up

هو منحف في ناس اعرفهم انحفوا عليه وايد بس كم كيلوا وكم المدة مادري والله

هلا والله حبيباتي

تسلمون على الردود


بنت الكويت
------------

هلا حبيبتي شخبارج

شمسوية مع رمضان والرجيم ؟



بنت الملياردير
---------------

ياهلا بالحلوة

وليش اتركه

عمري ماشربته اخسر فلوس ولا اخسر 800 اشهر من الرجيم المتواصل .



راعية مبدأ
------------

بشرج الله بالخير

ما قصرتي يالغالية .

طيب ممكن تسأليهم : كم المدة اللي استخدموها فيها ؟

- وهل المدة متواصلة يعني يشربوه كل يوم ؟

بالنسبة للي تقولين عنه لا مو موجودة فيه .

بالعكس لو تدشين الموقع اول شي يقولونه هو انه ما يحتوي على هالأليفيرا .


ابحار الزمن
-------------

تسلمين على المرور


دانة قطر
---------

ماقصرتي حبيبتي

طمنتوني انتي وراعية مبدأ

بس اذا ماعليج كلافة ممكن تسأليهم كم نقصوا ؟

وهل كانوا يسون رجيم لو لا ؟

وكم المدة اللي ضلوا يستخدمون فيها الدواء ؟

مشكورين حبيباتي

ومنتظرة رد اخواتي الباقيات .

اخواتي حبيت اعلمكم بتجربتي للدواء

ان شاء الله من اليوم ورايح رح احط لكم النتايج بعد ان جربته امس .

الواقع ان وزني بعد ان نقص الى 102,5 ك رجع يرتفع ووصل الى 102,9 ك

وهذا له سبب :

ان الدورة - اعزكم الله - على وصول يمكن هاليومين او يوم العيد تنزل .

المهم

اعصابي بدت تتلف لأني والله ملتزمة جداً برجيم اتكنز ولا اخبص

اطبخ لهم من كل صنف وياكلون قدامي وابو العيال يغصب علي آكل , وانا متماسكة .

ما آكل الا الأكل المسموح

كل هذا ويزيد الوزن مو شي يقهر ؟!!!!!!

المهم توكلت على الله وقلت ابتدي اشرب من الدواء

بالرغم انه فيه كافيين وشاي اخضر وهذا يؤثر على النزول مع رجيم اتكنز

قلت طالما انه زايد زايد فخلني اجرب الدواء لأني تعبت صراحة .

الواجب تاخذين حبتين قبل الأكل بـ 15 دقيقة 3 مرات يومياً يعني المجموع 6 حبات يومياً .

انا اخذت حبتين قبل الفطور بـ 15 دقيقة وكان فطوري الساعة 9 وعشر - متأخر كثير ادري -

واكلت وجبة مكونة من سجق ( بدون اي اضافات ) وبيضة ونص مع القليل من حمسة بصل وطماط

وبادية كبيرة سلطة .

بعد الفطور شربت شاي جامو .

وبعدها ما اكلت شي لا سحو ولا غيرة ولا شي الا الماي , وطبعاً ماشربت الدواء .


النتايج :
--------

- دخلت الحمام - اعزكم الله - مرتين ولكن ما كان اسهال , الا طبيعي جداً .

وكأني فضيت بطني اكثر , افضل من اول اللي يكون غالبية الأيام امساك اوكميات قليلة .

ادري لوعت جبدكم بس ودي اعطيكم التفاصيل .

المهم

- حسيت اني مالي رغبة اني آكل اي شي ثاني . وكنت كل ليلة احس اني ودي آكل شي , مشتهية

شي بس البارحة ماحسيت هالإحساس .

- حسيت بخفقان بسيط في القلب وهذا مكتوب على العلبة لأن فيها كافيين وهذا يعطيك نشاط

ويسبب الخفقان خاصة اذا كان لديك حساسية من الكافيين , ويجب عدم شرب المشروبات اللي

فيها كافيين مثل الشاي والقهوة مع الدواء .

- طبعاً سهرني وحسيت اني موقادرة انام الى الساعة 8 الصبح .

انا هالأيام اتأخر بس وصلت الى 6 ونص بس حاولت انام ماقدرت انام .

وهذا بعد مكتوب على العلبة .

المهم

- النتيجة الأجمل والأحلى
--------------------------

اني لما وزنت المغرب وصل وزني الى 102,1 ك مما يعني اني نزلت من 700 - 800 جم

اليست النتيجة تستحق العناء .

هااااااه ويش رايكم .

الليلة بعد شربت حبتين

واكلت لحمة مقلية وقليل من البصل والخس .

وانا الحين اشرب شاي جامو .

بالنسبة لشاي جامو انا استخدمته من قبل ما نزلني

لكن لما خالفت هذيك المرة شربته خلى وزني مايزيد كثير اليوم الثاني - بس المهم زاد -

ان شاء الله بكرة اخبركم بالنتايج .

اهم شي عطوني آرائكم .

في امان الله

بنات ماعطيتوني رايكم