السوق مواسم والتاجر لازم يغتنم الفرصه المناسبه

مشكورات ياخواتي على الموضوع المفيد

هلا الغاليه بالنسبه لتجربتج ذكرتني في مدرستي الله يرحمها كانت اتاجر اهي وزوجها

وبعدين يوم نجحت استقالت من التدريس وبعدين اكتشفت ان الوافد اللي كان يشتغل

عندهم سرقهم وشرد ومب جذي ركب عليهم الديون فجي ردت ادرس مره ثانيه

والله اذكر انها كانت تعباااااااانه يعني تجربه عن جد فضيعه لانها تخليج حيرانه و

غضبانه في نفس الوقت بس عندي سؤال الغاليه " انتي رديت مره ثانيه اتاجرين؟"


و بالنسبه للوافدين الله يسامحهم والله اني ما احب اتعامل مع شخص وافد

والسموحه للاخوان الوافدين والله لو شفت مثلا وافده تبيع بضاعه ب 10 دراهم ما

اقدر اشتريه بس لو شفت مواطنه تبيع نفس البضاعه ب 100 والله راح اشتريه

ما ادري ليش بس ما اقدر اثق فيهم واحسهم يضحكون علينا ويقولون "حبابه وله

حبيبت ألبي .....تأبريني وهل الالفاظ ونحنا طبعا انذوب " ومن هناك احسهم يسبونا

ويستغفلونا :27: الا ما رحم ربي فيهم الزين بس :16:

نورس في السماء الصيف عاده يكون موسم رااااكد تماما بس عندي نصيحه

في الصيف اذا كنتي تبين تشترين شي حق تجارتج فهاي فرصتج عاده الاسعار

تكون منخفضه والتجار يحاولون يبيعون بضايعهم بس بعدين اول ما تبتدي المدارس

والحشره عاد ابدي بيعي وبالسعر اللي يعجبج

السلام اول الكلام

هلا حبيبتي حريجه ..

ايه الحمدلله رديت اتاجر في نفس تجارتي .. وهالسالفة اللي صارت قدلها زمان .. يعني اول ماابتديت ادخل السوق ومجال التجارة وفغي اول مشواري التجاري.. والحمدلله ان الضربة جاتني بدري .. علشان اتعلم بدري .. واعرف اللي لي واللي علي .. صج اني خسرت اموال كبيرة .. والاهم اني خسرت بعض ثقة عملائي .. لكن الحمدلله سويت موازنة .. وحاولت انقذ مايمكن انقاذه .. وحاولت اغطي الخساير من حسابي الخاص .. مع ان هلي ماقصروا واعرضوا علي المساعدة .. بس انا قلت لهم .. لا.. اصبروا .. خلوني اتصرف .. واذا تسكرت كل الابواب في ويهي .. فانتوا ان شاءالله الخير والبركة .. ومالي غناة عنكم ... لأني من بداية دخولي التجارة .. وانا شارطة عليهم .. محد يتدخل في شغلي وفي قراراتي .. كنت مصرة اثبت لنفسي ولهلي اني قدها وقدود .. واني اقدر اصنع لي اسم في السوق وان دراساتي الاكاديمية اللي تحصلت عليها من برااا ماراح تروح جذي هدررر.. وفعلا الامور كانت ماشية تمام التمام .. وربح حلو ماتتصورين شلون كانت تجارتي ممتعة وتدر علي فلوس ولله الحمد .. مع اني اخترت مجال شوي ذكوري .. والكل في بداياتي اذا اقول لهم طبيعة عملي يستغربون ويسألوني شالمعنى اخترتي هالمجال يعني .. مهو فيه ازياء مكياج عطور عبايات .. خليتي كل هذا واخترتي هالمجال؟؟ كنت قول لهم لاني ابي اثبت لكم ان المرأة لها شخصية وعزم قوي وتقدر تنافس الرجل في كل المجالات .. وفعلا .. قدرت .. والله يااختي لو اقول لج العروض اللي جتني بعد مانجحت في هالمجال .. كل من يعرض علي الشراكة (( التجار الرجال طبعا)) وانا كنت ارفض ؟؟ لأن عندي مبدأ ان الشراكة غالبا ماتكون باب للخلافات والخسارة ومن ثم فض التجارة .. وصدقيني بعضهم وراح تضحكين .. بعضهم اذا ماقدروا على الشراكة يتقدمون لخطبتي ههههههههههههههههههه طبعا في ذاك الوقت .. شوفي طمع الرجال بس ..

لكن الحين الحمدلله بمرور الوقت وبالصبر وبالتخطيط السليم وتغيير خطط العمل والحذر رجعت ووقفت على رجلي ومن دون مساعدة حد .. والحمدلله ماشية .. وانا بصدد افتتاح مشروع ثاني الشهور القليلة الجاية ..

بس انتوا ادعولي بالتوفيق ..

تحياتي