الله يعينك ويفرج عنك

أهم نصيحه غيري نظرتك لنفسك يعني أذا أقنعتي نفسك بجمالك وتحسستي مواضع الجمال فيك راح تحسين بجمالك وحلاوتك وبالتالي الناس راح يشوفونك جميلة ..

وكل يوم أوقفي قدام المرايه وقولي لنفسك يامحلا هذا الوجه ايش هذا الزين مورد الخدود وسواد العين الله يحفظك من كل عين ... يعني دللي نفسك لا تستنين أحد يمدحك أو يثني عليك حبي حالك أول ودلليها ...

خذيها قاعدة ... علاج البشرة يجي أول شيء من الداخل وبعدين من برا ..
التقشير الاسبوعي للبشرة .. شرب على الأقل 2 لتر - 3 لتر من الماء يومياً .. لأن منطقة الخليج حااااارة وجااااافة ... أكل الخضار والفواكه وخاصة اللي فيها مضادات أكسدة مثل البروكولي والحمضيات والفراولة، الخضار الورقية وخاصة الغامقة اللون منها، الفلفل الرومي الأخضر، بذور القمح، المكسرات الغير مملحة وخاصة اللوز، الدراق والمشمش، الحبوب الكاملة بأنواعها، الثوم ..

كل هذا بالإضافة إلى الأسماك والمأكولات البحرية، البيض، الدجاج واللحوم الحمراء ... كل هذا يساعد الخلايا على التجدد والتخلص من المنظر الباهت للبشرة ...
طبعاً لا تنسين الماسكات الطبيعية مثل ماء الروب .. تحطينه على قطنة وتمسحين فيه وجهج .. أو تفعصين شوية من فاكهة البابايا وتحطين عليها شوية عسل وتحطين الخليط على البشرة ... وتتركينه لمدة ربع ساعة ... مرتين في الاسبوع..

اتبعي هذي النصائح وراح تشوفين تغيييييير جذري بإذن الله تعالى .. "أنا قربت على الثلاثين بس والله العظيم كل من شافني عطاني 10 سنوات أقل .. ماشاء الله علي" طبعاً مش لأن ما عندي هموم ولكن لأني أهتم ببشرتي والحمدلله ... وربي يوفقج ..

بالتوفيق....

الله يعينج حبيبتي