شوفي حبيبتي ... خرابيط النت وايد وهي اشدراها ان كل كلامه صج احنا الحين موجودين بالمنتدي احيانا كثيرة نحس بمشاكل غيرنا ونتفاعل معاها وبعد مدة تلاقين صاحبة مشكلة معين تطلع لك بسالفة غيييييييييير ولاكأنها من مدة كانت تشتكي من زوجها لاتقيها بقسم العرايس تتجهز !!!!!!!!!!!!!! عادي تطوف على اغلب الناس مو مهم ... المهم يا عمري ان اللي تحبة اختك عمره 35 سنة معقول مو متزوج ولا له تجاااااارب !!!! ما ادري بس مبين اختك مسكينة وقلبها نظيف وتصدق بسرعه ... انا اقول سالفة صارت جدامي ولاشخاص اعرفهم لي 14 سنة وحدة اول ما تعينت اعجبت بمديرها وهي بنت نااااس يعني مستوي عالي ومديرها غير متزوج وحب يستانس وكل اشوي هدايا وكل اشوي كتب شكر ومكتب لحالها سوالف عموما البنت محترمة وحبته بنظافة وتوقعت يتقدم لها لان احيانا يرسل لها اخواته يزورونها اللي حصل فجأة بعد 3 سنوات من التعيين تملكت وعانت الامرين بين قلبها وبين زوجها طبعا بايام الملكة كانت تطلع معاه بس لان قلبها مع شخص ثاني ما قدرت نساه وكل ما سوي زوجها حركة ولا قال كلمة سوت الهوايل وشالت عليه الدنيا وبعد شهر او اكثر اشوي تطلقت منه وتمت عقبها ما ادري كم سنة ولما تقدم لها شخص ثاني بمستواها ما شاء الله من نفس مستوي عايلتها توهقت وقلبها لحد الحين مع مديرها اللي اصلا ما يبي يتزوج علمت عمتها او وحدة كبيرة بعايلتها وخانقتها اصلا لايمكن يرضون فيه حتي لو تقدم لها واستخارت وتزوجت ما تصدقين اشكثر مستانسة مع زوجها والله رزقها بولد ما شاء الله ومرتاااااااحة اخر راحة تعالي بس وشوفي لما يصير عيد ميلاها ولا عيد الحب تعالي بس وشوفي لما تقول مشتهية الاكلة الفلانية يهد شغله ويشتري اللي بخاطرها وهي تتدلع عليه جدامنا حتي مرة شاري لها عصافير الحب ولوحة تحمل اسمها وسوالف بالدوام الكل يهنيها على حبه لها ومديرها لحد الحين ما تزوج ولي الحين تتشتغل بنفس المكان والله هداها وتحجبت ما شاء الله وتسافر وتروح مع زوجها ومرتاحة اخر راحة ودايما تقول الحمدلله الله عوضني باللي احسن منه وعطاني هذا الانسان المحترم اللي شراني بعيونه وحطني بقلبة وحببني فيه اصلا مديرها مو في بالها وهو اللي متحسف عليها ويشوف زوجها يزورها جدام عينة وهي تضحك ومرتاحة ولا بعد فوق هذا حامل على فكرة مديرها عمرة الحين فوق 50 سنة ولي الحين ما تزوج وهو وحيد اهله ما عندهم غير البنات .... شفتي الدنيا اشلون صايرة

حبيبتي الحب غير كله خرابيط وكذب والزواج والعشرة والعيال غيييييييييييييييييييييير وعلمي اختك كلام النت فيه كذب وايد والشات وهالسوالف خليها تستخير وايد وتسمع كلام اهلها تري بيون مصلها

بصراحه وبدون لف ولا دوران

لو هالرجال جاد فعلا ً كان امداه تقدم لها في خلال هالثلاث سنوات
لا وتقولين من الرياض ! للاسف عقليات شباب نجد مستحيل تسمح لهم او يرضون حتى اهلهم انه يتزوج وحده متعرف عليها تلفون او عالنت ومعطيته كل المعلومات عنها بعد :11:

لو قلتي لي من الشرقيه يعني اقول يمكن ومو مره لو قلتي لي من جده باقول جايز
اما عمره 35 ومن الرياض :11:

ومساله الخطه الي سوتها هي وهو علشان اهله يتعرفون على اهلها

هذي مو دليل على صدقه بالعكس يمكن يكون شاب لعاب وذكي ويبي يخلي البنت تصدق فعلا ً انه يفكر فيها للزواج ويبي اهله يشوفونها ويتعرفون على اهلها !

وللاسف وصل للي يبي واختك كثير مصدقه انه يحبه ويبيها كازوجه هذا وهو ماتقدم لها رسمي ولا سوا اي شي رسمي يدل انه صادق

متاكده 90% انه شاب لعااب وفنان بلعب بعد للاسف :11:

انصحي اختك تتعوذ من ابليس وتنساه ,, وبعد زواجها بتنساه فعلا ً وبتحب زوجها باذن الله
خاصة إذ كان رجل خلوق ومتدين وطيب والخيره فيما يختاره الله

وإذ مره مصممه ولا فيها امل قولي لها بصراحه طيب وينه خليه يجي يتقدم إذ صادق !
خليها امام الامر الواقع علشان تحاسب نفسها بنفسها وتحكم الامور بمنظار العقل

وربي يهديها ويكفيها شر شياطين الانس والجان ويوفقها لما يحب ويرضى سبحانه :26:

..

.

الله يهدي بنات المسلمين وبعدين لو جاد كان قال لأمه أنكم بتروحون تشوفون بنية عاجبتني مو يخلي أهله على عماهم ؟؟ الذكي ما يصدق اللعبة هذي وبعدين فوقي أختك شلون يحبها ..من عبث شيطاني ولو كان صادق ليش ما تقدم ؟؟ ومعقوله ما يدري ان جاها ولد عمها وأبوها مصر لو هو صادق جا طيران وخطبها أقول بلا شغل مسلسلات .. أخشى ان المسألة أكبر من كذا .....أسفة بس من جد الموضوع يخوف ..

اختي الفوا عليها اي قصة بحيث انكم تشوهونه بعينها وقولوا لها انه طلع متزوج وعنده عيال
والا تدرين قولي لها انصبي عليها يعني حاولي تاخذينها على قد عقلها مهما كان عمرها لوعمرها 30 مادام انها تصرفت هذا التصرف فعقلها مع احترامي لها صغيرة المهم قولي لها عطيني اسمه الكامل خليني اطلع برنت كامل عنه ونشوف وش هو بالضبط يعني مثلي عليها.
او قولي لها : عطيني رقمه وخلينا نختبره اذا هو صاج يبيج او لا بحيث انكم ترسلون له وحدة تكلمه وتمثل عليه قصة حب.وشوفوا شنو ردة فعله وقولي لها وصدقيني بيطيح من عينها مهما كان .
صدقيني مالكم الا هالحل لانه حسبي الله عليه وصلها مرحلة صعبة .
او خليها تقوله: انها بتتزوج وبس وتشوف ردة فعله.بغض النظر عن المذهب لانها هي ما همها المذاهب اخذوها على قد عقلهايعني لازم تنزلون لمستوى تفكيرها اذا بتحلون مشكلتها.