اخواني الرجال تفضلوا .... وانتوا بعد خواتي تفضلوا :) :) :) :)

اخواني الرجال الرجاء عدم الزعل فهذه رسالة جاءت عن طريق البريد وضحكت كثييير من التعليقات التي بداخلها :21: :21: فرجاء قرأتها بتمعن وان كان لكم تعليقات فالرجاء كتابتها ولكم جزيل الشكر
.......................

حاولت اذكر بعض العيوب اللي لو تخلص منها الزوج بيكون زوج مثالي وهذا ما يعني ان العيوب كلها بتكون موجوده في شخص واحد والا صار كارثة مو زوج ولا يعقل ان فيه زوج مثالي خالي من العيوب...
1-انحرافات الزوج الأخلاقية وعلاقاته المشبوهه

2-كثرة الخروج من البيت لأسباب غير مبرره

3-التدخين في المنزل ....خصوصاً اذا كان الاطفال متواجدين في نفس الغرفة

4-الأنشغال بمتابعة القنوات الفضائية والفيديو والانترنت ...ولا تنسون البلاي ستيشن

5-كثرة الدعوات للضيوف في أوقات غير مناسبة

6-البخل ... البخل .... البخل

7-الأهتمام المفرط بالهندام عند الخروج للأسواق ( بعض الرجال يغازل وزوجته معه )

8-ضعف الشخصية خصوصاً أمام الاهل والأقارب ( تبعية الفكر)

9-عدم الاهتمام بالمظهر والنظافة والشكل داخل المنزل

10- سطحية التفكير وضعف الثقافة وقصر البصيرة

11- الأنانية

12- محاولة فرض الامر الواقع على الزوجة بدون ذكر أسباب مقنعه

13- عدم أظهار المحبة لأهل الزوجة ومحاولة الانتقاص منهم بشكل او بأخر ( واللي يبي شوري يطيب خاطر ام زوجته ... تراها مفتاح عقلها)


14- قيادة السيارة بشكل مخيف ( فيه واحد يقول ان زوجته حلفت انها ما تركب معه في السيارة ......ليش ؟؟؟ الأخ مسوي فيها ثلاث حوادث في سنه)

15- التهديد المستمر بالطلاق او الزواج ( مثل واحد متزوج اربع كل ما يزعل عليهم يجمعهم ويقولهم : والله اني شايف لي عروس جديدة بس ما ادري مين أطلق فيكم.... وهن على طول يمشون على العجين ما يلخبطونه)

16- أكل بعض انواع الطعام ذات الروائح المكروهه ( تخيلوا عاد ....ثوم وبصل )

17- التشخير المستمر دون البحث عن علاج ( بعضهم صفارة حرب كميائية)

- أستعمال أشياءها الخاصة (امشاط ... صابون ... شامبو ... جل استحمام ... عطور )

18- عدم الاهتمام بترتيب المنزل ( المسكينه ترتب لين تتعب والاخ يجي يحوس الدنياء فوق تحت ... مجلات وجرايد منثرة ومنديل مرمي هنا ومنديل هناك مع ان السله قريبه منه )

19- بعدين ... ( بعدين هذي مشكلة كبيرة كل ما تطلب شيء المسكينة تلقى الأجابة المعتادة ... بعدين ... والسبب واحد الأخ كسلان )

20- عدم مراعاة الحالة الصحية .... ( سخونه وزكمه وكحه ... والاخ يقول : يا وضحى سوي الغداء ... رز وكم صنف ايدامات على كم صنف معجنات وحلويات وعصير ... واذا انتهت المسكينه وتغداء الاخ قال : اعطينا قهوة وشاهي ولا تنسين المكسرات ودخاني وطفاية الدخان وقربي معك ريموت التلفزيون ... والله شيء يحزن )

21- إكراه الزوجه على زيارة من لاترغب بزيارتهم ... ( يعني لازم تجامل زوجة مديره حتى لو انها ممله وترفع الضغط ... وزوجات أصحابه وجيرانه ... الأخ يتقرب بكل الطرق )

22- الهدية مفتاح قلب الزوجة حتى لو كانت بسيطة ( مع الراتب جيب عطر ...100 ريال مو كثير في ام العيال وست الكل ... طيب خاطرها بشيء الله يطيب خاطرك )

23- النوم خارج غرفة النوم ( قصدي أن بعض الازواج ما يحب ينام في غرفة النوم لأن الاخ ما يحب أزعاج الطفل الرضيع والا الصغير ... الأخ نسي انه طفله بعد)

24- الكتمان ( انا ما اقول قولها على كل شيء بس مو تصير مقفول بأرقام سرية وحاط على فمك أقفال بنك الراجحي ... حسسها انها صديقتك وزجتك والاخت والحبيبه وكل شيء ... مو مثل بعض الزوجات تسمع أخبار زوجها من الناس )

25- اللعب ... ولنا في الرسول عليه الصلاة والسلام مثل أعلى كان عليه الصلاة والسلام يسابق أم المؤمنين عائشة رضي الله عنها( بس مو كل مره انت اللي تفوز مره انت ومره هي ... ولا تغش يا لطيب )

26- التعالي ... ( بعض الازواج كاشخ على زوجته بكل شيء ودايم يسوي مقارنه بينه وبينها وبينه وبين اخوانها وبينها وبين أخواته )

27- الماضي ... ( الحين شيء انتهى ليش نتكلم فيه ... يعني المثل اللي يقول : الكلام في الفايت نقصان في العقل مو عاجبك؟؟؟)

28- تضخيم المشاكل ( الحبه تصير قبه ... طيب المسكينه أخطائت وأعتذرت وحبت راسك وانت باقي زعلان ومكبر السالفة ... ياخي دور ترى حولك جدار والا بحر ... وش تبيها تسوي لك يعني ؟؟؟)

هذي بعض النقاط أ والعيوب واللي عنده زود لا يقصر

و الكما ل لله


بقي ان اقول انه لايوجد شخص كامل ...حتى الزوجة فيها من العيوب الكثير لكن الاثنين في النهاية مايستغنوا عن بعض