اخت زوجي

هلا بنات .. بفهمكم اول شي وضعي انا ساكنة بمنطقه غير منطقة اهلي واهله ومنتطقتنا فيها جامعه خواته يدرسون فيها ولهم سكن وكل شي المهم امس دقت اخته قالت متى بتنزلون قلت لها بعد بكره لأنه في دوام قالت انزين قولي لاخوي يجيني بكره (يعني اليوم) ياخذني وردي علي باي وقت بيجي عشان اتجهز ... انا سالتها يعني بتجين عندنا ؟؟ قالت ايه .. بنات انا تضايقت لأني مشغوله وااااايد لأن بنعيد عند اهلنا وبننزل بكره وعندي شغل وااايد اسويه اغراض اليهال احطها وانا ابي انظف نفسي ومحطيه ابالي اني اتحنى بخاطري من زمان و رتبت وحجزت .. واكيد اذا يت لازم اطبخ وانفخ فطور وسحور لنها ضيفه وبهالطريقه ما بخلص شغلي ولا باخذ راحتي بالترتيب والشي الثاني انها ما استاذنت هل ممكن انها تجي والا بكون مشغولة يعني ابد ما حسيت انه في ذوق .. وطبعا قلت لزوجي قال انزين عادي انتي قعدي في غرفتج قلت يا سلام يعني احبس عمري عشان اختك واهي مب محتاجه لهذي الجية بشي الا مغثتي المهم صار شوي زعل بيني وبينه قلت المفروض انك تراعيني وترفض جيتها باسلوب لبق يعني انك مشغول واايد ومب قادر اتسير لها .. المشكله ان في نزله لهم والناس دوامات يعني مب الكل نازل وهي مو بروحها بالسكن .. اتوقع بنات الامارت يفهمون السكن عدل وانه مب ناقص شي بالعكس وناسه .
هاه شو رايكم انا غلطانه وكبرت الموضوع والا معاي حق انه تكون لي خصوصيات
وشلون اتصرف بدون ما اجرح حد ولا احرج زوجي.