اختي حريجه ..

أحب اضيف هالمداخلة على كلامج .. وهو ان الوافدين عندهم .. فكرة مسيطرة على عقولهم ان عيال الخليج .. تميزهم ميزتين رئيسيتين .. السذاجة والميزة الثانية انهم جالسين على تل ذهب او بير بترول ينبع .. فيحاول الواحد منهم استعراض كل مواهبه في مجال الاستغفال والنصب .. عشان ينهبنا .. ولمثل هالنوعية اللي مرت عليج .. احسن شي انج تتجاهلينها لوقت او ترفضين عرضها وتبينين لها ان عندج عروض افضل منها مطروحة على مكتبج وصدقيني تشوفينها لحالها تجيج تترجاج تتعاملين معاها وتقدم لج خدمات وتسهيلات خيالية.. وانا مرت علي هالاشكال وايد ..

انتي ردة فعلج كانت عفوية ولأن الله حافظج من هالاشكال والحمدلله .. خلاج تصدين عنها .. ومن دون تخطيط منج .. وشوفي وشصار بالنهاية ... هذا اكبر دليل على صدق كلامي

الله يحفظج دوم من هالنوعية المحتالة .. وحظ اوفر في المرات القادمة

تحياتي

وحتى انا للاسف تعاملت مع ناس ووثقت فيهم وارسلتلهم اغراض واللين اللحين مشفت فلوسي من 3 و4 شهور وانا اجري وراهم وهم كل يوم بكرة وبعده

انا خلاص قررت بعد كدة التعامل يكون سلم واستلم يعني اللي ممعاه ميلزمو وبراحت كل وحدة اللي تبي اي شي تدفع حقه وتاخذه ومافي بيع بالاجل لو ايش صار بعد كدة لان جت علي وقت كانت اعاني من ظروف خاصة واطلبتهم لفلوسي والله لاحاة لمن تنادي وكل وحدة مو دارية وين الله حاطها

الحق انا فعلا تعقدت والطيبة الزايدىة قررت احطها على جنب لانها متاكل عيش ناشف حتى

السلام اول الكلام...

اختي سالي .. الحمدلله اللي جات الى هالحد .. وما خسرتي خساير كبيرة .. وهذا درس من دروس راح تتعلمينها في مشوارج التجاري ان شاءالله وصدقيني كلها في صالحج .. عدم منح الثقة الكاملة .. وياريت مثل ماقلتي تتخذين قرار يضمن لج حقج .. بس نصيحتي .. لاتقولين لزبونتج مباشرة يعني كاش في وجهها (( تبين ؟؟ سلم واستلم )) لان علاقتج راح تتوتر مع زبوناتج من بدايتها ..وبتحس وطبعا انتي ماتتحكمين بعقليات الناس وتفكيرهم راح تقول ايه مب واثقة فيني وش فاكرتني سراقة؟؟ ومن هالكلام.. او انها بتظن انج تبدين المصلحة المادية على كسب رضا الزبون .. طبعا فاهمتني

فأحسن حل .. اذا كانت في نفس البلد .. كلفي نفسج ولو قليل في اول تعامل بينج وبينها .. ان يكون التعامل مباشر وجها لوجه ويدا بيد .. علشان تشوفينها وتشوفج وتعرفينها زين أو على الاقل تعرفين وين ساكنه ومنهي هالزبونة .. ومن ثم يكون التعامل سلس بينج وبينها عن طريق البريد .. واطلبي الدفع مقدم بس بطريقة حلوة واذا كانت خارج البلد .. وفري لج مندوبات يقومون بنفس مهمتج

الله يوفقج حبيبتي ويبعد عنج المحتالين

تحياتي

يعطيكم العافية على هالموضوع القوي بصرااااحة

وبالنسبة لاني مبتدئة يعني ازحف يادوبي في عالم التجارة الا انه

لازم الوحدة تشيل الطيبة والثقة الزايدة بالناس وتخليها على جنب وتتعامل بهالشي مع اهلها بس


وانه اسرار المهنة لازم ماتطلع لاي احد حتى لو اصدق صديقة

لو اشتري شريط تغليف وسالني احد عنه مااقول من وين ولا بكم لاني بصراحة ياما اكلت مقالب من الناس

والمنتدى ماقصر بعد ,,,,, زاد التجارب حبتين مثلا سالفة الاستفسار عن اخر الاشكال واخذ الافكار ومع السلامة


ويعطيكم العافية مرة ثانية

المثل يقول..................... ان اللي انلسع من الشوربه ينفخ في الزبادي
انا تعلمت ما اعطي الثقه لأحد في حلالي ......اذا اقرب الناس لك يطالعونك على انك بنك متحرك
كيف موظفينك.....
الموظف .....لما يشوفك متهاونه...يختبرك اذا عدت عليك مره بيكررها مرات واذا ما عدت اخذ حذره منك
وظفت بنت سعوديه عندي بالمحل..........اكتشفت انها تاخذ البضاعه وتبيعا على ناس بسعر مرتفع خارج المحل وتطلع بعموله من وراي......ما كان اعتراضي على عمولتها اعتراضي كان على استخدامها لي بدون علمي فقررت فسخ عقدها.....بعد عدة انذارات
بالأضافه الى انها تشتغل الف شغله في الوقت نفسه كنت دايم اجي للمحل ما الاقيها باستمرار تاركه المحل ورايحه تشتغل لحسابها.
وفي النهايه كل دقه بتعليمه
وترى الموضوع فعلاجيد