وعن أبي هريره رضي الله عنه أن رجلا قال : يارسول الله ان لي قرابة اصلهم ويقطعوني,وأحسن اليهم ويسيئون الي ,وأحلم عنهم ويجهلون علي ,فقال: ( لئن كنت كما قلت , فكأنما تسفهم المل (التراب) ولا يزال معك ظهير عليهم ما دمت على ذلك ) رواه مسلم.

اذا نرفزت ردي عليها في وقتها قولي لها زي ماهو بيت اهلك هو بيت اهلي بعد زيي زيك مالك حق تمديين يدك على عيالي في الطالعه والنازله
ترى انا جايين لاهلي نرتاح ماجيينا نتطاق
ولاتصيحيين ولاتعوريين قلبك

ودي أقول شي...كنت أفكر أحطه على الخاص لكن قلت..يا بنت يمكن أحد يدعي لك..

أنا لسه ما تزوجت وأحب عيال أخوي وأختي..
أختي دائما تحط عيالها عندنا بالبيت اذا راحت للدوام..وأحيانا طول اليوم.. أنا أحبهم مره وأراعيهم وأحب أختي كذلك
..لكن أحيانا..
..أتمنى أني أشرح الموقف بصورة صحيحة..
أحيانا أمي تقول خلهم ينامون عندنا لا تضرين مشوار..ففي بعض الأحيان..أرفض أنا أقول لا تاخذهم..مو مكفولين حنا طول اليوم نمسكهم..أمي تقول أنا أمسكهم وش عليك انت؟؟ أرجع أرد وأقول تصيرين طول الوقت مشغولة فيهم عننا وماغير كل الحب لهم..
طبعا أحيانا توصل لدرجة إني أبكي..ما ابيهم ينامون عندنا..وبعض الأحيان البسيطة تدري أختي لكنها ما تعلق..وأكيد انها ما تبي تضايقني..

هذا هو المشهد..
لو سألتيني عن السبب الحقيقي أقولك إني جدا مقهورة وحزينة..لأني ما تزوجت إلى الآن وأتمنى يكون عندي عيال مثلها..وأحسها هي السبب في أني ما تزوجت لأن الشخص الوحيد اللي تقدم لي كان وأنا أدرس وهي لسه ما تزوجت فردوه أهلي عشانها..

طبعا أدري انها وسوسة شيطان وما تأخر زواجي إلى لحكمة يعلمها الله..لكن مشاعري صار صعب أتحكم فيها..أحسي منهارة ومافيه أحد موقف معي ولا أقدر أشكي لأحد أو أقول مشاعري..
وآخر مره سمعت في التلفزيون..أن غريزة الأمومة هي أقوى غريزة في الإنسان..رحمت نفسي وقلت ربي راحمك لا تخافين..

المهم..بعد قصة حياتي..اللي أبي أقوله لك..
يمكن فيه سبب آخر خلف إنها تسوي كذا لعيالك..
مو فقط الظاهر..

يمكن اخنك مضغوطه اذا تدرس او تشتغل اعذريه تتعب وتبي هدواء يمكن ماتقصدوانت كلامي امك تكلمها اوكلميها لاتخلي بينكم حزازيات الاطفال كذا