اخواتي ايهما اسهل القيصريه ام الطبيعيه ساعدوني

عزيزتي انا مثلك خايفه من الولاده في ولادتي الاولى ولدت طبيعي والحمد لله لكن سويت تخدير ((ابره بالظهر))

لكن اللحين اخاف اسوي الابره لان مضارها كثيره وانا مثلك افكر بالقيصري بس خايفه لاني ما اعرف منافعها ومضارها لاني ما جربتها

الولاده الطبيعيه حلوه بس الآلم صعبه والله يسهل ويعين يا ريت الاخوات يفيدونا اللي مجربه طبيعي او قيصري

عزيزتي الولاده القيصريه وقت الولاده سهله
انا ماجربتها جربت الطبيعي لكن عطوني ابره تخدير ...غير ابره الظهر وممتازه جدا ومالاحظت اي تاثير علي الا اللهم الام بالظهر لكن انا ماهتميت بنفسي وعملت رياضه الظهر لاغلاق الفجوه .....
بالنبه للقيصريه في الام وتعب ماتقدرين ترضعين بسهوله لا ن في الم في بطنك ولازم تحاسبين على الجرح ...والعمليه القيصريه تسبب كرشه ماتزول ...واذا عملتي قيصريه حدك تجيبين 5 او 6اولاد......
ولازم بين كل ولد والثاني فتره محدده اعتقد مهب اقل من سنتين تجيبين الولد الجاي.....
اول ماتظهرين من الولاده يخلونك تمشين عشان الخياطه اللي بالبطن والكل يقول انه متعب ومؤلم .......عشان ماتلتهب عليك ..وفي سبب
والله ماعرفه ...
لكن الاهم انك ماتاخذين راحتك في الحركه .....ماتقدرين تسويين تمارين بطن الا بعد فتره طويله لازم دايما تخليين المنطقه تتهوى يعني لازم تحافظين لفتره طويله ..
اما الولاده الطبيعيه فالالم وقت الولاده بس...وتقدرين تتحركين وتروحين وتاتين على راحتك اما الخياطه ماتاخذ منك عشرين يوم ...اذا استخدمتي الماء والملح يوميا بانتظام وينتهي الالم ....
اتمنى من الاخوات اللي جربوا القيصري يردون.....

مانصحك بالولاده القيصريه

الولاده الطبيعيه صج تعب وطلق وحوسه بس من يطلع الطفل ترتاحين

اما القيصريه ماتحسين بشي وقت الولاده وبعدين تشوفين الويل مايلتئم الجرح الا بعد مده طويله غير انك لازم سنه كامله ماتشيلين شي ثقيل


انا ماجربتها بس بنت عمتي دايما تولد قيصريه لان الحوض عندها صغير والله اذا رحنالها المستشفى حالتها تقطع القلب

الف شكر لكن اخواتي ام بسمله ام الغالي وبنت الكويت على الرد والمشاركه
بصرررراحه خوفتوني من القيصريه مرره الله يستر
انتظر بقيه الاخوات

اختي الطبيعي افضل كما قالوا الاخوات بتتعبي قبل الولادة واول ماينزل الولد بنتهي كل شي . وكلها كفارة ذنوب ان شاء الله .

وبالنسبة لولادتك السابقة مالها علاقة بالولادات التانية ، كل بطن شكل . انا صار معي متل ماقلتي عن ولادتك اول بطن بس وبعدين ماتكرر .طولوا بالهم علي كتير وأختي دكتورة وحضرت ولادتي وعملت كل جهدها ان تكون ولادتي طبيعية حتى حصل معي متل ماحصل معك ،فكل ولادة تكون مختلفة عن الاخرى بالعادة.

الله يقيمك بالسلامة ، لاتخافي ولا تنهمي ، وكلي امرك لله ، النفسية لها تأثير كبير ، فخلي نفسيتك كويسة ولاتفكري كتير وكليها لربك وادعي ربك فهو خير معين .

وعقبال قيامك بالسلامة وبالذرية الصالحة ان شاء الله .

وطمنينا عنك بس تقومي بالسلامة.