لاتفكرون بالي فات مضى وانتهي فكري بالقادم لاتقولي لو سويت كذا وكذا كان أحسن خليك مرحه الغد افضل من الامس لو تفتح عمل الشيطان كل عشره سنين من حياه الانسان لها رونقها سواء خير الشر انتي بالأربعين او الخمسين مرحلة حصاد السنين اللي فاتت متزنة عاقله تعرفين اللي لك واللي عليك

فخر جدة وضياء الأمة سبحان الله نفس النقاط نتفق عليها وهي ان الواحده ماتنغر بعمرها وتقول بعدني صغيره وحره ومابي أتزوج ومن ذا الحكي
لأن كل ماتقدم العمر تتغير نظرتك للموضوع بقوة تبدين فعلا تحسين بالوحدة
وسألفه العيال انا جبت ولد وماكنت ابدا واطلاقا ناوية اجيب غيرة بس كتب الله وحملت ببنتي قبل طلاقي بفترة بسيطة وحزنت كثير لأن الوضع ماكان يسمح انى اجيب اطفال زيادة
بس الحين اشوفها نعمة عظيمة وسبحان الله ماعرفت حكمة الله إلا بعدين لأن لو يرجع بي الوقت اجيب أربع اطفال ولا خمسة احس ما يعزي إحساس الشخص بها الدنيا إلا عياله بعد الله

أنين حنين انتى تقولي المفروض ماتعجززين بالثلاثين بس انا اعتقد ان لها علاقه بالهرمونات والجينات انا بلغت وانا باثالث ابتدائي لا وكنت سمينة وصدري كبيرتخيلي بس المعاناة تخيلي طفل بهالعمر ويتبهذل هالبهذله
والحين بالثلاثين احس كل شي فيني تغير أقوم من النوم اشوف وجهي احسه مو انا من أول مادخلت الثلاثين حسيت انى كبرت عشر سنين بشكل مفاجئ بس الحمدالله على كل حال
بداء يجيني خوف و هواجس وأحس انى المفروض أركز أكثر على الأشياء المادية لانى اشوف أن العجايز الي مرتاحة ماديا ماتتبهذل كثير مثل العجايز الي عايشين مع عيالهم أو ماعندهم دخل
كنت اتمنى مشاركات أكثر من الحريم الأكبر منا بالعمر لأن معظم المشاركات ركزو على الاشياء الي ندمو عليها بالعشرينات
وانا لازلت أتسال الي بالخمسين لو ارجعها لثلاثين وش بتركز عليه
توي انتبهت على أشياء ماكنت احسب حسابها مثلا احس ان احنا ننولد ومعنا كمية من الصبر و الإصرار والطموح والجمال والعافية
وكل ما دخلنا عمر جديد ينقص شي من هالاشياء انا مثلا كنت جدا صبورة واتحمل الإزعاج والأصوات العالية لكن الحين لو اقعد بمجلس فيه حريم كثار ويتنقشاون يعورني راسي ولا عاد صرت اتحمل صجة البزران
اول فيني حيل اشيل واحط واغير بالبيت ا خليهم يهددمون جدار يبنون غرفة يغيرون ديكور الحين مستحيل استثقل الشغلة

أختي موضوعك جدا جميل وعجبني وفتح عيني على أشياء مهمه،وأجاب عن أسأله فبالي .
ربي يسعدك ويرزقك كل شي تتمنيه

الزواج مو نهاية العالم احتوي اطفالك حسسيهم بوجودك
اهتمي ببشرتك بثقافتك العمر رقم
المهم تعيشين حياتك صدقيني مجتمعنا منتقد بس مايدققون باعمارهم