ماوية @maoy

كبيرة محررات

اختي مريضة وشبه منهارة

بسم الله الرحمن الرحيم ..

هذه رساله وصلت من احدى الاخوات .. تطلب فيها المشوره مني ومن الاخوات .. وقد ارسلت لها ردي .. وفي انتظار ردودكم ..

السلام عليكم اختي
انا مو عارفة مو وين ابتدي لك الرسالة ولكن راح ابدأ على طول واتمنى تعرضينها بالقسم لمشورة البنات واشوف رايكم

اختي فجأة لقيناها منهارة وحزييييييييينة وانطوائية بشكل غير طبيعي ومخيف يعني لو اي احد يشوفها يقول على طول معاه مرض نفسي او انجت والسبب هو تقدم لها ابن عمتي ورفضته رفضاً قاطعا مع العلم كثيررر يتقدمون لها وترفضهم ولكن هذا الشاب اهلي موافقين عليه وابوي مصر انها تتزوجه لانه ابن اخته ومن يومها هي في حالة نفسية رهييييييييييييبة وابوي مصر على رايه لانه اكبر خواتي واكبر مني عمرها 25 واهلي خايفين عليها تمر السنين وما تتزوج ...
حاولت اتقرب منها وادعي لها والمصيببببة اليوم فاجأتي وهي في قمة الانكسار والحزن انها تحب واحد ... المهم انا توقعت هذا لشيء لاننا كلنا بنات ونفهم بعض ويمكن حسيت فيها من الاول لكن الشي اللي انصدمت فيه كلامهاااا
تحب واحد من النت وصااااااااار لها في هذا الحب تقول 3 سنوات وحلفت لي انها مستحيل تنساه او تشيله من راسها او تتزوج غيره سألته منو كم عمره من وين تقول من الرياض مع العلم اننا من الشرقية
قلت لها انسيه استغفري الله وادعي الله واتركي عنك المرض والحزن تقوول حاولت وما قدرت كثير حاولت ما اقدر وتحلف لي انها تحبه حب لدرجة انها من عرفت اصرار ابوي على زواجها تنومت بالمستشفى يومين ووالله حالتها ما يعلم فيها الا الله خايفة عيلها يصير فيها شي ما اقدر انصحها بالزواج لان الشاب طلع من مذهب مغاير والاهل لا يمكن يوافقوا وتوها صارحتني بشي ما توقعته ابد ان اهله زارونا قبل فترة بحجة ان صاحبتها بالرياض بتجينا
وقعدنا معاهم وهم قمة الذوق والاخلاق والحين تقول لي هذي مو صاحبتها هذي اخت اللي تحبه مع اهله جايين مع العلم انهم جايييييييييين وماعرفوا بالسالفة ابد مثلي ومثل اهلي ولدهم جابهم عشان يتعرفون علينااااااا مدري كيف جابهم ولكنهم جوا وجلسنا معاهم والحين تقول لي الرجال يبيها وجايب اهله عشان يشوفونه بشكل غير مباشر يعني ما يدرون
وانه تبيه وهو يبيها ومستحيل تتزوج غيره والله بلشه وش الحل يعني اهلي ناس محافظين وملتزمين جدا واهله مبين اجواد
مو قادرة اشوف اختي منهارة كذا ومو عارفة كيف اقول لامي او ابوي مستحييييييييل يتقبلون الفكرة هذي وان اختي تكلم او تحب واحد المشكلة صار لها 3 سنوات تحبه على النت ومو قادرة تتركه وهو نفس الشي مع العلم ان الرجال اكبر منها بـ 10 سنوات

وش اسوي لاختي تعباااااانة كثير

وش الحل ساعدوني الله يخليكم .. ياليت تردي علي بأسرع وقت لاني مو عارفة ايش اسوي وايش اقول لاهلي وايش اللي اعمله لاختي السالفة معقدا جدا واختي تبكي ليل ونهار وابوي مصر ومستحيل يوافق عليه ويرفض بنت اخته

ارجوووووووووووك شوري علي والله تعبت وحاملة هم اختي كثيييييير

يلزم عليك تسجيل الدخول أولًا لكتابة تعليق.

تسجيل دخول

mariam2 • 20 سنة

الله يعينكم والله

المشكلة موسهلة , ولااقدر اطرح افكار لحلها مالج الاا لدعاء الله يهدي ويشفي اختج لما يحب ويرضى

بس من رأي اساس العلاقة غلط وبما بني على الخطأ فهو خطأ بس من يفهم اختج ؟؟؟هذ ي وحده ,,, الثانية الرجل من مذهب مغاير والسالفة مو بسيطة صحيح كلنا اخوان وكلنا مسلمين والمفروض ما في تفرقه بس النظره ما تغيرت اخوان واحباب من بعيد لبعيد ام انها توصل لدرجة النسب تظل صعبة ,,,

والله المستعان

Rosee • 20 سنة

والله الحب مب كلشي
بس اختج لو مشت بالهالطريقه بضيع عمرها ومستقبلها

الله يهديها يبالها توقفين معاها زين
وتشوفين لها احد واعي وانسان متفهم تصارحينه لانها جيه بضيع عمرها
الله يهديها ياربي

مريومه*_* • 20 سنة

ممممممممممم

شوفي علاقة النت بعض المرات تكون ناجحه .. خصوصا اللي عرفته مو لعب عيال صار لها 3 سنين تحبه .. وهو اكبر منها بعشر سنين وهي عمرها 25 اكيد واعين .. وبعدين مشالله قصده مره شريف وهذا شي نادر يحصل لانه جاب اهله ..

شوفي هو ممكن نلقى حلول كثيييييييييره لكن فيه عائق ...

انه هم من مذهبين مختلفين وهذا شي صراحه فوق الاحتمال...

يعني ماعتقد بيتم فيه موافقه من الجهتين الا اذا صارت معجزه ومافيه شي بعيد عن الله ...

عموما الحل انها تتركه ادري انه الكلام سهل ... بس بما انهم من مذهبين مختلفين صعب الموافقه تتم اصلا قبلها بيكون فيه اقناع ...

من ترك شي لله عوضه ..

والله يوفقك ويساعدك ...

ام النهى • 20 سنة

اسأل الله العلى القدير ان يهدي اختك
ذكريها ان الله مايرضى عن هذا العمل وان الله سيعوضها خيرا منه ان تركت هذا العمل خوفا من الله وان تستغفر الله

عاصفه • 20 سنة

خلي امك تكلم عمتك وتعتذر منها بحجة ان البنت ما تبى تتزوج

وان الابو غير متفهم ومن هل الكلام بينسحب بس اش الحل للزواج بهذاك

اعتقد بتواجهكم مشاكل الله يعينكم