بنت فوشيا @bnt_foshya
عضوة نشيطة
اخت زوجي والجميــلات/ قديم
المشكله مو في البنت المشكله فيني انــا اعتــرف !اخت زوجي اصغر مني وهي وزوجي وحيدين ابوهم وامهمالبنت اسلوبها ثقييل فيها عقل ورزانه و فيها صفه : كشـــــريه جدآ جدآ اهلها يخافون منها موووت بسبب كشرية وجهها.بدايه زواجي غلطت غلطه قويه وهي اني اول ما انخطبت رحت ارستلها مسج قلتلها انا فلانه شلونك شخبارك اذا صار اي شي جديد وتحتاجين شي بخصوص تحضير عرسي كلميني هذا رقمي لانو كانت تتعامل ويا امي انا قلت يمكن مستحيه مني خلني اكسر الحاجز ومنها نكون قريبات لزوم اننا بنكون اهليوم يومين ثلاث عشر البنت ماردت علي وبالعكس وصلتلي اووول رساله (تجاهل) وهي انها اتصلت على امي وطلبتني من امي رحت كلمتها فسألتني عن سوق معين انا طبعا فهمت من اتصالها انو ماتبي علاقه مباشره معي وانها تبي علاقتنا من بعيد لبعيد ,هذا مقصدها من الاتصال لانو كانت تقدر تسأل امي عن اسم السوق حملت نفسي المسؤليه وقلت بقلبي اصلا انا الغلطانه انا الي رميت نفسي عليها وقمت تجاهلتها تماما وبعدين تزوجت وصرت ازورهم ببيتهموبذكرلكم نقاطعمتي تنحط عالجرح يبرى ماشاءالله بالنسبه ل (اخت زوجي) الحق لله ما اذتني ولاغلطت ويوم اكلمها ترد بكللللل ادبلكن عندها تجاااااهل ناحيتي عجيب ,, يعني احسها ماتبي اي علاقه بيني وبينها خير شرر وانا احترم هالشي ولا لي دخل فيهاا كيفها الارواح جنود مجنده وهي حررره لاتجي وحده تقولي الحب مو غصب ايه ماطلبت محبتها بس افضفض لكم يعني كل كل كل عايلتنا عندهم رقمها بدون استثناء كلنا قرايب وتتعامل معاهم كلهم حتى اللي يحقرونها ويطنشونها ماعندها مشكله تكلمهم وتواصلهمالا انا مستحيييييييييل تفكر بيوم تواصلني او ترسلي كلمهامها غاصبتهااا تبتسم لي وتسولف معي .. والله لو مو امها يمكن ماتسلم علي حتى..كم مره امها تقول اي سالفه عشان تبي بنتها تبتسم لي وتتلحلح وتسولف معي والبنت ماتعلق على سالفه امها ضاربه بوزز وامها تتفششل ,ملاحظه يوم ماتكون راااايقه تعالو شوفو انواع الضحك والقهقه ويوم تكون طفشانه اصلا ماتناظر بوجهي >> وين الاحترام؟انا على كيف مزاجها؟ بس صرت اعاملها بطريقه وحده سواء ضحكت او تنفست اعاملها بأسلوب ووجه واحد.(اللي بعمرها ما يعرف يتقن هالحركات: الثقل والتكشير وضرب البوز ,لكن هي ماشاءالله عليها محترررفه محتررررررفه بشي اسمه حقــران) اسلوب حقرانها لي اسلوب وحده عمرها 40 و ابوها واخوها يخافووون منها يتراجفون من قوه شخصيتهاهي مره قالت انها حقرت وحده اكبر منها بكثيييييييير سلمت عالكل وجات عند هالحرمه بالذات وطنشتها وكملت السلام لباقي الصف وخلت المره مثل الجدار هي اسلوبها حقرااااان شين(وقحــــــــه بأأأأأأدب) اذكر بأول ايام زواجـــي كانت على طووول متنرفزه مني وكل ماتشوفني تكشششر وكل ماقلت لها شي ردت بعصبيه ونرفزه اذا قلت لها أكلي لاتستحين ترفع حاجبها وتقول قاااااااااااااااااعده اكل بنفخه وكراهيه شديييييييييده وكنت استغرب واقول ليش وش فيها علي؟ لو اني جميله بقول غيرانه مني لكن لاااااا مو غيره..انا ملامحي اقل من عاديه واصلا انا مو ستايلها ابدآآ مو عاجبتها >>ولاهمني اعجبها بس مجرد اسولفلكم عنهاناشفه معاي حيل عكس مع البنات لما نقابل بنات وحريم ثانيات تصير تسوولف ووحده ثانيه تماما اول كنت ازعل واتشره واقول وش فيها علي وش سويت لها انا؟ وليه وليه وليهحطيت احتماالات كثيره مع اني ماكنت احبها بس كان عندي فضوول اعرف ليه ماهي بالعتني وحاولت اصادقها بهدوووء وذوق وبدون لا ارمي نفسي عليها البنت عيت تبلعنيدااارت الايام وطلعتها من بالي وصار مايهمني حبتني او كرهتنيلييييين مع العشره لاحظت شي مهملاحظت ان البنات اللي تعرفهم بعضهم اكبـــــــر مني انـــــا !!! وانا طول الفتره اللي راحت فكرت ان سبب تطنشيها لي اني اكبر منها ,بس اتضح انو العمر ماهو مشكله بالنسبه لها والا شلون مصاحبه بنات وهم اكبر مني ؟!! لعلمكم هي مصاحبه كل بنات جماعتنا (انا واهل زوجي جماعه وحده) يعني انا من اهلها بعدومع العشره جاني الجواب من غير لا اسعى لهاكتشفت ان البنت تحب الجميــــــلات تنهبل يوم تشوف بنت حلووووه وتخق عند الجمال وتتعرف على الجميلات وتاخذ رقمهم وشكلها كانت تتمنى اللي تناسبهم تكون وحده جميله وصاروخ وتشرفها وانا جمالي متواضع و اقل من عادي لكن مفتخره بنفسي والحمدللهوهنا قررت اسوي ستوووووووووب واللي مايبينا مانبيه وش فيها زود عني ادور قربها؟؟ لاوالله فرقا هالاشكال عيد ..اللي تقرب الناس منها على حسب اشكالهم هذه فرقاها عيدولما غيرت اسلوبي معها اتحسنت شوي معاي ((واصلا مافرق معاي تحسنت ولا سائت بس اسرد لكم المراحل )) ومع انها تحسنت شوي الا انها كل فتره وفتره تصير نفسيه علي وتكرهني كره العمى لدرجه تكلم كل المجلس وعينها ماتجي بعيني لو تموووت وانا برضو ما اقصر اكلم المجلس كله واتركها ..كل انسان ينقهر على نفسه لاتلوموني بالذااات لما عاملتها بطيب وصداقه ومحتاره ليش كارهتني اثاري عشان شكلي مو عاجبها؟!!!!!! كرهتهااااااا من قلبوالله تموووووت بالجميلات , تصدقون؟ وحده من عايلتنا اكبر مني بسنتين كبيييره بالعمر ملكه جمااال والله والله اخت زوجي اللي مسويه هيبــــــه وشخصيـــه كل هذا يروووح وطييييي عند هالجميله حتى بالواتس اب ,, اذا الجميله حطت صوره او توبيك اخت زوجي تحط نفس الصوره عندها بالواتس اب (الاثنين عندي بالواتس اب للي بتسأل شلون عرفت) وكلامها كله عن الحلووووات ماتشيل عينها عنهم للاسف هي اجبرتني اكرهها بقلبــي وخلي ذيك الساعه تدور طيبتي اللي هي خسرتهااا للابددددد كانها كانت متنرفزه اني انا بالذات زوجه اخوها من بين كل هالبناتلكن ما الومها الارواح جنود مجنـــــده ..ماحبتني بسلامتهابسس ااااخ يا بنات عمتي ام زوجي لاحظت اني ما صرت اتقرب من بنتها مثل قبل..والله لايلومني تحملت منها ماتحملت من طناش وحقران والله يوفقها ويسعدها بحياتهاواحسها حزينه حييييل كل شوي القاها تراقب عيوني اناظر بنتها ولا اتجاهل النظر لبنتها؟ الام فيها الخير الله يحفظها وطالما اني ماغلطت على بنتها عداني العيب صح ولالا؟ اسلم عليها وارحب واهلي واعاملها بكل ذوق بس الزم ماعلى الانسان كرامته..
ترى ما صرت اقل ادبي مع اخت زوجي لااااااااا ..بس ماصرت اتقرب منها مثل اول
43
13K
هذا الموضوع مغلق.
خلاص سويتي اللي عليك وماعليك منها خليك واثقه من نفسك وطنش الجمال لا يودي ولا يجيب بس عقلها متاخر الله يهديها
شوفي يالوجه الطيب انا مرة اخوي كذا ما أحبها و لا أحب أسلم عليها و لا اتكلم معها
بس الحمدلله ما اذيتهاااا بشي ما علي منها
بس كذا ما تقبل منها شي
بس ترا مو من باب للطاقه ما تقبلها
لا.. أول ما تزوجت كنت مره متقبلتها
لكن لما شفتها زيارتها من شهر لشهر و أحيانا تعزمها امي و ما تجي
عرفت انها ما تستاهل التقدير و صرت خلاص ما تقبلهااا و لا تقبل أي شي منها
الي أقصده انه البنت اكيد فيه سبب
سببها مدري وش اقول بس تافه و حقير لأن الأخلاق هي يشره الواحد فيها اما خلقة الرحمن ماله فيها
انا اعرف لك ناس كذا زوجة اخوهم الجميلة مرره يقدرونها و العادية مع أنها مو عادية جدا لا ما عليها بس ابدا ما يشوفون لها شي
انتي ما عليك منها عامليهاااااا بالمثل و خلي ثقتك بنفسك عااااليه لا تهزهاا
ماسوت شي طبقت نصايح عالم حواء خليكي رسمية مع اهل زوجك بس هي عكستها رسمية مع زوجة اخوها عادي الموضوع مافي شي غريب
الصفحة الأخيرة
ماقصرتي معاها حاولتي تتقربين منها أكثر من مره
مثل ماقلتي بسلامتها
امها طيبه معك هذا المهم
زوجك طيب معك ويقدرك ويحترمك وانتي عاجبته خلاص
هي خليها تلاحق اللي تبيهم
اهم شي راحتك ياختي
الله يوفقك ويسعدك يارب