السلام عليكم ورحمه الله وبركاته
بنات انا جربت النظام دا وفكرته مره عجبتني ومريحتني .. في نفس الوقت اكل كل اللي ابغاه
صح ان النزول مو سريع زي بقيه الرجيمات بس دا لانه نظام لطول العمر ومستحيل تزيدي تاني لو اتبعتيه
انا تقريبا جربت معظم الرجيمات من تمر ولبن الى اتكنز ونظام الكربوهيدرات ونظام وجبه كل 3 ساعات او حته حساب النقاط والسعرات
ماانكر اني فعلن نحفت بس بعد فتره تجيني حاله ملل اني متقيده بشي معين او بعد ماانتهي من النظام واشتهي الشوكولاته تاني
وترجع الحكايه من ابدايه
معاناتي مع الرجيمات من ايام الثانويه والى الان لانه نفكر بس كيف ننحف مانفكر كيف نحافظ على الوزن
كنت دايمن ادور في منتديات ومكتبات عن رجيم اقتنع فيه ومااتخن بعد مااتركه الين لقيت كتاب اسمه
Change One
وفكرة النظام دا مختلفه تماما عن اي شي سويته
فكرته تتلخص.. نظام مدته 12 اسبوع بس الحلو فيه انه مع كل اسبوع تغير واحد فقط تعمليه مثلا اول اسبوع يتكلم عن الفطور وكيف الفطور الصحي والخيارات اللي عندك
مع النظام دا تقدري تاكلي كل شي بدون حرمان بس فكرته في تحديد الكميات يعني بدل ماتاكلي كيس شيبس كامل .. لا حاتاكلي بس بكميه معينه
انا مشيت عليه تقريبا شهر ومره عجبني وريحني ونقصت عليه 6 كيلوات وباقيلي كمان 12 كيلو
اذا حبيتو الفكره.. كل اسبوع حاادخل واعطيكم التغيير الجديد اللي تعملوه :26:
marbo0osha60 @marbo0osha60
عضوة نشيطة
يلزم عليك تسجيل الدخول أولًا لكتابة تعليق.
ام الفـاتح
•
ياليت تكتبي لنا النظام ياعسل
الصفحة الأخيرة