اختي غلطانه ولا البنت هي اللي غلطت ؟!!

السلام عليكم اخواتي العزيزات
اختي سبق وقلتلهم قصتها بقولها مره ثانيه
اختي دائما تعزم صديقتها في خيمة اهلي الخارجيه طبعا اختي متزوجة لكن عايشه عند اهل زوجها في جناح وصديقة اختي تنحرج تجي بسبب صغر منزل اهل زوجها وانه مافيه خصوصيه صديقة اختي ماعمرها عزمت اختي ابدا ومره احرجتها اختي وقالت الجمعه عند شي قالت صديقتها لا فاضيه قالت اجل بنجيك جهزي قهوتك صديقة اختي تغير وجهها واسكتت بعدها بيوم دقت على اختي قالت الصراحه يا ام فلان انا وضعي زوجي مايطلع من البيت وينكد علي اذا جيت اعزم احد واذا على الكلافه او اهلك يتضايقون ترى ماينلامون نصير نتقابل برى او اجيب قهوتي وشاهي وحلا وفطاير عند اهلك وانتي بس جهزي الخيمه شوفي اللي يريحك اختي طبعا اقتنعت وقدرت وفعلا عزمناها كم مره وامورنا تمام لكن اللي حصل اخر مره اجتمعو اطفال صديقة اختي واطفال اختي لعبو بشتلات الورد وقطعوه وامي عصببببت قالت جمعات في بيتي خلاص مافيه راحت اختي علمت صديقتها عن اللي حصل وصديقتها انحرجت وحولت مبلغ ٢٥٠ قالت حطو بدال الورد اللي قطعوه الاطفال وانا اسفه وخلاص ماعاد فيه جمعات بالبيوت نكتفي بالكفايات
اختي حامت كبدها وملت قالت مو حل كفيات المفروض صديقتي تتحرك تحاول تقنع زوجها مو تستسلم انا ماقصرت فتحت بيتي وبيت اهلي لكن هي مو وجه خير وشالت اختي مره على صديقتها وكتبت لها مسجات تعاتبها وانه ليش ماتقنع زوجها وليش مستسلمه وضعيفه وليش ماتعزمها في بيت اهلها زي ماهي كانت تعزمها في بيت اهلي ردت صديقتها انا ما اجبرتك تعزميني في بيت اهلك وانتي ماتدرين وش ظروفي ولا ظروف اهلي واذا عزايم بيوت بتفرقنا مع السلامه واختي انفقعت مرارتها وبس تدعي وتتحسب على صديقتها انا ما ادري الحق مع مين والله العظيم عجزت افهم اختي وعجزت !؟؟؟

👆🏻👆🏻👆🏻👆🏻👆🏻 طبعا كل اللي فوق حصل قبل شهرين وسبق قلت سالفتها لكن الجديد ان اختي قطعتها وبلكتها وتقول ما اتحمل كذا بدون مقابل اعزمها وماتعزمني ما احب اللي كذا صداقتها فيها شروط ومن قطعتها ارسلت صديقتها لها انه براحتك وما اضغط عليك والله يوفقك ويسعدك وان شاءالله تلقين وحده تكون لك نفس ماتبين يارب اختي ماش ملت واشتاقت لها وارسلت انه تبي تعزمها في بيت اهلي تفاجئت ان صديقتها ردت انا ماني لعبه عندك متى مازعلتي من راسك سحبتي علي واذا رضيتي دورتيني انا والله حركتك الاخيره حزت في خاطري اجل بيوت تفرقنا وروحي الله يوفقك ويسعدك وخلي علاقتنا رسميه ما افضل انه ندخل في بعض زي قبل ومع السلامه
هنا اختي انهارت وانقهرت مره ليش تبادر وحست بالاهانه
انا مفكره ارسل الصديقة اختي ترجع المياه المجاريها وبنفس الوقت مابي اتدخل رايكم اختي غلطانه تكفون ابي ردود تجبر الخاطر