متجر ام عبدالرحمن :

شوفي يا قلبي أولاً أكبر عيالك لابد يكون هو نظيف عشان أخونك بيقلدونه وحطي له مكافئة إذا ساعدك في الترتيب وشجعيهم ثانياً حطي لهم غرفة للألعاب وفيها تلفاز وطاولة صغيرونه على قدهم للأكل يعني تحددين حوستهم بغرفة وحده بدال ما تكون في البيت وخلاص قوانين إذا طلعت لعبة من هالغرفة ارميها في الزباله على طووووووووووول عقاب قولي له انا قلت لكم مابي شيء يطلع طلعوا برا وحاسوا الكنب عاقبيهم مافيه افلام كرتون مافيه العاب مافيه سوني مافيه خرجه وقفلي عليهم في غرفة خالية لمدة عشر دقايق اقصد خالية مافيها شيء تخافين عليه نفذوا كلامك كافئيهم مره بعد مره خلاص يصيرون يساعدونك حطي منافسات يعني ترتي غرفهم خليها على شكل مسابقة من خلص ترتيب غرفته أول له جائز هو يحدد العشاء ايش الليلة بكذا يحس انه صار كبير ويقدر يحدد للجميع ياكلون على كيفه كمثال ليس الآ المهم ربي البكر يتربى اخوانه من بعده هذي قااااااااااااااعده لكل أم

شوفي يا قلبي أولاً أكبر عيالك لابد يكون هو نظيف عشان أخونك بيقلدونه وحطي له مكافئة إذا ساعدك في...

***SUN*** :

شوفي حبيبتي انا عندي ثنين بس حاسه اني مرتبه الحمد لله...اولا الحمامات تكرمين بعد ماتغسليها تقفلينها كلها بالمفاتيح وتخلين واحد بس يستعملونه...عشان تنظفينه كل يومين ..الكنس استخدمي مكنسة ام عصا طويل وبعدين مسحي السيراميك مو لازم تطلعين مكنسة الكهرب الا بالمناسبات السعيده ههههه....بالنسبه للالعاب والحوسه ...اي قطع صغيره هدديهم انهم اذا مارجعوها لصندوق الالعاب بتنكب بالزباله وسويها فعلا الين تنقرض العابهم وتبقى القطع الكبيره اللي يسهل ترتيبها...عيالك ماشا الله كبار اي واحد يصحى من النوم يعدل فراشه...واذا جو ياكلون شي عوديهم انهم سيدا لمكان السفر ويفرشون سفره تحتهم...الحلويات والشبس حطيها بدولاب عندك مقفول ومفتاحه ادفنيه بجزر الواق واق خخخخخخخخ...وحددي لهم وقت واحد باليوم لاكل الحلويات وهو العصريه وفوق سفره...علميهم اذا تفتفت شي انهم يجيبون المكنسه الصغيره والحشايه ويحشونه حتى لو كان ولد عادي...يتعود عالنظام....اذا تقدرين اشتري غسالة مواعين وغسالة ملابس اتوماتيك تراهم جناااااااااان ومريحات مرررره....الملابس مو لازم تكويها كلها بس حق الطلعه البجايم انفضيها قبل النشر وخلاص يلبسونها وهي شبه منمغطه بالبيت كله واحد...

شوفي حبيبتي انا عندي ثنين بس حاسه اني مرتبه الحمد لله...اولا الحمامات تكرمين بعد ماتغسليها...