اخواتي انا من مدة ثلاث شهور كنت مريت بمشكله مع زوجي وكان وقتها بعد صلاه المغرب بشوي ،، وكان ظلام ،، زوجي طلع وكنت بعدها بروحي في الغرفه على السرير ابكي ،، وفجأن جاني شعور اني ودي اضرب نفسي وقمت ضربت نفسي وانا على السرير وفي الظلام ،، ومره وحده وانا منفعله انتفضت على السرير ورجلي ارتفعت لفوق ونزلت انا انصدمت قلت من وين جاتني هالقوه.؟؟ وهالخفه؟؟ وقلت يمكن من الضيق اللي فيني ،، وبعدها زاد اللي فيني دخلت الحمام وانا ابكي وضربت نفسي وانا قاعده على المرحاض الله يعزكم وبعدها وانا اغسل وجهي وانا مقابله مرايه الحمام قعدت اكفخ واضرب وجهي بقوه
بعدها مرضت سخونه وثقل وزكام وفضل المرض كم يوم رحت تحجمت قلت يمكن الصداع اللي على طول ماسكني تفيد معاه الحجامه ،، بس ما فادتني وبعدها قمت ما اشوف من عيوني اليسار اشوف عليها ضباب ومن اروح مكان احس نفسي ما اشوف والدنيا تلف فيني وبعدها عرفت هالموضوع اللي اهو ( اني انا كنت مسويه ليزك من سنتين وكان نظر عيوني 6/6 ما كان فيها شي ولكني للأسف عرفت ان صار عندي ضعف نظر وانحراف ومريت بحاله ضيق بسبب هالموضوع وجاتني وسواس وافكار اعوذ بالله منها)
شوفوو موضوعي هذا وشوفوو الافكار اللي فيني
http://forum.hawaaworld.com/showthread.php?t=2038094
يا اخواتي والله ان هالافكار والسخط على ربي مومني احسه غصبا عني ،، انام وانا مقتنعه واقول الحمدلله انا احسن من غيري وهذا الشي ربي مقدره من يوم انا في بطن امي وكل شي بيد الله وربنا ،، واني بالبس نظاره وانتهي الموضوع،، بس اقعد الصبح احس بثقل فضييييييييييع وصداع وراسي يتشنج وانام وانا صاكه على اسناني بقوه كأني اطحنهم واقعد كارهه حياتي كأن قالو لي انج عميتي والافكار تقولي انتي اصلا ما تشوفين شي وحتى لو تشوفين كلها كم سنه وبعد ما راح تشوفين شي ، واجلس ارتعد وارجف واستفرغ ويصيدني اسهال وطول اليوم اطرافي تنمل واحس اني بعالم ثاني ما اقدر اروح الشغل ولا شي ،، وماتروح مني هالحاله الا بعد صلاه المغرب ــ وزني نزل 13 كيلو بهالفتره ، اقعد باليومين ما اكل شي اصلا ما احس بطعم الاكل
رحت لدكتوره نفسيه قالت فيج اكتئاب وعطتني حبوب سبرالكس ،، بس ما فادتني
اخوي جاب لي شيخ يقرى علي قالي انتي فيج عين والعين تحولت لمس ،، ويوم قريت في الانترنت عن اعراض المس الا اهي نفس اعراضي
قريت الرقيه الشرعيه بعدها احس الم بكتوفي وثقل وكأن الم جروح فيها وخصوصا عند النوم
ولي اليوم اقعد من النوم انسانه ثانيه ثقيله كارهه حياتي وما ادري بعيالي افكر بالانتحار ،، احس بالسخط على ربي استغفر الله ، والله اني خايفه من عقوبه ربي
الموضوع بسيط نظاره او عدسات وخلاص
بس اللي فيني يقولي اصلا انتي ما تشوفين شي وبعد فتره ما بتشوفين ابد
ساعدوني ودي ارتاااااااااااااااااااااااااااااااااااااااااااااح ، اصلي بثقل ،، ادعي ربنا وابكي بس اقول شلون الله يتقبل مني وانا افكر بافكار غلط واسخط وكأني اعاتب ربي استغفر الله
اليوم حلمت وما كنت نايمه كان بين النوم والواقع ان زوجي دزني من فوق السرير وطحت بالارض واني نايمه بس الشيطان كان يشيلني فوق وينزلني واني متشنجه ويوم قلت لزوجي في الحلم شغل سورة البقره اللي في تلفوني يشغلها بس انا ما اسمعها احطها عند اذني واطول الصوت بس ما اسمع الصوت الصوت يروح ،، وكأني اسب ربي بالحلم ، وشفت باب انفتح وووراه واحد اسود بشع وانا اسب ربي استغفر الله
بنات خايفه اموت وانا كافره اخاف الله يعاقبني ،، قمت اكلم نفسي وكأني لي شخصيتين شخصيه راضيه بقضاء الله وشخصيه ساخطه وتوسوس لي اني ما اشوف ولا راح اشوف بعد مده
شاسوي ساعدوني
مع العلم ان قبل لا امرض كان مسئولي في الشغل مادحني عند الوكيل وطلب منه ترقيتي لاني كنت جدا نشطه واشتغل بضمير ،، وكنت متفوقه في الجامعه وهالكورس اخر كورس لي ،، والكل كان متعجب انه اخر كورس لان متقدمه عن اللي دخلوو معاي الجامعه لاني كنت ضاغطه على نفسي بعدد المواد كنت اخد كل كورس 7 مواد عشان اخلص بسرعه واتفرغ لزوجي وعيالي والكل كان متعجب ان هالكورس اخر كورس لي ،، وللأسف مو قادره اداوم هالكورس الاخير لاني ما اقدر اطلع من البيت من اروح الجامعه احس نفسي ما اشووووووف شي كلش
ساعدوني ودي ترجع حياتي طبيعيه ارجوووووووووكم
أرجوانية @argoany_1
عضوة
يلزم عليك تسجيل الدخول أولًا لكتابة تعليق.
ام روان..
•
الله يشفيك عليك يقراءه القران والاذكار والاستغفار والرقيه الشرعيه
اسأل الله العظيم رب العرش الكريم ان يشفيك ..
اختي ضروري تدهنين بمسك كل ليلة قبل تنامين في مواضع النبض وبين اصابع الارجل
لأن الشياطين والجن لاتقرب رائحة المسك وتكرهها
وداومي على سورة البقرة والله يعينك ويشفيك
اختي ضروري تدهنين بمسك كل ليلة قبل تنامين في مواضع النبض وبين اصابع الارجل
لأن الشياطين والجن لاتقرب رائحة المسك وتكرهها
وداومي على سورة البقرة والله يعينك ويشفيك
الصفحة الأخيرة