اختي وامي !!

صباح الخير بنات كيف حالكم قبل أبدا بالموضوع بوضح لكم
بعض النقاط حنا ساكنين بمحافظه شبه قريه بس اكبر
يعني الكل الكل فيها يعرف بعض البيوت والمحلات
ممكن ابعد محل او ابعد بيت ماياخد ربع ساعه بالسياره هذا ابعد محل الباقي ٥ دقايق وكذا
وهالمحافظه للأسف مشهورين هالمنطقة بالهرج ونقل الكلام
والاستشراف
يعني عايشين اصلا على الحش بالخلق انا وانا من نفس المنطقه اكرررهم بسبب هالنقطه
وبنت فلان شفناها كاشفه بنت فلان وين ابوها هذي اخت فلان هذي امها مسويه مطوعه
المشكله وين
عندي اخت عمرها الان ٢٢سنه للاسف بطفولتها
ومراهقتها امي مهملتها بشكل كبير كبير
يعني كانت مسلمتها جوال ولابتوب ولا كانت امي تدري
وش تسوي وش تكتب اثر الاخت من كانت طفله
ب اول متوسط لسى مابلغت بعد مسويه لها تويتر
كنا بس نطلع كل يوم عزايم ومع اقاربي وهي ترفض
ماتحب تطلع من كانت طفله
امي كانت على بالها كذا هي مو جوها الطلعات
طلع العكس تماما
اختي مسويه تويتر وتكتب فيها وتتابع للاسف
نسويات كانت يحشون روس المراهقات بكلام فاضي
لما وصلت اختي الثانوي صرنا نلاحظ حركات غريبه فيها
ماتبي احد يتدخل فيها حتى امي لما تكلمها عن شي
تقول وش دخلك !!
لما نتكلم تجلس تضحك تقول كلمات غريبه زي
راضخين لاخوانك
او معطيه فلان وجه
او خاضعين للرجال كذا كل كلامها
المصيبة كل ماكبرت كل ماكرهت الغطا بشكل
ماتتخيلونه بنات تكره الغطا بشكل جنوني لدرجه
هواش وصراخ هي وامي عليه صارت تطلع بكمامه
قالت امي كيفها عجزت عنها المصيبه الحين ماتبي الاخت ولا طرحه ولا كمامه وكيفها انا لو جت علي
لو تبي تمشي بكلوت باللي مايحفظها
لكن زي ماقلت لكم
حنا يابنات بمحافظظظظظظه جدا جدا شاغلين
انفسهم بالهرج والناس جالسين يتكلمون فينا
وهي بس تطلع بكمامه ومن الكلام اللي وصلنا
وين امها عنها ؟
الشره مو عليها على اخوانها وأبوها ماعندها رجال
سمعتهم شينه يكشفون <للأسف هذي تفكير اغلب
محافظتي انتي تتحجبين انتي فاسده وخربانه وحقت عيال
ولا احد يبيك هذي كل كل السالفه
وهي ضاربه بالناس والأقارب وب ابوي وامي الجدار
كل همها انا كيفي انا بعيش على كيفي انا ماحد له دخل فيني
اخر مشكله ابوي اشترى لنا سياره للمشاوير وكذا
صارت تكشف فيها والله يابنات العيال يلحقوننا
والشيبان بس يناظروننا ب استحقار كل هذا
بس عشان يشوفون من بنته ذي الكاشفة
والله لو احنا بمكان متعودين اللي فيه ع الحجاب
ومو شي غريب كيفها ماهمني تكشف ذنبها عليها
لكن جابت الكلام والشبهه لنا ولأبوي ولامي امي تصيح بسببها احيانا
وامي دايم كلامها ام فلان عندها ٧ بنات
ام فلان عندها ١٠ بنات
ولا وحده فيهم غير عن الثانيه كلهم عاقلات ونفس الطبائع
وانا ماعندي الا ثلاث وكذا صار لي
يعني تجلس امي تقارن بنات اقاربي وأمهات اقاربي
اللي عندهم فوق ٨بنات فينا لان ولا وحده جت
نفس حركات وافكار اختي وللله اني أتمنى انها تطس تهج
تتزوج يصير لها اي شي عن بس الكلام اللي يجينا
بتقولون اغصبيه او خلي اخوك يكلمها اخوي لو كلمها تمشكلو وضربها
وامي اذا غصبتها على شي بالمشاكل والهواش ولا توافق
وتجلس تدعي علينا الله لايوفقكم
ضيعتو حياتي ضيعتو شبابي والله ماسامحكم
كاتميني بكيس الزبالة والقناع على وجهي كل كل كلامها يمين بالله كذا واشد بعد
هذا ولا شي من اللي قلته
والله شي بسيط مره مره لو اقولكم الأشياء الثانيه تشب الرأس انا سؤالي
يابنات كيف هالنوعيه نتفاهم معها هي خلاص عقلها
مغسول ولا تبي حياتنا ولا عاداتنا ولا اي شي
يعني حتى لو لو راحت منطقه ثانيه الحجاب عندهم
شي عادي هي مو بس تبي تتحجب بذاك المكان هي بترمي العبايه بكبرها