فائدته انه يهدي النار فما تكون حامية كثير و تحرق الرز بما ان الستانلس ممكن بسهولة ينحرق الرز فيه

حياكم الله اخواتي جميعا
اشكركم على مروركم الطيب والحمد لله عجبكم الموضوع
اختي فرح امها
اعتقد المشكله فى نوعيه القدور يعني لازم لو تيفال تكون ماركه تيفال او نوعيه مشابهه وذات جوده عاليه لاني اشوف حتى الي مايزبط معها الرز فى اي قدر تجي عند التيفال ويطلع رزها زين
كذلك السنستيل قد يكون نوعيه خفيفه وليس فيها الارقام المذكوره فوق
اما طريقه الرز فهذي اختنا عروس الشام الله يجزيها خير شارحه طريقه عمل الرز فى السنستيل


اختى عروس الشام جزاك الله عنا كل خير لاشراكك لنا بتجربتك المفيده وشرحك الوافي

اختى كرفاسه
من ناحيه الطعم ماعليه حلو وغطيانها مهوب دائما قزاز فيه انواع مهيب قزاز
وحتى القزاز لا تخافين منه لانها قويه ماعمرها انكسرت عندي

اما القلايات فهي صراحه مش زي التيفال يلزق فيها شوي بس القلي الغزير زينه بس مثل البيض يعني لك عليها شوي

الصياني تقدرين تسوين فيها الفطاير بس البيتزه مهيب مره بس مثل دجاج او مكرونه ممكن

اما اذا مسحتيها بمنديل ----لا ابدا مايطلع سواد زي الالمنيوم وهذا احسن مافيها
اما قدر الضغط الستيل يلزق اكثر من المعدن بس هو اصح


الطقم كامل على حسب الشركه انا هنا فى امريكا ممكن اخذه بالف وممكن سبع ميه
والمهم الشركه تكون ثقه والارقام هذي تدلك على نوعيه الستيل نفسه لازم تكون موجوده

نعم تقدرين تدخلين القدر بكبره فى الفرن بس انتبهي للمقابض اذا هي من النوع الاسود لا تدخلينها بس فيه نوعيه مقابضها منها وفيها يعني ستيل وفى نفس الوقت ماتحر وتدخل فى الفرن

ارجو ان اكون افدتك

اخت ام ريوف
فيه اعتقد فرق من ناحيه الاسعار وليست الجوده لان اغلب الموجود هنا فى امريكا صناعه صينيه
بس الاسعار هنا احيانا ينزل على السيل وتكون ارخص
بس انا مااشجع على نقل القدور لان الفرق مايسوى الزقلبه (فهمتوها هذي !)

اشكركم جميعا ولا تترددو اخواتي فى طرح اي سؤال

جزاك الله خير
على المعلومات والشرح الوافي

ماشاء الله عليك اختي كفيتي ووفيتي
ماخليتي مجال للحيره