الله يعينك ويصلحهم
يوم شفت العنوان قلت ادخل ادعي لك

انا بقولك نظام وطبقيه معهم خصصي غرفه اوحتى زاويه في البيت للعقاب اللي مايسمع الكلام تجلسينه فيها ومايتحرك الا لمن يعتذر واذا حطيتيه فيها لازم تقولين له ليش عاقبتيه وانه راح يجلس فيها لين تسمحيله ويعتذر ومايكرر الغلط مره ثانيه واذا كرر يرجع من جديد للزوايه اللي مايرتب سريره او مايشيل العابه او يحوس بالبيت عاقبيه وحطيه فيها اهم شي مايتحرك الا لمن يعتذر وغير كذا لاتكون الزاويه قدام التلفزيون والله ليسحب عليك لازم مايكون فيه اي نوع من انواع الترفيه يمكن بالبدايه ماراح يجلس اول ماتعطينه ظهرك بينحاش بس خليك حازمه معه ورجعيه مره واثنين وثلاث بالاخير راح يستسلم ويعرف انه ماله الا يعتذر عشان ينفك الحصار ومو من اول ماتحطينه يقول انا اسف خلاص روح لالالالا لازم يجلس خمس دقايق ولاتخلينه يتنقع وتطولين عليه بعدين يستبلد وماعاد تفرق معه اهم شي انك تصيرين حازمه وجاده وماتعدين اي خطا وبعدين عيالك الباقين اذا شافوك كذا خلاص راح يكون فيه انضباط بالبيت ويسمعون كلامك وينفذونه عشان يتحاشون العقاب لان الضرب ماراح يفيد مهما ضربتي بس بترفعين ضغطك على الفاضي وتصيرين طول اليوم في طاخ وطيخ واذا سوا واحد فيهم شي زين اجلسي امدحي فيه ساعه وكافئيه ان شاء الله بلعبه على الكمبيوتر و اي شي يحبه ساعتها بيبدا التنافس كلن بيسوي شي عشان تكافئينه وانتي ارتاحي اكرفيهم بالبيت خخخخخخخخخ والله انا مطبقه هالنظام مع بناتي وحده 3سنوات والثانيه 4 سنوات حتى العابهم اذا جو يكتونها من السله عشان يلعبون يستأذنون ويوعدوني انهم اذا خلصوا يشيلونها والا مافيه لعب

الله يهديهم ويصلحهم ويعينك عليهم
انا ما عندي 4 فما جربت بصراحة لكن ولله الحمد اولادي مرتبين
انا حازمة جدا من هذه الناحية لدجة زوجي يقولي كانهم في تجنيد
اول ما نصحى لازم السرير يترتب بعدين يروح يغسل الوجه ويدخل الحمام بعدين يفطر باحته وحتى ايام المدرسة لازم كذا واذا ما رتب بازعل منه وما اكلمه وقت الافطار نهائي وما احط له نجمة في جدول السلوك
وقت اللعب يلعبو بكيفهم ويحوسو مثل ما يبون بس اذا خلصو لازم كل شيء يرجع مكانه
الزبالة مهمة جدا في كل غرفة زبالة واي شيء يطيح في الارض او يخلصو منه على طول على الزبالةة واذا دخلت غرفة ولقيت وسخ اناديهم واسال من اللي رماه على الارض وييجي يشيله
المجالس مغلقة ما افتحها وحمام الضيوف ايضا وحمامي مشترك بيتنظف كل يومين وبكذا ما في شغل كثير وطبعا الاشياء الثانية تتسوى اول باول وافضل وقت للشغل الصبح وهم في المدرسة لانك تكوني فاضية لما يجون من المدارس انت بيكون عليك فقط المتابعة
ممكن تتعبي شوي في البداية لكن بعدين تتعودي
وفيه شغلتين مهمات جدا الاولى جدول السلوك اللي ذكرته قبل كذا والثانية المكافئة اخر الليل اذا جدول السلوك كله نجمات بعطيهم ريال يمكن هو مبلغ بسيط لكن بس عشان احفزهم وكل شهر او شهرين بشوف كم معاهم وازيد عليه واشتريلهم العاب
طبعا احيانا يصير فيه تمرد هههه لكن انا حازمة معاهم بيرجعو يتعدلو مع العلم اني انا ما اضرب ابدا ولا يمكن ارفع ايدي عليهم لكن ازعل واذا زعلت ما اكلمهم ابدا

والله انصحك اختي انك تتعاملين معاهم بالعصا
تقولين اللي يخرب راح اضربه ولما يشوفونك كذا راح يخافون
وبنتك الكبيره علميها تساعدك عندي بنت زيها الله يصلحها ويحفظها اكرر عليها الكلام لين تجاوبني واتعامل معاها انها هي الكبيره واني اناكنت زيها واساعد امي وان اللي تساعد امها وتسمع كلامها ربي يدخلها الجنه ومن هذا القبيل
الله يعيننا ويعينك

دخلت اقول لكم الضرب اسلوب ينمى الخوف وضعف الشخصيه في الطفل ...
والاخت اللي قالت تحط لهم فلفل
ترا قبل سنتين توفى طفل عاقبته امه بهالعقاب فاختنق ومات وانحبست
انتبهوا على عيالكم