السلام عليكم ورحمة الله وبركاته
كنت كثير اقارن زوجي بازواج اخواتي او زوج صديقتي او اخوانه اوقات كنت اقله ليه ماتعاملني مثل فلان شوف كيف يعامل زوجته مع انها اقل مني :angry:
واوقات اقارن بنفسي واقهر ننفسي زياده
ماستفدت اي شي :icon33:الا نفور زوجي مني وتعامله اسوا وماصار احسن ابدا الا لما اقتنعت فيه هوه لذاته صرت اقله انت احسن رجال بالدنيا انت ماتقصر علي انت تعطيني وانت اسلوبك حلو وربي يسعد عمتي الي ربتك بها الاخلاق والله صار يحرص انه يبقى هذي صورته بعيوني ولا شي يعكرها الحمدلله هذا من فضل ربي ان هداني ودلني على الخير
الخطا الثاني اني كنت اكبت بنفسي واسوي نفسي عادي اذا غلط زوجي بشي من حقوقي واصبر واصبر الين انفجججججججر من اقل شي
يعني مره زوجي تعود يتاخر علي وانا كنت اسكت واقول عادي بكره بيتغير بكره بيتعدل بس هو ماتغير ولا تعدل لاني ماتكلمت ثلاث شهور ففيوم تاخر غصب عنه انا قومت الدنيا لاني انفججججرت وقتها
والنتيجه طلعت انا الغلطانه لاني سويت مشكله من لاشي بس هو موعارف اني اكبت بنفسي ثلاث شهور
فتعلمت اني اذا لاحظته كم يوم ياخر انبهه اقله حبيبي ترا صرت تتاخر كثير هالايام واحنا نشتاق لك ونطفش بدونك فينتبه ويعوضنا بيومين اوثلاثه يكون معانا
وتعلمت ان عمر النكد مايرجع الرجل لحضنك عمره مايجيب نتيجه اضحكي وفوتي والكلام اللي تحسيه قصده بس يستفزك فيه كبري دماغك عنه مو كل كلمه ننشب للرجال ونقول وش قصدك وش تبغى توصل له وش عندك ونقلب الخلقه على طول لا عادي اضحكي والا اعطيه نظره يعني فهمتي وخلاص ارجعي سولفي عادي وتكلمي مع عيالك وعادي طوووووفي لان الحياه ماتمشي بكثرة المناقشه على كل كبيره وصغيره قولي له ابشر وانسي قولي له طيب خلاص اسفه وطنشي
اتمنى انكم تستفدون من تجاربي واخطائي وتدعون لي بالبركه في حياتي ترا توني صغيروونه :27: ولي بس خمس سنوات متزوجه
عسى ربي يعطيكم ماتتمنون جميعا ياااااااااااااااااارب