رضيت بهذه الحياة لان لدي مشكل في الانجاب و لاني مطلقة سابقا و مجتمعنا لا يرحم و لاني اخاف من الوحدة و احتاج لرجل يعفني و يحصنني هذا هو السبب اختي

بالله عليكي هل هذا عذر كافي بنظرك انك تعيشي مثل هذه الحياة ؟
طيب اسالك من ناحية شرعية اللي تسوينه بنفسك ربي بيرضى فيه ؟
مو معنى انك عندك مشاكل بالانجاب ومطلقة يعني انك بني ادم درجة ثانية ولازم تتنازلين !
انتي ربي كرمك ورفع قدرك ليش تنزلين من قدرك وتتبطرين على نعمة ربك ؟
ربي رزقك بأهل يبون مصلحتك ويردون الظلم عنك وانتي رايحة تركضين ورا واحد يستغلك ويغلط فيكي وباهلك وانتي تصفقين له !
والله ماعاش اللي يأذيني بنفسي أو بأهلي
اهلك بيرفعون قدرك وهم بيعرفون مصلحتك
زوجك اللي بينك وبينه مجرد عقد ينتهي بالطلاق وتحرمين عليه
لكن اهلك يبون مصلحتك بالله ماتحسين باهلك !
ماتحسين انك تعورين قلبهم يوم تسوين كل هذا بنفسك
انت راضية بهالصهر لاهلك ! راضية لانسان استغلالي بشع كل همه فلوسك وانه يعيش على قفاك لانك انتي سمحتيله بهالشيء
مين اللي رباك وكبرك وعلمك لين صار عندك فلوس ووو مو اهلك ؟
ماتخيل احساس ابوي يوم اجيب له صهر يضرب بنته اللي تعب عليها

اقسم بالله غيرك لو اهلها يشوفونها كذا يقولون لها اسكتي استحملي مالنا شغل فيك وو
وانتي اهلك يبون حقك وتردينهم

انا لي قريبة مطلقة مرتين وتزوجت الثالث الله يبارك لها شاب اعزب ! وتراها مثلك عندها صعوبة بالانجاب
لي قريبة ثانية تطلقت 4 مرات وبالاخير تزوجت واحد شايلها من الارض شيل
اعرف بنات مانفتح نصيبهم الا بعد طلاقهم الثاني جاهم ناس ماشاء الله

اصلا بالشرع وش الحاكم بالزواج
" اذا جائكم من ترضون خلقه ودينه فزوجوه "
طيب هل زوجك فيه الخلق والدين ؟ لأ
هل شخص مثل هذا كفو انه يربي اطفال ؟ لأ
هل شخص مثل هذا تأمنيه على نفسك ؟ لأ
اجل وين المودة والرحمة والغاية الاصلية من الزواج ؟
احسك تزوجتيه بسرعة فقط لجل تكوني " متزوجة " ولا اهتميتي انك تختارينه صح

المفروض ماتضيعين حياتك كذا
ربي رزقك بفلوس تروحين تسافرين برة تعالجين نفسك وترجعين
الاولاد رزق من ربي
اعرف واحدة تطلقت من واحد لانه ماينجب
بعد ماتطلقت طليقها تزوج غيرها وانجب !
واحدة بعد زوجها طلقها لانها ماتنجب
تزوجت غيره وانجبت !
هذا رزق من ربي ماتعرفين متى يجي ومن مين

استخيري ربك وشاوري أهلك الدنيا ماتوقف على رجال واللي خلقه خلق غيره

كلام هلك هو الصح... سلامات وليش تبيعين نفسك.. .عشان زوج ولا عيال... خلي نفسك عزيزه عليك ...وتقربي لربك....وبتشوفين الدنيا حلوه وربي بيرزقك ويسهل كل شي