اختي واسلوبها

بنات انا كبيره عمري ٢٨
لكني اتحسس من المزح الثقيل
اكره المزح وممكن مانام وابكي بسبب كلمه
جتني بالمزح خاصه اختي اللي لسى باول كليه
راعية مزح وضحك ودايم اخواني يضحكون عليها
وعادي عندها وعلى بالها الكل زيها عادي
زي امس نسولف مع خالتي واقولهم صعبه
فلانه تبيع وتطبخ وهي ماعندها شغاله
وامي كانت قبل فتره تبيع ولا عندنا شغاله
بس امي ماكانت حلى كانت اشياء شعبيه فكانت تقول
ماحتاج شغاله
حت اختي ذي بضحك قالت حتى حنا ماعندنا
او او نسيت انتي شغالتنا انا عارفه انها بمزح وهبل
والله قلت وانا واضح الزعل فيني والله ماغير وجهك الشغاله
هي انصدمت من ردت فعلي واسكتت
وزمان كان عندنا سواق سوداني اسمر وكذا
وكان يودينا وانا كنت اصوت له يشغل السياره اقوله سلول
هو اسمه كذا صعب وحنا نختصره كذا جت اختي
قالت والله ماغيرك سلول
ومره كانت عندنا قطوه بس تستفرغ جيت مسكتها
واستفرغت جت اختي بضحك قالت
يوم شافت وجهتس
انا عارفه ان اشلوبها دفش كذا
ولا هي حبيبه كل اغراضها ولبسها عندي
كل مابغيت شي من غرفتها اخذ بدون استاذان
ولا تقول ولا كلمه واناقخ عليها دايم واهزاها
وتسكت وعادي تجيني بعد ٥ دقايق تسولف وتضحك
ولا كاني قبل شوي نفحت عليها او هزاتها
لكن اللي قاهرني اسلوبها مره دفش
وانا اتحسس. احس اي شي تقوله تقصدني وهي صادقه