فيه أحد يقول أختي أقل جمال وأختي ما نخطبت واللي خاطبها تركها عشان شافني وأصلها فاشلة طردتها الكلية وانا نجحت؟؟؟

فيه وحدة تعرف معنى الاخوة وتكتب هذا الكلام؟
لو بنت جيرانا هي اللي تركها الخطيب ماكتبت عنها فضلا عن أختي اللي قاسمتني بطن أمي وتغذت على نفس الدم وربينا في نفس البيت وحنا صغار
لك قلب تكتبي هذا الكلام عن أختك؟؟؟
هي تقول لأهلك فلانة مطلقة وفلانة عانس طيب وأنت قرأت موضوعك وانتبهت وش كاتبة عن اختك؟؟
واضح أن نفس البيت خرج نفس التربية

ثقي أنت واختك أنكم ستجدون عاقبة أفعالكم في بعضكم ستجدونه حتما في اولادكم كل وحدة فيكم على قد ما عصت الله في هذا الرحم وعلى قد ما غتابت ونمّت وعلى قد مامكرت ونشرت عن الثانية المنقصة والمعايب الناس مارح تنفعك لا أنت ولا اختك لكن سيبقى لكم أسوء الصيت بين الناس
واللي فيها خير هي اللي تمسك نفسها وتمسك لسانها عن الكلام في أختها ولا تقبل أن تسمعه فضلا أن تكتبه في منتدى يقرأه كل الناس ..

أنا راح امسك نقطة واحدة فقط وهي مسألة أن ولد عمكم خطبها ثم تركها لما شافك

-بغض النظر عن صدق القصة-

أسأل كل اللي ردوا لو كنت إنسانة ذات مشاعر تخافين الله لو حصل خطب رجل بنت جيرانكم أو زميلتك في المدرسة ثم تركها وجاء خطبك ....
تروحين تقولين للناس هذا الكلام؟
تخيلي نفس المجلس جالسة زميلتك هذي وأنتي تقولينه؟ وتشوفينها وتقولينه؟؟
هل هذا الامر مؤلم لحد الطعن بالسكين؟
ماذا لو كانت أختك اللي تقوله عنك؟؟؟؟
مو معنى كلامي إني أجور على صاحبة الموضوع لا والله لكن لما تردوا تأنّوا وفكروا لا تجاملوا احدا في الحق .
وأعتذر لصاحبة الموضوع يمكن يكون ردي قاسي لكن آلمني جدا أن تكتبي هذا الكلام للناس عن أختك

والله عالم عجيبه

اول شيء انتي تقولين دعيت الله ان لو كانت هي المتسببه ف طلاقي تولد قيصري ؟

يعني هذي حاطتها اماره ولا شلون؟
وليش م دعيتي عليها الا انها تولد قيصري؟ هذا من الحقد ولا كيف؟

م عليش ل نكون صريحين وواقعين ومنطقين اكثر

انتي خابره الولاده القيصريه والتعب اللي فيها

ومع هذا دعيتي عليها انها تولد قيصري هنا انتي وش تفرقين عنها ؟

انتي جاوبي بارك الله فيتس

الشيء الثاني مو شرط ان ربي استجاب دعاتس وولدت قيصري ب سببتس

وانو ولادتها القيصريه

دليل ع خبثها وانها متسببه ف طلاقتس يمكن صادفت ومكتوب لها

وبعدين انتي لو صدق عايشه ف قلق نفسي وودتس تعرفين هل كان لها تدخل ولا لا

كان دعيتي وقلتي ان الله يكشفها عندتس ان كانت لها علاقه واكتفيتي

وبعدين اذا في احد متسبب ف طلاقتس ف هي ( شخصيتس)

شخصيتس مع احترامي لتس فاشله تقولين ليش ؟

اقولتس انتي خابره شخصية اختس مثل م وصفتيها لنا هنا

بغض النظر عن المبالغه وعن الوسواس وعن اي شيء ثاني

اذا افترضنا انو شخصية اختس هيك

وانها خبيثه واراعية مشاكل وم تحب لكن الخير تستعنين فيها كل مره ليش ؟

تطلبينها تكون عون لتس ف مواقفتس ليش ؟ تشاورينها ليش ؟

يعني انتي تعرفينها وتعرفين طبعها ومع هذا كل يوم وانتي داقه عليها تعالي وتعالي

وبعدين وين شخصيتس انتي ف اصلاح امورتس ؟

ليش خليتي الكل يخرب حياتس ؟

وليش م واجهتي اختس اذا صدق قالت لهم م تجي الا ب الضرب ؟

ليش م حطيتي النقط ع الحروف

واجهتي الكل وعرفتي مهو تسمعين كلام من فلانه وعلانه

وم تدرين وش صدقو من كذبو

مهما كان اختس لاتقاطعينها

م تسمعين الحديث لايدخل الجنه قاطع رحم وهذي اختس مهي حي الله جاره

ي اختي وش تستفيدين؟ اذا قاطعتيها ؟ مو خلاص انتي تطلقتي الحين؟

صدقيني الطلاق مكتوب ونصيب وربي فكتس من واحد يكفخ فيتس

وش تبين فيه اصلاً وهو لايحترمتس ولايقدرتس

م غير يضربتس ؟

حاسده عمرتس تعيشين مرتاحه نفسياً وسعيده ؟ ومحشمه ؟

حاسده انتس تعيشين بدون ضرب واهانه ؟

شوفي حطي ف بالتس شيء مهم جداً

الانسان يجازي ع نيتو وفي مثل يقول ( ابو نيه غلب ابو نيتين)

انتي ل زينتي النيه وصفيتيها ونظفتي قلبتس من الحقد والغل والبغض تجاه اختس

ب تعيشين مرتاحه وب يرزقتس الله م تتمنين لانو سبحانو عالم ب النوايا

وعالم ب نية كل وحده تهقين ب يرزق ابو نيه خبيثه ؟ ويضيع ابو نيه زينه؟

حتى وان زانت معها الحياة حالياً لابد الخبيث صاحب النيه الشينه يجيه يوم

ويندم ع كل شين سواه ف حياتو

انتي لاتنظرين للامور انها حالياً وان م اخذ عقابو حاليا خلاص راحت عليه

انتي انظري ل بعدين الدنيا ب تدور عليه

واللي سواه ف فلان وعلان ب يلقاها لو ف ذريتو لو ف صحتو وعافيتو
لو ف مالو


ف عيشي ع هالاساس ان كل انسان محاسب ف الدنيا قبل الاخره وحتى ان تأجل العقاب لابد يجي هاليوم

ويشوف جزا سواتو

ف انتي خلتس احسن من اختس وابدي ب السلام مو لازم تتعمقين معها اهم شيء لاتقاطعينها واحتسبيه لوجه الله تعالى

وشوفي شلون الراحه اللي ب تعيشينها

رفع

الله ينصرك عليهم كلهم ويفرج همك ويعوضك والله شي صعب اللى عشتيه الله يعوض صبرك خير ان شاء الله 

وش دخل زوجك يتصل باختك يتشكى منك وش هطبع
وبعدين انتي اللي سمحتي لها تدخل بحياتك بهالشكل لانك تشتكين لها وتستشيرنها فكبرتو راسها
الله يصلح مابينكم