مشكورات خواتي على حلولكم وانا افكر اني اسوي نفس الي قلتوه والله يعين بس مشكلتي مااحب اجرح احد لكن صبرت واجد والصبر له حدود

سبحان الله دايم الناس يتحسسون ويتمشكلون بسبب الاطفال

والله مشكلة ،، ،، ،،

وكلميها وصارحيها افضل

انا والله ماعندي مشكله اعرف الاطفال والله هي تعصب وتنرفز ثواني بس يلعبون ويضحكون وتكون هي معصبه بس كذا ةالله مايسوا الحمدلله ان ربي معطيني العقل

بنات جاتني فكره اش رايكم ادخلها موضوعي واخليها تقرا ردودكم

يا اخوات هذي اختها واذا اقطعت فيها يعني قطعت صلة الرحم الي بينهم ..وصلة الرحم امرها عظيم عظيم جدا (واتقوا الله الذي تساءلون به والأرحام) ... نصيحتي..
أولا.. تعالي اليها بالكلمه الحسنه والين وبيني لها حبك وذكريها بالاخوة التي بينكم ذكريها بأيام الطفوله وكيف كنتم تتشاجرون على الالعاب وبعدها ما كن شئ صار ..

ثانيا وهو الاهم ..احيانا اختي الجهل في امور التربيه له عواقب وخيمه جدا ..تستطيعين اذا كنتي في مجلس تكون اختك فيه ان تفتحي موضوع مثلا عن التربيه بعد ان تكوني طبعا ملمه فيه وقرأتي عنه الكثير انتي افتحي الموضوع ولا تناقشي فيه لكي لا يكون بينكم مشاده انتي في غنى عنها .. فقرأي وقرأي في كتب التربيه وهناك مواقع كثيره في هذا المجال وخاصه في كيفية التعامل مع الطفل
راح تقولين ليش ؟؟لاجل المواقف او المشادة الي تصير بين ابنائكم تستطيعين ان تتدخلي انتي بها بدل منها (فهي تعميها زود ماهي عميانه )واسلوبك التربوي الي راح تتبعينه مع الاطفال لازم ترضين فيه جميع الاطراف , يعني يايخسرون اللعبه كلهم او يتبعون النظام والدور وفيه الكل ربحان وهذا شعارنا يا أطفال واذا شفتي المشكله على لعبه مثلا مستمره شيلي اللعبه وصرفيهم بلعبه ذاتيه مثلا يالله نلعب مسابقه أو تسوين مثل طريقة الحصان وهذي حلوه يعني كل واحد يركب فوق ظهرك شوي هاه شوي مو تفطسين وطلعي صوت حصان وراح ينبسطون وشوي شوي يتعلمون كيف الترتيب والدور وبالتالي وسويها قدام اختك منها تعليمك لها كيف تربي وتفقعين عينها <--اسفه على التعبير على فكره لعبة الحصان الافضل تركبين ولدها الاول بعدين أولادك بس أول مره بعدين بالصغر

ثالثا .. وانتي توجهين الكلام بشكل غير مباشر اذكري قوله تعالى (والذين يؤذون المؤمنين والمؤمنات بغير ما اكتسبوا فقد احتملوا بهتانا واثما مبينا ) اذكري قوله صلى الله عليه وسلم(سباب المسلم فسوق وقتاله كفر )

رابعا.. ممكن ان تبادري معها بالاسلوب اللين والجذاب في رغبتك بأن تكونوا يد واحده في تربية ابنائكم على الوجه الصحيح والذي سنه لنها قدوتنا محمد صلى الله عليه وسلم ( يعني مثلا تبينين لها انك محتاجه النصيحه منها في بعض المواقف التربويه حتى وان كنتي ترينها ليست اهلا لذلك ولكن خوذي منها بس من باب المشوره لا غير وراح تبادر هي بنفس الشئ لك ) بذلك تحس انها مسؤوله ولها دور في توجيه ابنائك وابنها طبعا وأنها قدوه متبعه من قبلهم

خامسا .. اطلبي من ابنائك احترامها وتقديرها مهما بدر منها فمثلا اذا دخلتو البيت وهي فيه بعد ما يسلمون على جدتهم يسلمون عليها ويحبون راسها .. هي اصلا راح تخجل من تصرفاتها معهم
اذكرك اختي ببعض احاديث الرسول عن اهمية صلة الرحم
قال صلى الله عليه وسلم : ( الرحم معلقه بالعرش تقول:من وصلني وصله الله ومن قطعني قطعه الله )
وقال : (من أحب ان يبسط له في رزقه وينسأ له في أثره,فليصل رحمه)
اتمنى اني قدرت افيدك بشي وعطينا النتائج
................................................................