ما يؤرقني ..

ولدي عمره سنتين وسبعة أشهر إلى الآن كشفت عليه وحولتني لعيادة السمع وقالتلي الدكتورة يمكن عشان صغير ...

أنا راح أقولك سلوكه باختصار وياليت تنوريني وتطمنيني وتقوليلي إيش اعمل معاه وكيف اتصرف

في عمر سنة ونصف لاحظت عليه انه يحب يروح ويجي يجري رايح جاي بالصالة ممكن لمدة ربع او نصف ساعة مايوقف

قدرت اسيطر عليه وأمنعه مع انه ماكان يستجيب لندائي لما اناديه الا لما امسكه وأهزه بشويش

لكن صرت أمسكه وأجلسه وأحاول أن أضعله أشياء في الأرض تلهيه عن حركة الذهاب والاياب تلك

بفضل الله وقف هذا السلوك وفي عمر السنتين صار يدور يدور وسيطرت عليه باستمرار اراقبه ومااخليه يدور ولا

اخلي اخوه الأكبر يدور قدامه .. يحب يلف عجلات السيارة ولا يمل من هذي الحركة

عنيد وعدائي ويطنش كثير من أوامري ويستجيب للبعض منها

مثلا اقوله لاتضرب أخوك حرام مسكين صغير يرجع يضربه ويقول حرام مسكين وأحيان يهرب مدري هذي غيره ولا توحد

اذا كان مزكم اقوله جيب منديل وامسح خشمك .. يجيب منديل ويمسح انفه ويروح يرميه في الزبالة اكرمك الله

يحب التقليد

اذا يبغى يشرب يقول ابغى مويه او ابغى لبن او ابغى حليب او ابغى عصير

واذا شبع يقول خلاص ماابغى ويهز راسه بلا

يتكلم ويكون جمل مثلا أقوله في الليل تعال احكيلك حكاية ..

اقوله كان في ولد راح مع ابوه الملاهي بعدين طلعت بيه اللعبة فوووق مراة يطالع في ومره بالسقف

شوفي كيف يقولها ..

كان في ولد راح مع ابوه ملاهي بعدين لعبه فوووق

كلامه مفهوم الحمدلله بس مدري الشرود البصري هذا صغر سن ولا توحد

مايعرف ياكل بالملعقة الا شي بسيط ولسه مو مستوعب الحمام

الاوامر اللملاه عليه مثلا .. اقوله ..

افتح الباب .. يجري يفتحه

لاتكب الكاسة .. احيان يسمع واحيان يعاند

امسك كلم بالجوال يمسكه ويجلس يتكلم يقول الو مين

يحب يلعب مع اخوه ويحب يلعب بالمكعبات بس للان اذا شاف سيارة يلعبها عادي بس يحب كمان يلف ويفر عجلاتها

مدري هذا توحد ولا لعب عادي

اهلي اغلبهم يقولوا ليه ولدك ماايفهم اللي في سنه احسن منه


يجي يبوسني ويقول ماما حياتي لكن مايحب احد يحضنه كثير


وسلامتك وسامحيني على الاطالة

الله يجزاك الف خير_هذي اول مشاركه لي في منتدى ويشهدربي مادخلت الاعشان ابغى احدينصحني ايش اسوي_الموضوع يخص ولداخوي الوحيد الله يحفظو انااشك بنسبة 90%ان عندو توحد_عمره سنتين ونص مايتكلم يرفرف بيدينه يحرك يده عند وجهه باستمرار_يحب التلفزيون بشكل غريب خاصة قنوات الاناشيد يزعل ويعصب اذا نقصنافي صوت التلفزيون لكن اذا احد يناديه مستحيل يلتفت_اذايبغى شي يسحب يد امه او ابوه_قليل التواصل بصريا_اجتماعي نوعاما يحب احديجيهم_يضحك لوحده بدون سبب يحب اهله يضموه_على مزاجه يحب احد يلعب معاه بس مو دايم_باقي يلبس الحفاظ الله يكرمكم يخاف من الاستحمام_اذاراحو يتمشو يحب يركض و لايحب احد ينتبهلو_يتمتم باصوات لفتره طويله يدورعلى نفسه_يحب الاجهزه الجوالات والريموتات_مايميل للالعاب مايسمع الكلام عنيد اذا خرب حاجه مايخاف عادي ماكانو سوى شي_ماياكل بالملعقه_اغلب الاوقات احس انو في ذكاء_مايندمج مع احد_مايلعب مع الاطفال_يمكن اذا كانويلعبو يجلس يطل فيهم ويبتسم ويضحك بس على طول ينشغل مع حاله_يتبرز وانتو بكرامه كم مره باليوم_هو يمشي صح بس تاخر في كل شي في الحبو والجلوس والمشي_اهله مايركزو الا على انو مايتكلم بس_وانااحس انو غير عن الاطفال لمحت لمامته انو يمكن عنده ويمكن...بس احس ماتقبلت ولاالومها___وانا الان ماعرف ايش ممكن اعمل_ابغى اعرف اماكن لتشخيص التوحد في المنطقه الغربيه وهل فيه علاج؟وهل عنده توحد؟الله يجزاك الف خير دليني وانصحيني اعمل شو؟الله يشفيك يامحمد ويخليك لاهلك ياااااااااااارب_بليييييييز ردي

سبحان الله وبحمده سبحان الله العظيم

الموضوع قديم ولا اناغلطانه!!لان اخر مشاركه للاخصائيه كانت في شهر2واناانتظرعلى احر من الجمر

ماما حياتي
للاسف ولد اخوك احتمااااال كبير عنده مشكله وصدقيني امه حاسه لو ماوضحت هيا تعيش مثلي في مرحلة الانكااااار
على فكره التدخل المبكر مههم جداااااااا