بعد الاجازة لقطر

صرت مضطرة اعتمد على نفسي.. ستي كبيرة و ما بتقدر تاخدنا و تجيبنا.. و اخواتي صغار.. صرت أنا أحمل المسؤولية و إطلع إقضي أشغالنا.. روح بالأول مع خالاتي, و مع الوقت صرت روح لحالي.. حتى المعاملات مع الدوائر الحكومية شوي شوي صار عندي خبرة فيها و صرت ساويها لحالي و أعرف كيف اركب تكسي و روح من منطقة لمنطقة ببلد ما عشت فيها أبداً و ما بعرف فيها الشوارع إلا بالأسماء

لولا إجازات الصيف كنت لهلأ لبخة ما بعرف أعمل شي أبداً

بس بصراحة بعد ما دخلت الجامعة و تعملت السواقة, صرت كمان اعتمد على حالي شوي.. يعني مثلاً مرة صار معي مشكلة بالسيارة, و اتصلت على بابا, قالي مشغول, قمت رحت لحالي على محل تصليح السيارات و صلحتها

و هلأ صرت لما سيارة زوجي تخرب, أحياناً ما بيكون عنده وقت, فباخدها أنا بصلحها.. صرنا خبرة :)

هي بالنسبة لطفولتي.. أما حالياً الوضع مختلف 180 درجة.. و بعترف ابني عايش بعزلة
مع إن كل صديقاتي عايشين هون بقطر, أساساً ما عندي صديقات بسوريا
و كلهم عندهم أطفال.. بس الحياة اختلفت كتيررررررررررررررررررر

أولاً كل صديقاتي بيشتغلوا, يعني انسي زيارات صباحية
بعدين كل وحدة بترجع على بيتها عندها تنظيف و طبخ و زوج.. بتلاقي ما في مجال كتير لنعمل أي مشاريع سوى

بعدين صرنا جيل مهتم بالمظاهر زيادة.. يعني مستحيل استقبل رفقاتي لو بيتي مو نظيف, أو لو كنت عم أطبخ.. مو متل زمان, كانوا الجيران يفوتوا يساعدوا بعض و عايشين متل الأهل

أساساً حتى الجيران اختلفوا

حالياً أنا ساكنة بعمارة, تقريباً فيها خمس طوابق, كل طابق فيه على الأقل عشرين شقة.. ما تعرفت و لا على أي حدا منهم
أكثر من 90% من جيراني مو عرب أساساً
و العرب منهم انطوائيين و ما شفتهم و لا بعرفهم

أصدقاء ابني بالمدرسة, لو عزمتهم لعند ابني مشان يلعب معهم, ما حدا منهم بيجي.. الأمهات ما بيحبوا ياخدوا أولادهم لعند ناس ما بيعرفوهم..

ما عادت الحياة متل الأول.. ما عاد حدا حس بالأمان و صرنا كلنا منخاف من بعض, و صرنا منخاف نحكي على بعض كمان, و كل واحد بيمثل قدام التاني

مرة وحدة أم لصديق ابني بالمدرسة عرضت علي إن ابني يجي يلعب مع ابنها بالبيت.. بس لأنها أجنبية (أعتقد أوروبية, يمكن من ألمانيا) زوجي ما وافق.. خاف على ابني من عاداتهم و حياتهم
و بصراحة صدمة, إن من كل العرب يلي مع ابني, الوحيد يلي يعرض عليه إنه يزوره, هو واحد أجنبي!!

يمكن نحنا العرب صرنا مغرورين ما بعرف.. بس علاقاتنا الاجتماعية صارت صفر.. و هالزمن صرنا ما نشعر بالأمان مع كل قصص الخطف و القتل يلي عم نسمعها

بس ناوية لاقي حل لأني خايفة على مستقبل ابني الاجتماعي

شكراً يا هبة على الموضوع و آسفة على الاطالة...

انتي مش شرط تخلين ابنائك يختلطون بالاجانب
ممكن انهم يختلطون بالعرب ولكن بالنسبه لي اين هم؟؟؟؟؟
لان طول الوقت من الثمانيه الى الساعه السته بالليل عمل وبعدها يادوب الرجال يبغي ينام عشان يرتاح
وادا بالنسبه ليوم السبت والاحد فنقضيه في البيت عشان هدا اليوم الوحيد الي نقضيه سويا مع العائله
او نقضي حاجات البيت من تسوق ودفع فواتير وغيرها بالنسبه لي ماعندي اختلاط ابدا وياريت اختلط اصلا بس الناس كلها مشغوله هنـا :( والله انا خايفه على الاطفال يبكون يبكون يبكون بس يشوفون اي شخص غريب داخل على البيت لانه اول مره يشوفوه وحتى لو شايفه يمكن يكون شايفه قبل ست اشهر او اكثر يعني الاختلاط عندي بالشهووورررررررررررررررر او بالاحرى لاتستغربون ادا قلت بالسنيين والله

شام :

اشكرك اختى على مدحك

واحنا منتظرين مشاركاتك المفيده

عروس :
رغم انك ما كملتيش كلامك( لما كبرتى)

لكن هو ده اللى اقصده

انى اولادى لهم علاقتهم مع اصحابنا

بل ولا استطيع ابدا ان اقول انهم انطوائيين

لانهم كثيرين الكلام والسؤال

ويتشاركون مع اصحابهم بسهوله فى اللعب

ولكن قصدى كان الاحتكاك بالاهل والاقارب والناس

والحياه المفتوحه

انا عارفه ان التخويف بيزرع فى الاطفال الجبن

واحنا من قلة من يسيرون فى الطرق منعنهم من

حتى النزول وحدهم حتى البقاله كما قلتى

تحذيرات دائمه : واذا نزلنا ننسى اننا فى بلادنا
وان هناك امان

واذا ذهبت الى خالاتى او عماتى لا اصطحبهم معى

لاستنكار هذا ممن حولى

وكأن الناس اوقفت زيارته واجتماعياتها هناك

محتاجين ندعم صلة الرحم

حتى من خلال الهاتف او التواصل عبر النت

الله المستعان

وفى انتظار تكملتك عروس

lugana :

كان بناتى مثلك فى السن الصغير

لكنى كنت كثيرا ما تحاور معهم

واحاول ان افهم وانصح وكأنهم كبار

ولكن بالقدر الذى يستوعوبوه

انتى بس اكثرى من التحاور معهم

وعرفيهم ان الناس لا يخوفون

وحاولى تكلمى اهلك وتخليهم يكلموهم

ولو عندك ذكور الحقيهم برياضه ما

لان ده سهل جدا عندك

واعتقد انه سهل كمان

انك تخرجى وتخرجيهم

بس انتى حاولى

وانتى هاتلاقى متعه جامده

لان مجرد ان ولادك يتعودو يشوفو

الناس بره

لا يمكن يستنكروهم بعد كده

وفقنا الله لما هو خير لنا ولاولادنا