اختي الله يهديها تخاف احسدها وتخاف مني تخيلو

السلام عليكم

بنات انا عضوة جديده مااعرف للنت يالله سويت لي معرف

انا بستشيركم في شي

اختي اول ماتزوجت من 6 سنوات جابت بنت وبعدها قعدت 4 سنين تحاول تخلف الى ان اراد لها الله ان تحمل بولد

ربي يسرلها ماشاء الله

انا متزوجه لي اربع سنوات صارلي حملت مره ولكني اجهضت حملي في الشهر الثالث

ايام ماكانت اختي تحاول تحمل كانت تقلي انو الدكتوره قالتلها انو عندها ضعف تبويض

انا سبب تأخري في الحمل كمان ضعف تبويض
بعد اجهاضي سويت تحاليل الاجهاض وكل شي سليم ولا اعلم ماسبب الاجهاض حتى الدكتور لا يعلم

المهم انو انا من حرصي على نفسي رحت قلت لأختي اني سويت تحاليل الاجهاض وكل شي طلع سليم وسألتها قلتلها انتي زمان قلتيلي انو الدكتوره قالتلك انو عندك ضعف تبويض
تخيلو يابنات قالتلي لا انا سليمه ماعندي شي لا ضعف تبويض ولا شي قلتلها انتي قلتيلي قالتلي لا ماعندي

انا سألتها لأنها اتأخرت في الحمل يابنات وابغا منها الفايده بحكم اننا اخوات وممكن يكون ضعف التبويض وراثي لان مثل ماانتو عارفين الدكتوره تسألك هل عندك اخوات حوامل وهل واجهو صعوبات في الحمل
بس لقيتها تنكر وحتى مانصحتني بشي
ومره كنت معاها في غرفه ورايحين لعرس وانا ماره كانت اختي الحامل تلبس ومعاها اختي الصغيره والله يابنات انها كانت خايفه مني لا اشوف بطنها لقت لي ظهرها وتناظرني كأني احسدها

بنات انا كثيييير مضايقه ومالي احد اشكيله مااعرف ليش اختي اتصرفت معاي هذا التصرف :44::06: